TAHANGOLUHON MA HALUAON NA PINATUPA NI TUHAN JESUS

TAHANGOLUHON MA HALUAON NA PINATUPA NI TUHAN JESUS

11 April 2018

1 PETRUS 2:21-25

oleh: St. E. Marpaung 

I. PENDAHULUAN

                Sungkun-sungkun dihita, dia do ta tapillit: Marlasniroha do manang Marhabot ni roha (Suka cita atau Dukacita)?, Ta alusi ma. Sude do hita na punguon mamillit “Ingkon Marlasniroha”, ndang adong hita na olo madabu tu ragam ni angka parungkilon, habot niroha, pangunjunan, dohot angka ragam ni hasusaann. Jala bangko do i ala on nunga gabe  sifat dasar ni hajolmaon.

               

Alai tung pe songoni ndang boi tarpasiding hita angka ragam ni persoalan, parungkilon, hamaolon, pangunjunan di na mandalani ari-ari ni ngolunta. Ragam do rupa manang bentuk ni angka parungkilon manang hasusasaan. Adong dua bagian hasusahaan ni jolma i, ima taringot tu ngolu ni pardangingon jala didok ma on “ persoalan lahiriah/ jasmani” isarana sipanganon, pansamotan, parsahiton na renge, dohot ngolu ni partondion “kehidupan rohani” isarana angka pangalaho, haporseaon. Boi  do marungkil rohanta alani pangalaho ni ianakon, ala dongan saripe, parkarejoannta siganup ari.  Jala sumber persoalan manang parungkilon i boi do sian luar dirinta, manang sian dirinta sandiri. Adong do jolma manigor lari sian persoalan jala mambuat dalan pintas, asa kaluar sian masalah “ Ale Tuhan, tangonan ma au mate”. Dihatahon pe sisongoni ndang ala naung pos roha dohot mangolu haporseaonna, alai asa malua do sian persoalan manang parungkilon i. Hape molo adong na pabiarbiarhon, na mandok, nunga jonok be anggo hamateaon i, manigor mabior do, “Unang ma jo, godang nai sisarihononku”.

                Jala adong paling sedikit 3 hal na niulahon jolma molo masa sada parungkilon, persoalan dohot hasusaan:

Adong do na lari sian persoalan, adong do na bertahan jala didadopi dohot denggan, adong muse na manubunihon (disimpan dibagsan rohana, ndang tartaon na be ujung na gabe madabu tu parsihoton, stress, stroke).

                Marungkil hita alani pambahenanta sandiri adalah hal yang wajar. Molo adong hasalaanta wajar do molo dibahen tu hita sanksi, uhuman. Isarana nunga dipasingot inanta i, asa unang be minum alani marsahit siubeon ni amantai, alai ndang ditangihon ujungna marsahit. Marungkil amantai ala parsahitonna hinorhon na so dioloi pandohan/ sipasiongot ni ripe na.

                Alai bo i hita marungkil hape ndang adong na sala na taulahon. Ala mangulahon na tigor, na sintong gabe dipaburu-buru jala di fitnah hita, dipadao, dipasisi sian angka parsaoran, ala masa di parsaoran ni mangulahon na so denggan.  

                Ala ni holong ta do mangida donganta, tapasingot asa unang be diulahon na so denggan, hape gabe dipaburuk buruk, difitnah. Jala on do parungkilon na borat. Na denggan do na ta patupa , na taula hape gabe godang na so marlomo niroha.

                Diperlakukan tidak adil tanpa alasan yang benar, menderita karena kebenaran.

II. Penjelasan Nas

Parungkilon na borat na diadopan ni Huria na parjolo di Asia Kecil, ido na ni ida Apostel Petrus, umbahen asa ditongos surat na tu huria i, asa unang adong ganggu ni roha nasida ala ni na parungkilom dohot manaon haparir, na parrir dipaburubu Panggomgomi, ala haporseon nasida di Kristus. “Asa tusi do hamu Tarjou”, didalam bahasa sederhana, molo olo hita dijou jala ditogihon tu sada parsaoran baik dimarga, manag di huria, “naingkon olo do hita mandalanton angka ruhut ruhut di parsaoran i”, suang songoni do hita naung dijou hita na gabe angka sisean ni Tuhan Jesus, tontu ingkon olo do hita mangihuthon angka naung diajarhonNa tu hita, termasuk manaon na porsuk, na pariri alani haporseaon di Kristus.

