Siihuthon Jesus Na Tutu
Pengikut Yesus yang
setia
Mateus 16:24-28
Minggu, 29 Juli 208 –
I.
Patujolo
Aha do Namandahon hita halak Batak, daingkon
adong do marganta? Diboto tarombona, mangantusi partuturan, olo mandohoti
paradaton. Molo ndang ta antusi partuturon, Tarombo dohot didok ma Dalle, holan
goarna do batak, alai ndang diantusi agia aha taringot tu Habatahon. Angka i do
namandahon Identitas dihita Batak.
Thema Jamitanta ‘Siihuthon Kristus na
tutu / Menjadi Pengikut Kristus yang setia” . Aha na manandahon hita Kristen /
Pengikut Kristus. Natarsurat di KTP ta i do? Porsea di Kristus jala tardidi ido namandahon na Kristen hita. KTP
dohot dokumen na asing, tarsurat pe ugamonta disi, holan identitas sambing do i
namandahon na marugamo hita. Na ringkot sirajumanta, Nunga be hita Kristen na tutu?,
manang holan Identitas/KTP saja do Kristen?. Taputudu do ngolunta on na
siihuthon Kristus na tutu hita? ...
Sejarah Kristen di mulai di Antiokia
(Ul Apostel 11:26). Siihuthon Kristus (Pengikut Kristus) ido lapatan ni
Kristen. Istilah Kristen, sasintongna julukan / ejekan (pangareheon) hatihai, alai
gabe sada kebanggaan / hasangapon do i
diangka sisean ni Kristus. Ala ni aha
direhei nasida? Pangalaho ni siseani, andul sian na adong di huta antiokia.
Namangalehon goari, angka sipelebegu / halak na so porsea. Hata ni Tuhan Jesus, na sa namangihuthon Ibana ingkon manaon diragam ni
hasusaan alani goarNai. Jadi, Molo adong na mandok, mangihuthon Kristus, ndang
adong be hasusaan, mago parsahiton, mamora dlsb, nunga porlu hati-hati hita.
Dimasa nuaeng, marlumba do jolma
papungunhon Pengikut. Anggota DPR didok
Massa, angka artis , Fans.
Adong do 2 jenis Pengikut: Penggemar, Anggota (ruas). Aha do
namembedahon; Penggemar (Pengikut na
mananda idolana, alai Idola nai ndang mananda Pengikutna), Anggota (Ruas)- duansa rap mananda.
Molo Punguan / diparsaoran, boi do dibahen kelompok ni angka Pengikut (Anggota/Ruas),
Ima:
·
Si Baga-baga,
Molo adong pangomoan, ringgas ma
tu parsaoran i.
·
Si Tarsurat, na penting di ibana terdaftar
anggota, ndang diharingkothon luhutan / punguani.
· Si Kritikus, ndang mangharingkothon manang
ndang dohot mangulahon, gumodang kritik manang komentar. Ndang adong tingkos na
diulahon donganna dihilala rohana, ramos hatana alai ndang marpambahenan.
·
Si Satia / Setia ; Ringgas mangulahon na
ringkot dipunguan ndang maretong di halojaon dohot korban partingkian,
pingkiran dohot sibahenon.
Hombar tu tema minggunta “Siihuton
Kristus Na tutu / Pengikut Kristus yang setia”, diigil hita DIHASATIAON,
mangihuthon, mangantusi, mangharingkothon,
mangulahon na so mamilangi / maretong angka harugian di partingkian,
pambahenan dohot halojaon di na mamBaritahon
Kristus dingoluon, ala tu si do hita tarjou. Mangihuthon Jesus, ndang holan
naung tardidi, malua (sidi), sude nai holan sarana/alat, alai ringkot hita dipangajarion na sintong
mangantusi nilai-nilai ajaran ni Jesus.
II.
