HATUAON NI HALAK NA BIAR MIDA JAHOWA
PSALMEN 112: 1-10
Huria ni Tuhanta
Saluhutna do jolma manghirim asa gabe halak na martua dibagasan
ngoluna,menjadi orang yang berbahagia,
atau selalu didalam kebahagiaan. Jala molo disungkun tu ganup jolma, angka
aha na mambahen martua, alusna boi marragam. Ndang adong na sarupa, hombar tu panghiriman,
sinta ni roha manang sangkap. Sai di hirim roha ni jolmai do, songon angka
pandohan “ Jumpang naniluluan, dapot na jinalahan, manang tudia pe mangalangka
sai tongtong dapotan parsaulian”, saut angka na dibagasan roha.
“Manghabiari
Jahowa”, marlapatan marhaunduhon marroha pangoloion, mangarajumi
saluhut ngolu dohot angka na adong didirina, holan ala ulibasa, asi ni roha
dohot pasupasu sian Jahowa. Saluhut
parngoluonna dipangke mangulahon na denggan dalan pasangap Jahowa marhite na
mangulahon angka patik dohot uhum ni Jahowa songon tanda hamuliateon ni rohana. Ndada
holan ditingki na sonang manang marlas ni roha diingot jala diulahon patik
dohot uhum ni Jahowa, alai Molo pe mangadopi ragam hamaolon, ala ditanda do
hapogoson ni tondina, na somargogo dirina mangadopi hamaolon i, ndang gabe
mandele, alai satia do pasahaton ni tu Jahowa marhite mangido pangurupion, jala
tongtong manghirim pangapulion dohot panoguon ni Jahowa. Las niroha manang
Arsak pe, satia mangulahon patik dohot uhum ni Jahowa. Ndang manimbil tusiamon
manang tu ambirang ala ni borat ni sitaonon. Halak na manghabiari Jahowa
tung tarida do i dingoluna siganup ari. Songon Pandohan ni Tuhan Jesus di
Minggu na salpu, gabe siboan dame do ibana, na tongtong partigor roha, na
marasi ni roha, na olo mangapuli roha, tung las do roha di donganna
mardonganthon dirina.
Huriani
Tuhanta,
Turpuk
diminggu tangkas angka pasupasu Hatuaon naeng sijaloon halak na manghabiari
Jahowa:
1) Ayat:2
Sangap ma pinomparna i sogot di tano on, dapotan pasupasu ma sundut ni angka
partigor sogot. Anak cucunya akan perkasa di bumi;
angkatan orang benar akan diberkati. (Sangap dohot pasupasu tu angka pinompar).
Molo taingot do Pandok ni Jahowa dung dijahaon Patik Na X i,
didok do, Dirimasi Debata jala diluluhon dosa ni angka ama ro disundut
patulohon dohot na paopathon angka na sogo rohana tu Debata ima na so olo
mangulahon jala na mangalaosi patik dohot Uhum di Jahowa, alai Di asi i Jahowa
do angka na manghabiari dohot
mangaradati patik ni Jahowa (2 Musa 20:6, 5 Musa 5:9-10).
On do na gabe tugas diangka natoras, molo dihirm rohanta do,
marsangap angka pinompar, dapotan pasupasu angka sundut naumposo ingkon ma nean
gabe tiruan na denggan hita dingolunta tu angka naumposo, tuangka ianakhon nang
pahompunta pe. Ala ni i, ringkot do hita mangajarhon roha na biar mida Jahowa,
ringgas pabaohan holong ni Jahowa dingoluon (Ptds tu 5 Musa 6:7).
2) Ayat 3 Hamoraon marlobilobi di
bagasan jabuna, jala hot do hatigoranna i ro di salelenglelengna (Digohi jala dipasingkop Debata do parngoluon
ni angka na manghabiari Jahowa)
Hamoraon na
marlobilobi dison ndang songon pangatunsion hita jolma. Ndang arta manang
sinamot na godang patokanna, alai hamoraon ni parrohaon dohot pambahenan na
denggan ido na patuduhon hamoraonna dohot tigor ni rohana. Molo pe mamora
diarta ndang gabe mambahen ginjang rohana, ala dirajumi denggan basa dohot
silehonlehon Jahowa saluhtna.
Sada
panindangion ni Parpsalmen di Psalmen 37:25 “Dakdanak ahu jolo, nunga pola
matua ahu, ndang dung dope huida tartading partigor manang mangidoido
sipanganon pinomparna i.”
4) Ayat 4 Sai * binsar do di partigor i
hatiuron di haholomon, sian Ibana pardengganbasa, parasi roha jala na bonar.
(Gabe Panondang dihumaliangna)
Halak na Biar Mida Jahowa,
gabe panondang tu angka donganna na olo mangapuli na marsak roha, siboan dame
dohot las niroha. Ngoluna gabe pasupasu
dihumaliangna. Dipillit Jahowa hita, asa gabe Panondang dohot Sira ni Partibion.
Asa olo hita mangalehon dohot mamelehon dirinta gabe ula-ula ni Debata didia pe
hita maringanan, Gabe Panonandang dohot Sira ma hita na mamboan hadameon,
siapuli roha, sibahen las niroha ditonga keluarga, punguan, parsaoran dohot
huria. Dilehon do tu hita pasupasu dohot angka talenta, asa pangkeonta
saluhutna pasangap Jahowa marhite roha nang pambanenan na na denggan,
5) Ayat
:5-6+9 Mardohar ma baoa na asi roha
dohot na pasalihonsa, tarondolhonsa ma angka hatana di paruhuman. 6) Ndang
tagamon humordit ibana salelenglelengna, marbarita salelenglelengna do partigor
i. 9)Manaburi ibana, mangalehon tu angka na pogos, hot do hatigoranna i ro di
salelenglelengna, * timbul ma tandukna sogot di bagasan hamuliaon/ Mujur orang
yang menaruh belas kasihan dan yang memberi pinjaman, yang melakukan urusannya
dengan sewajarnya. Ia membagi-bagikan, ia memberikan kepada orang miskin;
kebajikannya tetap untuk selama-lamanya, tanduknya meninggi dalam kemuliaan (Gabe
Parasi roha laho mangurupi nagka na so margellok, na pogos).