Tangkas do dipatorang jala dihatindangkon Apostel Petrus, namasa jala na ditaon Kristus i, alan i manghohop dosa ni jolma i, tarsilang Kristus dang ala ni dosa na, alai na olo do Kristus holan ala asi dohot holong ni rohaNa sambing do tu na tinompa nai, asa porsea di haluaon naung Pinatupa Kristus.  Molo pinaihut-ihut naung tarsurat i, sian padan nai robi sahat tu padan naimbaru holan parungkilon do na niadopan ni angka Panurirang dohot Sisean i di laho pasahaton jala mangulahon hata ni Debata. Tung pe Marungkil nasida, alai tongtong do Nasida Marlas ni roha jala ndang sumurut laho mangulahon angka ulaon naung diampehon Debata tu angka Panurirang dohot Sisean. Songon dia akhir ni ngolu ni Apostel Petrus, Yakobus, Yohanes Pandidi, paulus, Panurirang Jeremia dohot na asing. Tung hansit do, jala boi ta ida ndang na gabe dihabiari Nasida ianggo hamatean i, ala porsea nasida di Tumpal Hangoluan na pinatupa Kristus i.

Asa ido didok Apostel Petrus, ndung tarou hita “asa gabe tiruan ma “ parualon dohot panghobasion Kristus i di ngolunta.

Tasungkun ma rohanta be, “Nunga di Jou Kristus i ahu, olo do ahu dohot manean haporsuhon ala ni manuhuk silangi?”,.

Molo dingolu portibion, ra molo didok tu hita asa mangurupi hasusaan ni keluarga ni anggita/hahanta/ibonta/humaliangta, pintor marpingkir be do hita, pintor hatop do hita mangalusi “massisangkui hansit manang hasusaan na be ma”.  

Apostel Petrus marhite turpukhon, laho paubahan angka pamingkirion ni jolma na porsea i taringot tu haporsuhon/parungkilon ala marhaporseaon di Kristus, angka dia mai?

1. Kristus Manaon Haporsuhon asa gabe apul-apul di hita/Penderitaan Kristus adalah Penghiburan

Boa do haporsuhon gabe apul-apul?.

Ilustrasi : “Seorang ibu mendonorkan matanya untuk anaknya agar anaknya bisa melihat” atau “Perjuangan ni angka Inanta laho Hipas”.

Molo so Olo Kristus Sumeahon diriNa tarsilang, laho manobus hita sian Dosa, ndang tarbahen hita be mardame tu Debata dohot paluahon hita sian Dosa, jala ndang taruli hita dihaluaon dohot ngolu saleleng ni lelengna. Sian haporsuhon na ditaon Kristus i do, gabe dipadame hita dohot Debata. Nda on do na gabe apul-apul i dihita?.

Sabda Tuhan Yesus di Matius 5:11

Martua ma hamu, molo diinsahi halak hamu manang dipaburuburu manang dipatubutubu ragam ni hata na roa, na so tutu, dompak hamu ala ni Ahu! Las ma rohamuna jala marolopolop, ai godang do umpamuna di banua ginjang i, ai songon i do dipaburuburu angka panurirang na jumolo sian hamu.

Jakobus 1:12 Martua do halak na manaon di pangunjunan i: Ai dung tau ibana, jaloonna ma tumpal hangoluan, naung diparbagabaga tu angka na holong roha di Ibana

On do apul-apul na sumurung asa unang pintor mandele, mandate rohanta molo pe jumpang masa ragam angka hamaolon, haporsuhon, hamaolon ala ni haporseoan ta. Diparade Tuhanta Tumpal Hangoluan diangka na marsihohot, na manghatindongkan, na mangulahon haporseaon tu Kristus.