Hatorangan
Asa on do na gabe siuhalon ta marhite
turpuk minggunta, adong 3 syarat naingkon siulahononta na patuduhon “SiIhuthon Kristus Na Tutu / Pengikut
Kristus Yang Setia”. Hal na umum do
sai adong persyaratan na ingkon ganupan ta molo masuk hita tu sada Punguan. Siihuthon
Kristus pe songoni do, ingkon mangihuthon, mangoloi dohot mangulahon
pangajarion ni Kristus.
Dipabotohon Jesus do naingkon manaon
na porsuk Ibana, jala penegasan sikapni seorang murid, ala diida roha ni Petrus
na muba-uba. Dihatindanghon Petrus do Jesus ima Mesias Anak ni Debata na
Tumimbul (Parroha Banua Ginjang), holan dipabotohon manaon na porsuk
Jesus, pintor muba rohana gabe Parroha Portibi (Asi ma roha ni Debata di Ho,
Tuhan! Unang ma songgop i tu Ho!). Ala nii dipatorang Jesus molo naeng
mangihuton Kristus ingkon “disoadahon ma
dirina, diporsan ma silang na tu ibana; diihuthon ma Jesus”. 3 Syarat, alai
baha do hita mangantusi dohot mangulahon on.
1.
Disoadohan ma dirina/Menyangkal diri. (Cerita Pendeta Agus Sutikno)
Mansoadahon diri, neang di pandohan,
borat di pangulaon. Maralo tu roha hadangingon. Adong arga na ingkon sigararon,
ima pengorbanan. Namasa dingolu on,
berkorban pe hita ala adong do na tahirim sian dongan nta, ido tahe? Lehon tu
ahu, asa hulehon tu ho. Mansoadahon diri ? Gariada parjolo do dirinta menulak
on, nda jotjot do ta be hata sisongonon?:
·
Gabe na
olo ma ahu diringku aturon ni i, hape adong huaso / pangkat/ jabatanku? Nda
ingkon mabiar ma nian dohot dipasangap ahu? / Gabe olo ma au pamagohon status hu, ai
namora do ahu?, nda ingkon dipuji jala dipasangap ma nian ahu?, Molo so ala ni pamingkirion dohot pandapothu
ndatung na boi jadi dibahen i. Nda ingkon au ma na raja sisungkunon, jala
maniroi? / Gabe parhobasna, nda ingkon ibana do na manghobasi ahu? / Gabe ahu
ma na mangido maaf, ndang au na sala?, Nda Ingkon Ibana marsomba tu ahu / Ndang
tartangiangkon ahu ibana, ala nunga pahansit tu pambahenna.
Angka
roha sisongoni i do na mambahen maol jolma i laho masoadohon dirina. Ido na
didok di ayat 26, ai ndang marlapatan / marguna saluhut na ta omo dingolunta,
ai so boi i na gabe tobus ni hosanta, ndang boi i laho panganjanghon umurta.
Boi pe hita manuhor ubat na arga, hahipason i di Debata do. Boi pe hita manuhor podoman na sian
sere dohot berlian, sonang modom di
Debata do, boi pe hita manuhor bagas na
mewah, las niroha di Debata do. Ndang
adong hape naggo saotik huasonta, Holan
asi niroha ni Jahowa do hape. Ala ni
i Ndang adong alasan ni jolmai laho marginjang ni roha. Alai
ala haulion dohot ela-ela ni portibion, torop do jolma namangulahon na
maralo tu Hakristenon, ala pangkat, jabatan, hamoraon, dlsb, na soboi manahan
di hamaolon, digadis ma haporseonna i, on
do na nidokna paluohon hosana, hape gabe agoan hosa (ayat 25). Nunga dipalua
Jolma i sian dosa, hape ditinggalhon Haluon i.
Mansoadohon
diri ndang sarupa i tu pengendalian diri, manang menahan diri. Mansodahon diri tubu sian roha na serep na
mangarajumi Gogo dohot huaso ni Debata. Songon Johanes Pandidi, panurirang naumbalga sian angka panurirang,
Haserepon ni roha do na pinatudu na, ndada ulaon na na balgai, ala Ibana do na mandidi Tuhan Jesus, laho
mamuhai ulaon ni Tuhan Jesus diportbion, alai didok Ibana do “Ianggo
Ibana, patut lam ganda; lam moru ma anggo ahu! (Joh 3:30)”. Ndang na umbalga siseani,
sian GuruNa. Molo Sisean ni Tuhan Jesus do hita, nda ingkon umbalga ma
nian Hasangapon Tuhan Jesus dingolunta, marimbangkon hasangaponta.