Hata ni Tuhan Jesus “Martua
ma na asi roha, ai siasian do nasida!”. Bill Gates pajonghon sada yayasan laho
mangurupi angka na hurang, Marhite pendidikan, pelatihan, asa boi tubu semangat
hamajuon laho paubahon parngoluon. Isarana dihita halak batak, asa gok hatuaon i, molo sude
ianakhon nunga berkeluarga, marpahompu sian anak, sian boru, molo pe marujung ngolu digoari ma naung saur matua. Manang na mambahen martua, molo sidung
sude parsingkolaan ianakhon, sahat tu na sarjana, na asing burju ma nean
pardihutana, manang parsinondukna.
Marragam napinarsinta ni roha ni jolma i asa martua, hombar tu
sangkap na be. Ido umbahen molo ndang dapot manang ndang saut sangkap ni roha
olo gabe kecewa, mandele mandate, Ala
ukuran hatuaoan didasarhon tu sangkap niroha manang giot ni daging
sambing. Dipangido ni roha ma nean asa
dung sidung parsingkolan ni ianakhon, pintor dapotan karejo, molo dung cukup
umur pintor marhasotan manang marhamulian dohot angka lan naasing dope.
Huria ni Tuhanta
Di Minggu naung salpu, tung tangkas do songon dia Halak na martua
didok Tuhan Jesus (Mat 5:1-12), ima
angka na pogos tondi, na marsak roha, dohot angka naasingi. Molo talapati
turpuk dimnggu naung leat i, tung mansai andul do i tu pangalapation ni Hatuan
sian roha ni jolma i. Jala turpuk di sunuaengon pe tong do manaringoti Hatuan,
ima Hatuan ni Halak na Biar Mida Jahowa. Tung mansai tangkas jala dirajumi Par Psalmen, pambahenan dohot
pangarupion ni Jahowa dibagasan ngoluna.
Dirajumi do Lapatan ni Hatuoan ni Parngoluon dohot Pangantunsioan Biar
Mida Jahowa (Psalmen 112:1 Martua ma baoa na mangkabiari Jahowa,
na lomo roha situtu di angka patikna!).
Raja Salomo pe manghatindanghon, Biar mida Jahowado mula ni pArbinotoan.
Asa
hita pe olo mangalehon roha mangurupi laho patuduhon dalan, mangajari angka
dongan asa rap maju diparngoluon tarlumobi hamajuaon ni ekonomi. Ala hadengganon ni roha mangurupi angka dongan
asa dohot taruli hamajuon dohot las ni roha, gabe siingoton ma goar nai. Manusia Mati Meninggalkan nama. Molo na
denggan dota taula, denggan ma goarta, molo na roa do ulaonta roa ma goar ta.
6)
Ayat 7-8 Ndang ganggu/ biar rohana mida hamaolon “ na patuduhon na hasatiaon
jala na so humordit parrohaonna, molo pe dilatei manang dihosomi halak alan na
mangulahon hasintongan i. Ala dirajumi, dipargogoi Debata do Ibana
mangadopi ragam hamaolon i. Halak na manghabiari Jahowa, satia pasahothon
saluhut parngoluonna ala tung pos do rohana Jahowa do na marhuaso laho
paturehon ngoluna, jala na manogu ibana molo pe tarsulandit, madabu.
Dihaposi ibana do Jahowa na
tuk paluahon dohot paulihon, ala ni
ndang adong be biar manang ganggu niroha mangadopi dohot mandalani ngolu. Asa
marhite i, gabe sumurut jala jut ma angka na manghosomi, na mangalatei dohot
parroha hajahaton marnida togu dohot pos niroha na tu Jahowa (ayat 10). Ala
torop do dihasiangan on parrohaon ni jolma na tung mansai las rohana molo
humasusa parngoluon, molo surpung, tarsulandit, madabu a donganna. Ala ni i
tapadao ma parrohaon sisongoni, gabe pasupasu ma ngolunta.
Asa
didok Parpsalmen dipamuhai ni Bukku Psalmen g (Psalmen 1;1-6), adong
siulahononthon angka namanghabiari Jahowa dohot sipasidonganna ima:
a. Mangaradoti
patik dohot uhum ni ni Jahowa ganup ari, ai ido gabe lomo rohana, asa
hataridaan parngoluonna diumpamahon songon hau na tubu ditopi batang aek na
mamparbeu denggan, bulung na uli na gabe
pangisioan, manang aha pe na niula na manjadi
b. Na
manghabiari Jahowa dipasindong do angka ulaon dohot tahi ni angka parjahat, na
so sahundulan / paholang diri sian ulaon dosa dohot na manjaga / menguasai diri
na so olo mangarehei jolma.
Nunga tangkas diturpuk on angka ragam ni Pasupasu Hatuaon Naeng sijaoolon Angka na Manghabiari Jahowa’ ala ni i taharingkothon ma ngolu ni haporseaonta Mangulahon Patik dohot Uhum di Jahowa dingolunta. Amen
