Kamis, 26 Sept 2019
Pangungkapon 20: 11-15
Panguhuman na Parpudi
Huria ni Tuhanta,
Dilehon Debata do tu ganup na porsea sada Pangungkapaon marhite
Apostel Johanes uju tarbuang Ibana di sada Pulo, ima pulo Patmos. Pulo na
marisihon angka jolma na hona uhum ala mangalo pamarenta. Boi dohonon songon
Pulo tu angka tahanan Politik. Molo di Indonesia, songon Pulo Buru manang Digul
ditinggi Bolanda menjajah Negaranta.
Pangungkapon taringot tu na masa dihuria mula-mula i dohot angka
nanaeng masa Marhite Pangungkapon na sinuraton Apostel i, boi ma idaonto songon
dia do hadirionta taringot tu haporseoan
ta Tu Jahowa.
Damang/Dainang na hinaholongan dibagasan
Kristus,
Tarbuang pe Apostel i, ala Barita Nauli do, jala gabe musu ni Kesar i do Barita Taringot tu Kristus, ala Kesar Domitian na marhuaso hatiiha i “Paojakhon dirina gabe tuhan naingkon sisombaon di luat dohot tano na ginimgoman ni Kesar Romawi”, manang ise na menolak, ingkon do mangadopi hamatean.
Dihilala jala ditaon Apostel i
do uhuman na pinamasuk, dilompa tu
Panggorengan, alai ndang mate Apostel i, dungi dipapinda ma Ibana tu Patmos. Holan
Apostel Johanes ma na mangolu sahat tu 90 taon, na gabe Uskup / Uluan ni Huria
di Edessa, Efesus, molo sonari Masuk tu Negara Turki.
Pangungkapon na sinurat ni
Apostel i, laho patuduhon ragam ni angka hamaolon naingkon adopan angka
naporsea i, huria i, ala ni panindangion
dohot barita nauli i taringot Tuhan Jesus Kristus.
Marhite Pangungkapon na nilehon
Jahowa marhite Apostel i, secara umum boi idaonta:
1) Hasintongan Parrohaon dohot
Parualon ni angka Na Porsea i taringot tu Haporseaonna dohot Hadirionna Tu Jesus Kristus,
Diragam hasusaan na diadopan nasida hatihai (na dipaburu-buru, mangadopi hamatean,
tarbuang, dipasiak-siak). 2. Sikap / Parualon / Pangalaho ni Naporsea i
manang Huria i manghangoluhon Haporseaonna. Tu pudian nia ari (na masa sogot), 3. Spasingot, pinsang-pinsang,
soso-soso dohot hata na koras na pinasahat ni Debata tu Huria i, asa
marhamubaon, dohot pangoluhon Panghirimon molo pe masa sitaonon alani
haporseaon. Manang ise na manahan ro diujungna dilehon Debata tumpal hangoluan
ima ngolu saleleng ni leleng.
Damang/Dainang na hinaholongan dibagasan
Kristus,
Sahat do
Barita Pangungkapon on tu Hita, anggiat botoon na boha do Hadirion dohot haporseaonta dimasa sinuaneg dohot di na laho masa diari-ari ni parngoluonta tu joloan ni
ari.
Asa hita pe
olo mamparrohahon Ngolu ni Haporseaonta, nunga songon dia
Haporseoanta diragam ni namasa hamaolon i na taadopi nuaeng, dohot angka nanaeg
ro, Taparhangoluhon do Haporseon
ta i?.
Ringkot sipeoponta asa “Manangihon
na ni dok ni Tondi i, dohot marhabisuhon/Siapa
bertelinga hendaklah mendegar, apa yang dikatakan Roh Allah dan yang perlu
ialah akal dan Hikmat dari Allah”,
Na mangihut songon dia do sikap manang respon. Adong
2 pilihan tu angka na porsea i. Marhasatiaan
do manang manimbil sian Jahowa, ala hamaolon na niadopan.
Damang/Dainang na hinaholongan dibagasan
Kristus,
Ilustrasi – Anak Sekolah,
na marlembalemba, lalap ndang marsiajar, ujungna ndang lulus jala ndang
tarsurat goarna.---
Turpuk
dibodarion manaringoti Panguhuman na Parpudi, adong 2 hal besar naeng idaonta:
1) Upah ni angka na Porsea na tarsuarat Goarna di Bukku hangoluan i, ima na
mangolu dibagasan Tondi ni Debata, ima Surgo hasonganan. Inganan na so
hadodoan, na gok las niroha, na so boi ganupan ni portibion. Inganan ni angka
naung monang i maralohon portibi dohot dosa.
2) Upa ni angka na so porsea tu
Kristus, na so tarsurat goarna di Bukku Hangoluan i, na so mangolu dibagasan
Tondi ni Debata, na manimbil sian Debata, ima Laut Api manang Api Narokko,
Inganan hamatean na paduahalihon, inganan ni
angguhangguk dohot na patungoripon (ratapan dan kertakan gigi – Matius
13;50).
Huria ni Tuhanta,
Ganup minggu do hita
manghatindanghon naingkon ro Jesus Kristus na paduahalihon, laho manguhumi
jolma na mangolu dohot namate. Na mangolu Partondion dohot na Mate Partondion.