Tutu
do i Mansoadahon diri, neang di pandohan, borat di pangulaon. Maol diula ndang
na marlapatan ndang boi diulahon. Asa on
do ringkot haserepon ni roha, mangokui huso ni Tuhan i dingolunta. Molo ta
rajumi, ngolunta holan basabasa ni Debata di ngolunta, nasoadong huasonta
manambai sasta umurta, naeng ma pangkeonta ngoluntaon laho mangulahon na
denggan hombar tu pasupasu naung ta jalo. Adong pe dihita Ndada gabe mambahen
haginjangon ni roha.
Nuaeng
dituktuhi Tuhan Jesus Rohanta, molo naung tutu do hita Mangihuthon Ibana,
ingkon ta pamate ma roha daging on. Kristus
do tiruan dihita, Disoadahon do diriNa, Huaso, Hagogoon dohot HasangaponNa,
tumiru rupani jolma marhite HatutubuNa, NgoluNa, dohot dohot sumeahon diriNa
marhite HamamateanNa, asa malua hita. Hita do na marutang hosa, alai HosaNa do
gabe tobusta. (Filipi 2:7-8). Ala ni i, olo ma hita paserephon roha,
mansoadahon diri, asa dipauba ganup ari hombar tu lomo ni rohaNa. Dibagasan
serep ni roha dohot marpangoloion tardok hita ma ” Ndada ahu be na mangolu i
nuaeng; Kristus do mangolu di bagasan ahu (Gal 2:20);
2.2.
Diporsan ma silang na di banai / harus memikul salibnya.
Silang
marlapatan hamaolon, sitaonon na niadopan ala mangihuthon Kristus mangulahon na
sintong. On do resiko mansoadohon diri, unduk tu Kristus. Ndang sude hamaolon/sitaonon didok silang. Molo ala ni hatanta na so boi dirajai dohot
pangalaho na so suman gabe targsip/manang ditorui halak hita, ndang i na
gabe silang dihita, sanksi manang uhuman do i ala hita do na patubuhon i. Alai molo tapasingot donganta asa
marhamubaoan sian pambehanan na so ture, gabe dipaholang dohot dipaburuk2,
on do na didokna silangi. Isarana molo
adong sada parjahat, ditandinghon hajahatoni, diulahon na denggan tanda ni
hamubaon ni rohana, ndang sai sude marlas ni roha, tong adong na mangarehei, ala
nunga moru dongan na, adong na paburukburukhon, bahkan angka naung mangaku
Kristen. On do na margoar Silangi.
Borat
do mangadopi bura-bura, hinsakhinsak, ditorui jolma ala mangulahon hatigoran
dohot hasintongan. Ala
ni boratna torop halak maol mangulahonon. Marasing be do silang na dipaporsahon tu
Ganup hita, hombar tu panjouon tu hita. Unduk
di adopan ni Kristus do hincu/kunci na. Mamorsan
silang ringkot hasatiaon ni roha. Hasatiaon mangulahon lomo ni roha ni
Jahowa. Proses pembentukan Pinatupa Kristus dingolunta tung marsaing do sian
jolma i. Molo jolma berusaha do lari
sian angka persoalan, alai Tuhan i, dipaloas do hita
mangadopi parungkilon i. Songon Sere, asa gabe sada perhiasan
nauli, ingkon dibangkar, dipamasuk tu cairan kimia, dipukkul, baru pe tarida
sinondang nai, Dipaloas Tuhan i hita mangadopi
hasusaan alani hatigoran, asa gabe sisean na arga do, Ingkon porsea do hita ndang lobi sian
gogonta i hamaolon, jala diurupi do hita mamorsan silang na dihitai, asalma
satia.”Saluhutna do tarpatupa ahu marhitehite Ibana, na margogoihon ahu! (Fil
4:13”).