2.  Haporsuhan ni Kristus gabe tiruan / Penderitaan Kristus adalah Teladan

                Dang tarjalo portibion haporsuhan ni Kristus di hau pinarsilangi na gabe tiruan, ala angka na jahat parulaonna do di etong na diparsilangkon. Ala tiruan do i diangka na porsea, gabe marhaggoggon do Apostel Paulus manuraton di Filipi 1:21” Ai Krsitus do hangoluan di ahu, jala laba nang hamatean”. Tiruan dia do na naeng siihuthonna ta:

 1. Holong

Ala holong ni Kristus i do, umbahen disumeahon diriNa laho manobus jolma na porsea i. Molo adong holong di rohanta:   tontu adong roha pangurupion, kerelaan hati dan mau berkorban ;  tontu olo hita padengganhon na sega/na hurang denggan ndang dipasombo ;  tontu olo hita pasingothon angka dongan na mangulahan hasalaan ; tontu olo dihita manjalo sipasingot ; tontu rade rohanta laho di pature manang dipadenggan.

Aha do pandok ni Bibel ta taringot Holong  “Tajaha ma 1 Kor 13:4- 7“ 4. Na lambas do haholongon i jala na sorta, ndang na mangiburu haholongon i, ndang tenga jala ndang dipaburnangburnang dirina. 13:5 Maradat situtu do haholongon i, ndang na ahut, ndang olo pangarimason, ndang dipajujurjujur na jahat. 13:6 Ndang las rohana mida hageduhon; alai tongtong do dihalashon hasintongan i. 13:7 Saluhut do ditanom rohana, saluhut do dihaporseai, dihirimi jala ditaon.

2. Hasation dohot Benget ni roha /Kesetian dan Kesabaran dan Penyerahan Diri Kepada Allah oleh karena Kebenaran (ayat 23),

Ditaon Kristus haporsuhon ndada na mamburai Ibana, alai dipasupasu jala dipangido Ibana do asa “Marpamuati roha ni Debata mida pangalaho ni jolma na mamparsilangkon Ibana ala ndang diboto na diula nasida”. Ndang sa so boi dipalua didiriNa, songon pangidoan ni angka jolma i, alai nanaeng pataridahon Hasation do Kristus di namangula di Portibion. Nang hita pe Asa Satia di ganup ulaon ta hombar  Panjouaon Ulaon na di pasahat   Debata di hita marsada-sada.

Hasatiaon di Haposerseaon marpangkorhon Habengeton, Jala dihorhon habengeton ni roha i do hatauon, jala hatauon i do mangkorhon pangkirimon. (Rom 5:3-4), asa marhite on do tubu ma dihita Nalom jala Serep ni roha, mangadopi ragam ni angka Hamaolon, parungkilon, haporsuhon. Asa tu Debata ma tapasahat saluhut na masa dihita, unang hita gabe mamburai, manguhumi mamang patuduhon manang mangasahon gogonta, molo pe dihisahi, dipalea-lea hita hinorhoni mangulahon hatigoran dibagasan Kristus. Unang baloshon na jat ganti ni na jat, ala sarupa na jat do i.

        Marsiajar jala tapangido ma gogo sian Tuhanta, asa boi hita mambaloshon na denggan tu angka na manghosomi, na mangarsahi rohan ta. Ita rajumi ma, holan Debata do na patut mangalehon Panguhuman, tung pe ndang adil dihilala rohanta.

III. Refleksi

Nunga ta ida songon dia holong na pinatupa ni Debata marhite-hite Kristus na patupahon haluoan di hita. Ai tarsilang Kristus laho humophon hita pardoa do, ala ni tahangoluhon ma jala tatiru ma i.  Asa tarjalo hita i haluaon i, asa jumolo hita mansoadahon dirinta (menyangkal diri) na marlapatan, tabolongkon sude sikap na mangasahon gogo, dohot botohon, roha na jungkat, ginjang ni roha d.l.l, asa tartuhuk jala tarporsan hita silang na dipasahat tu hita ganup marsada-sada.  Asa marhite i do tontong ma hita mangulahon holong, marhabengeton dohot marlambas ni roha. Ta rajumi ma ndang adong ianggo gogonta manang huasonta, alani i tapasah dirinta tu Tuhanni asa tontong diajari, di pargogoi hita, molo pe jumpa masa ragam di parungkilon ala na mangulahon hatigoran dohot hasintongan dibagasan haporseoan tu tu Kristus, ala disi do hataridaan ni Huaso dohot Hasintongan ni Debata. Sai diparrohai jala dipargogoi Kristus i ma hita saluhutna- Amen.

 - St. E. Marpaung-GKPI Segar Rejosari