Unduk tu Panggomgomi na Marsahala (Roma 13:1-7 )

 

Rabu, 11 Sep 2019

Rom 13:1-7 ‘Unduk tu Panggomgomi na Marsahala”

 

Pendahuluan

Sada pangajarion na bagas na pinasahat ni Apostel Paulus tu Huria Rom taringot tu hadirion angka na porsea maradophon pamerenta / panggomgomi. Ala adong do pangantusion, tarlumobi angka na porsea sian horong ni Jahudi ndang porlu nasida unduk tu panggomgomi, holan tu Jahowa do marhaundukhon. Naasing tung dihilalaha nasida songon dia ditingki digonggomi bangso Romawi. Hape nasida maringanan di Huta Rom, Harajaon ni Romawi.

Boi ma hilalaan ni rohanta, songon dia ma roha ni Apostel Paulus ditingki manuraton on. Andorang so marbarita nauli, ibana manangkup angka na porsea marhite angka huaso sian pangogomi huria Jahudi dohot pamarenta. Dung gabe parbarita nauli, Ibana pe dipaburu-buru angka Panggomgomi Romawi. Tung mansai uli do diajarhon Ibana taringot tu Angka Panggomgomi.

Olo do gabe sungkun-sungkun rohanta, didia do angka panggomgomi i, aha do gunana, ringkot dope hita mamparsangapi angka panggomgomi i?. Ala angka na masa sinuaengon taringot tu toleransi, na manutup huria dlna.

Nuaneng sahat do baritaon hita, marhite turpukon naeng idaonta ma angka dia ma na ringkot  patupaonta sebagai warga negara Indonesia, dohot na Kristen hita, dohot tanggung jawab ta tu Debat dohot pamarentata.

 

Penjelasan

13:1 Unduk ma ganup di panggomgomi na marsahala; ai ndang adong sahalana, ia so sian Debata, Debata do mangaturhon nasida.

“Panggomgomi na marsahala” manang “pemerintah yang berwibawa?”, ima na mangulahon hasintongan dohot hatigoran, ndang papeol uhum, na marhatomanon, na mangharinghothon hadengganon parngoluon angka na ginomgomanma, ndang diktator manang membungkam jolma na so sadalan tu pamingkirion dohot haporseaonna.

Ise do “pangomgomi i? Presiden? Gubernur? Bupati, dohot angka perangkat na ditoruna, angka pengusaha alai saluhut na adong huaso, termasuk ma Kepala Keluarga / Natoras.

Bidang, balga jala borat do ulon dohot tanggung jawab ni pangomgomi i, dinalaho pamajuhon, padengganhon, paulihon jala mangaramoti angka na ginomgomanna. Asa on ma hataridaan  hamulaion ni ulaon angka panggomi na marsahala.

Sian dido Sahala i? sian Debata. Ai Debata do namangaturhon, jala sian Debata do Angka Pangomgomi i. Ai Marhite Panggomgomi Na marsahala i, dalan ni Debata laho pasauthon sangkapNa dohot angka pasu-pasu tu Bangso i.

Aha do na ringkot asa boi Marsahala Panggomgomi i?

Molo ingot dope hita di Jamita ari minggu, Di Poda 8:12-21, didok ringkot nai Habisuhon, Hapistaran, hapantason niroha, parbinotoan ni panuturion (Hikmat, Kecerdasan,  Pengetahuan dan Kebijaksanaan), marhaundukhon dohot rohana serep. JALA TARPATU I MOLO ADONG ROHA NA  BIAR MIDA JAHOWA. Ala Biar mida Jahowa do parmulaan ni ragam angka parbinotoan.

Pangomgomi na marsahala TARIDA sian sikap hidup / perilaku / karakter na denggan, na marserep niroha, BERintegritas, bermoral dan  beretika, marhalambohon dohot marhatomanon Tiruan/teladan di Spritualitas ngolu ni partondion. marpanimbangion marhite hatigoran, hasintongan dohot hadameon diangka Keputusan. Songon na pinatudu Raja salomo ditingki ma mamutus parkaro dua ina.

Didok Unduk ma ganup tu panggomgomi na marsahala, na marlapatan ingkon dibagasan hasatiaon dohot roha na pasangaphon, adong marleas niroha, manang pangetegete (berkhianat) tu angka na manggomgomi hita.

Ingkon boi do hita diatur, marroha pangoloi diangka Aturan, Uhum, dohot Tata tertib na adong di Negaranta, Hutanta, Punguanta, Hurianta, diulaonta dohot ingananta be, rade mangulahon angka parenta sian na diginjangta, bertanggung jawab diulaon naung dipasahat tu hita, on do na targoar na marhaundukhon.

Asa unang gabe sipanegai dohot sipanggunturi hita di Negaranta, Dihutanta, dipunguanta, dihurianta, dohot diangka parsaoranta. Ingkon gabe tiruan na denggan

Ala ni aha ingkon unduk hita tu na manggomgomi hita?,

Panggomgomi Na mArsahala ima wakil ni Debat. Sian Jahowa do Huaso ni angka Pangomgomi i. Debata do naung mamiliit, manontuhon angka panggomgominta. Naposo Ni Debata do Nasida.  

Tudos na mangalo Debata do molo mangalo panggomgomi na marsahala.  Ala Naposo ni Debata do Panggogomi i, jala ulaon nasida laho patuduhon sangkap ni Debata tu Bangsoi, na parohon hadengganon tu angka na ginonggomanna.