Hasatiaon
Mangihuthon Kristus diuji jala hataridaanna
ditingki mangadopi hamaolon / hasusaan /parungkilon. Soldadu diuji
hasatiaonna di tingki parporangan. Hasatiaon
mamorsan silang Porlu : MarPantas Ni Roha (Hikmat), habengeton ni roha (Kesabaran), Hatauon (Tahan uji) dohot pangkirimon
(Pengharapan) tu Jahowa. (Rom 5:3-4). On do mambahen hita margogo, ndang
mandele / putus asa , ala ni parungkilon na mangulahon hatigorani. Roha na
mandele, tung boi daionna holong dohot pambahenan ni Jahowa dingoluna.
Maol
jala rahis pe dalanai molo dibagasan
hasatiaon, habengeton, dohot pangkirimaon
tardok hita “Kristus hangoluaon diau, laba nang hamatean (Fil 1;21)”.
3.3.
Ihuthon Jesus / harus mengikut Yesus. Aha do siihuthonon?
Mangihuthon
Jesus, marlapatan Maniru Roha
dohot pambahenanna (Joh 13:34 Patik na imbaru ma hulehon tu
hamu: Naeng ma masihaholongan hamu; songon holong ni rohangku di hamu, naeng ma
songon i dohot hamu masihaholongan).
Nunga
dipatudu holongNa tu hita, nunga dipalua hita sian dosa jala disuru do hita
mangulahon holong tu dongan, naeng ma tarida bukti hamuliateon dohot pamujion ta
marhite parulao dohot pambahenananta na denggan tu ganup dongan, asa dibagasan hasatiaon,
haringgason hita mangulahon holong tu angka dongan. Ima Holong na so marpambuat,
marroha na pangoluhon dongan, pauliuhon ndada manegai, memberkati bukan
mengutuk, mengampuni bukan membenci, menerima kekurangan bukan kelebihan,
saling mendoakan. Tajaha ma Matius 25:31-46. On do gabe ulahonon ta –
Saluhut
naniula ingkon dipertanggungjawabkan. Jadi, Aha do upa mangihuthon Kristus
dibagasan hasatiaon?. Ayat
27, Baloson ni Jesus do hombar tu naniulana, Na manimbil, na maila
mangulahon, maila manghatindanghon (Kristus),
Pailaon ni Anak Ni Jolma i do ibana di na ro Kristus dibagasan
hasangapon Na, alai Na mangoloi patik dohot mangulahon uhumNa, dohot
manghatindangkon Kristus dingoluna dapot tumpal hangoluan, Kristus do na gabe
sitindangi na di adopan ni Amai. Alani
tung mansai ringkot do hasatiaon mangihuthon Kristus, marlas niroha mangulahon
hataNa sahat tu ujung ni ngolunta, asa
tarjalo hita tumpal hangoluan i (Bnd. Yak
1;12), Alani i, “Unang mabiar hita
mangadopi angka haporsuhon ta nuaeng
manang na naeng ro pe!( Bnd. Pangk 2:10)
3.
Refleksi
Dipilit Jesus hita gabe sihuthon Ibana,
ala holong dohot basabasana sambing do. Aha do nagabe tujuan ni ngolunta?, Molo Jesus
do tujuan ni Ngolunta, antong Satia ma hita, unang manimbil tu siamun ambirang,
tigor ma pardalanan ta mangihuthon Jesus. Molo tung maol mamorsan silang na
dihitai asa dibagasan unduk ni roha magidohon pangurupion sian Jahowa dibagasan
tangiang ta, unang mansadi hita mangulahon na denggan i tu angka dongan, tanda
pamujion dohot na pasangap Jesus Kristus hita. Asa
unang holan Identitas/KTP na Kristen, alai Gabe Kristen Na Satia ma hita. Dipargogoi jala diparrohai Tuhan Jesus ma hita
mangulahon hataNai. Amen