Saluhutna do hita Upah
ima surgo hasonangan, ido tahe?. Alai
boa do hita asa sahat tusi. Asa unang
annon di na ro ari panguhuman i di dok tu hita, “Ise do ho tahe, ndang hea huida
ho, ndang hutanda ho, ndang hea hubege soaram mamuji dohot mangelek Ahu,
HatangKu pe ndang ditangihon ho, ai aha do na niulam diportibi?”, Ndang na
taralusanta i.
Na bongot tu
Surgo i, ima angka Naung Tarsurat do Goarna di Bukku
Hangoluon i. Angka na naung ditobus
marhite mudarni Kristus di hau Pinarsilangi,
Boa hita?
nunga tarsurat goar ta di bukku hangoluan i?, Alusna
Nunga. Andingan ma i? Ditingki Na
Tardidi hita tu Bagasan Goar ni Debata Ama, Anak dohot Tondi Parbadia.(Rom 6:3-4 Na so diboto hamu do on: Sude
hita, nasa naung tardidi tubagasan Kristus Jesus, tubagasan hamateanna do hita
tardidi?. Antong, naung tartanom do hita rap dohot Ibana marhitehite pandidion
i tubagasan hamatean, asa marparange hita di bagasan ngolu na imbaru, songon Kristus
naung hehe sian angka naung mate hinorhon ni hasangapon ni Amana.
Tardidi ima tanda meterai/sahap ni Harajaon ni Debata,
Kerajaan Sorga. Jadi manang ise naung tardidi nunga be tarsurat
goarna di HarajaonNa. Alani
i, tung mansai arga situtu do Pandidion Nabadia i, sahali do Kristus mate ala ni dosa i ro
disalelenglelengna. Jala holan sahali do hita tardidi.
Boi do sesa goar i sian Bukku Hangoluon i? Boi, tajaha ma 2 Musa 32:33 “Alai ro ma hata ni Jahowa tu
Musa: Manang ise naung mardosa dompak Ahu, goar ni do sesaonku sian
pustahangku.
Huria ni Tuhanta,
Nuaeng dituktuhi jala disungkun
tu ganup hita, tu ganup hadirionta, Haporseaonta, boa
do hita paradehoni, songon dia do sikap jala parualonta. Ndang adong na buni, na denggan dohot na roa,
dipajojor, disurat di Bukku i. Ndang songon Jujur ngoluni hita hajolmaon, holan
na denggan na disurathon.
Na ingkon
siulahononta nuaeng ima, maniop, manjagahon, mangharikothon, / (menjaga, memelihara ) asa Goar ta unang
disesa sian Bukku Hangoluon i, tidak
terhapus.
Napaisolat
do, parsatongkinan, tempat sementara, molo dung ro tingkina, ta tadingkon do
portibion dohot saluhut na adong dihita hian. Asa unang Tarlalap / lengah, lalai, ala ni haulion portibion.
Ndang portibion sambulonta alai surgo i.
Asa unang tading hita molo ro panjounanai.
Molo pe nueang mangolu hita, asa
Mangolu dibagasan Tuhani ma
(Rom
14:8 Ai ia mangolu pe hita, mangolu di Tuhan i do; jala mate hita, mate di
Tuhan i do! Asa mangolu manang mate pe hita, tong do di Tuhan i hita.).
Ala ni i ringkot do hita padengganhon/paturehon
hadirionta, na marhamubaon ni roha hombar tu ajaran ni Kristus, dohot Ibadah/Parsomabaon
tu Debata. Ndanda holan
na marminggu, partangiangan, paskah, natal, Alai saluhut hadirionta, ima
pangalaho, panghataion, parrohaon ingkon do patuduhon na marsoma na
beribadah tu Debata. Tarajai dirinta dohot pangalaho asa hombar tu
Kristus. Ulaonta, na marragam angka profesintai, ingkonma
pasangaphon Debata, marhite hadengganon,
hasintongan, dohot hatigoran. Haporseaon
na mangolu jala na marpubue nadenggan ido na manabur di partondion dohot
manjagahon goarta di Bukku Hangoluan i. Na taula ido disatuhon/siputihonta.
Huria ni Tuhanta,
Haporseaonta,
Ulaonta na denggan i ima na gabe pelean na hinalomohon ni Debata, ima hadaulaton
na marroha. Dipillit , tarjou hita gabe Naposo ni Debata, asa saluhut
hadirionta i patuduhon panghobasion tu Debata, marhite ngolu dohot ulaonta. Dipalua
hita sian Dosa dohot huaso hamateon i, nunga be dipasahat tu hita tumpal
hangoluon i, dipaingot hita asa unang be
manontong mangolu dohot mangulahon dosa,
Taharingkothon ma Parsaoran na
denggan tu Debata marhite parsomabaon na marsitutu, parniulaon na denggan ai
digohi Debata do hita tu angka ulaon na badia.
Antong tapeop ma tumpal i, tajagahaon ma, asa unang sesa goarta
sian Bukku Hangoluaon i didok Tuhan Jesus “Pangkp 3:11 Magira ma Ahu ro. Tiop ma na di
ho, unang adong na mambuat tumpalmi!”.
Molo tatiop tumpalna dihita i dibagasan hasatiaon, haporseaon na mangolu,
parniulaan na denggan, tardok hita ma “ Maranatha, ro O Tuhan, Amen, sai tibu ma
ro”. Dipargogoi ma hita mangulahon
hataNa i. Amen