Dilehon tu Nasida Huaso laho pajongjonghon uhum ni Debata di angka bangso na ginomgomanna. Ala ni i, manang ise na mangulahon angka hajahotan diuhum Debata marhite angka panggogomi. Polisi, Jaksa Hakim ido parhitean ni Debata laho pajongjonghon  uhumNa.

Ngolu ni Halak Kristen na tutu, ima ngoluna bertanggung jawab, marroha pangoloion tu Debata, marhite angka aturan naung ditentuhon angka Panggomgomi na marsahala.

Marhite angka dia ma na boi patuduhon tanggung jawa ta?, diayat 6-7 didok “Ala ni i garar hamu ma nang beo i, ai parhobas ni Debata do nasida; tusi do nasida disuru. Tu ganup ma lehon hamu na tama tungguonna: Beo tu na patut manjalosa, sohe tu na ture hasahatanna, biar tu na tama habiaran, hormat tu na talup hormatan.

Na niajarhon Apostel Paulus diturpukon ima tanggungjawab ta, secara moral, spritual tu angka dohot tanggung jawab secara material marhite angka beo/pajak, sohe / cukai.

Nunga dipatudu Tuhanta Jesus jumolo ulaon dohot tanggungjawabna na patuduhon hasatiaan, pangolion dohot na pasangaphon Angka panggommi i, tung pe dijajah Romawi Bangso na. Jala on do na gabe Tiruan Apostel Paulus. “ Markus 12:17” Lehon hamu ma tu Kesar na sian Kesar i, jala tu Debata na sian Debata!  Matius 17:27 Alai asa unang targasip nasida tabahen, laho ma ho tu tao, dabu ma hail i, dung i sintak ma dengke na parjolo manoro, bungka holaholana, jadi jumpang ho ma disi sada rupia; i ma buat, lehon ma i tu nasida bahen guguanta i.

Asa on do na gabe parulaonta, na targoar Kristen, Warga Kerajaan Allah dohot Warga Negara Indonesia na olo mangihuthon angka aturan naung ditontuhon Pamarentanta, manggarar angka kewajiban tu Bangsonta,

Asa on do na pangkeon ni pamarentanta Laho manjagahon hadameon keamanan dohot ketertiban ni negaranta, pahembanghon perekonomian, pamajuhon SDM, infrastruktur jalan, hasehaton, mangurupi angka napogos, dohot angka lan na asing. Marhite angka Program ni Pamarenta do Taruli ma hita diangka hamajuaon, tarpasupasu ma Bangsonta

 

Aplikasi

Asa adong sada umpasa “Dimana bumi dipijak, disitu langit dijunjung”. Asa manang didia pe hita maringanan sebagai warga negara na burju, ingkon do hita mangihuthon angka aturan na adong disi. Ndang holan halak Batak di Indonesia, alai marragam houm, bangso, bahasa, adat, budaya. Umbahen na marragam i ma ringkot dibahen pamarenta angka aturan, uhum dohot tata tertib, asa denggan do parsaoran Warga Negara na saling hormat menghormati diangka parasingani.

Molo pe dihilala rohanta songon na hurang pambahenan ni angka pamarentanta, songon na tertindas hita ala situasi na masa sinuaengan na humurang roha na bertoleransi sesama warga negara na marasing haporseaoan, diskrimninasi na tahilala ala Kristen hita, ala halak Batak hita, ingkon totop do marhaundukon roha hita, alai umunduhan ma hita tu Jahowa nampuna saluhut Huoso i.

Asa taingot ma hata ni Debata marhite Panurirang Jeremia 29:7 Ringkoti hamu huhut hasonangan ni huta habuanganmuna na hubahen i, jala tangiangkon hamu nasida tu Jahowa, ai molo marhasonangan huta i, marhasonangan ma dohot hamu/ Usahakanlah kesejahteraan kota ke mana kamu Aku buang, dan berdoalah untuk kota itu kepada TUHAN, sebab kesejahteraannya adalah kesejahteraanmu. Tatangianghon ma angka panggogomi i asa mangulahon ulaonna dibagasan haunduhon dohot roha na biar mida Jahowa.

Nang hita pe, di angka natoras, Hita  do panggogomi diangka ianakhonna.  Natoras i do na gabe uluan di tonga-tonga ni keluarga. Ringkot ma Marhaundukhon Tu Debata dohot Biar Mida Jahowa, ai Ibana do na mangalehon huaso dohot gogo tu angka natoras laho mandimun-dimun, marmudu mudu Kelurga marhite angka ulaonta na denggan naung dipasahat Debata.

Asa Ulaon na denggan na taulahon i, gabe tiruan ma i diangka sundut naumposo. Nang di Hurianta, asa manang aha pe naung diaturhon hurianta, marharinggason, roha na unduk na marpangoloion dohot sian ias niroha ma hita mangulahon i, patuduhon tanggung jawab ta secara moral tu Debata, Ai saluhutna na hita targoar Anak ni Debata, naung dipillit hita gabe Naposo Na.

Asa marhite parrohaonta ta na marhaunduhan tu na manggogomi hita Marsangap ma Debata dingolunta, Tondi Parbadia i ma na mangajari dohot margogoihon hita mangulahon hataNai, Amen.