Mandalani Ngolu Dibagasan Hatiuran Na Sian
Debata Marhite Parsombaon di Bagasan Tondi dohot Hasintongan.
Menjalani Hidup Dalam Terang Tuhan melalui
Penyembahan kepada Dia didalam
Roh dan Kebenaran
YESAYA 2:2-5
Patujolo :
Hirim do raha
marnida angka haulion dohot hadengganon pangalaho / pambahenan na pinatudu
angka dogan. Olo do hita manungkun jala marsiajar asa hita pe gabe denggan
diparualon dohot pangalaho. Tontu ndang holan sahali diparsiajari, dilapati
jala diparhangoluhon naung diparsiajari i. Asa hadengganon pangalao dohot
pambahenan ido na gabe hadirion.
Hatorangan
Turpuk ta
bornginon Dipapatar Debata do, haulion dohot hadengganon, dohot hadameaon, jala
gabe tiruan na denggan Bangso Israel disaluhut angka jolma na somananda Debata,
molo marsitutu do Bangso Israel manghaporseai Debata dibagasan Hasintongan Parsombaon
nasida.
Tung hirim do Debata di Hasintongan ni Parsombaon Bangsa Israel, Molo pe marsomba Bangso i alai ndang dijalo, manang ditangihon Debata, Ala ni aha? Manontong do nasida mangulahon Dosa
Tung pe Diulahon
Nasida do angka ariraya ugamo, ndang dihalupahon Sabat, ro do nasida tu bagas
joro laho marsomba dohot pasahathon pelean alai holan pataridahon rupa parduru
sambing, Parsombaon holan rutinitas, asa holan memenuhi kewajiban naung
tinontuhon Ugamo.
Molo tajaha sian
bindu 1, tung tarida do pangalaho ni bangso i. Ido umbahen di Yes 1:9 dipatudos
do Pangalaho Nasida songon Sodom/Gomora, jala di Yes 1: 11-15 tung dihagigihon
Debata do Hinadeak nia angka pelean dohot parsombaon, pararirayon bangso i, ala
holan pamangan na sambing mamuji Debata, alai asing do anggo parulaon nasida.
Parsombaon
nasida holan laho pasonang diri nasida sambing,
ritual na so marlapatan, parsombaoni gabe rutinitas tanpa makna, holan
asa memenuhi kewajiban, holan naeng
mangalului sangap ni manang paburnangburnang diri. Parsombaon Bangso i holan sipallesem,
kemunafikan, asa badia diida halak. Angka pangalao sisongoni do na dihasohon
Debata. Pamanganna mamuji Debata, alai roha nasida tung dao sian Debata (Jes
29;13). Nuaeng tasungkun be rohanta ganup, nunga songon dia parsambaonku tu
Debata?, na holan rutinitas sambingdo?,
manang nunga sintong parsombaon ku?
Boasa ringkot
rajumanta parsombaonta? Ala Parsambaon i do na gabe dasor/pondasi manang na
gabe kendaraan dihita laho Mandalani Ngoluni Dibagasan Hatiuran Ni Debata
(Tema). 12:1 Didok Apostel Paulus, parsombaon na sintong
ima Napasahat hadirion bahen pelean na mangolu, na badia, na hinalomohon ni
Debata;
Aha do ulaning
hita marsomba? Mengapa kita menyembah Tuhan?
Ringkot hita mangantusi on,
Parsombaon/Marsomba ima sada panindangion adong na Gumogo, Adong na marhuaso,
adong na tumimbo, adong na sumangap sian dirinta. Ima Jahowa Debata. Ibana do
na manompa hita, mangaramoti, manarihon angka na ringkot di ngoluni Jolma,
mamasumasu hita ganup ari.
Antong ise do hita hape diadopan ni
Jahowa, ai soadong goga, huoaso, mangolu pe hita ala Holan asiniroha Na
Sambing. Ala ni i, ndang marlapatan hape na sai holan mangalui sangap tu diri.
Molo tutu do tarajumi i, daingkon
marsomba hita tu Jahowa?,
Marsomba tu Debata sian ias dohot
serep ni roha, mangundukhon huaso, hagogoon ni Jahowa laho manghamulaitehon
salahut denggan basa, pasupasu, holong dohot asi ni roha ni Jahowa naung ta
jalo sian Debata dohot angka na hinirim ni rohanta.
Didok marsomba, adong pangariman
diri, panandaion diri. Disialani i do, dibagasan parsombaoan adong roha na
mabiar tu Jahowa, roha na pasangaphon, rohana pamuliahon, roha na toruk, roha
na tangi, dohot roha na ringgas. Asa haunduhon dohot serep ni roha do dalannta
laho mangantusi Lomo niroha ni Jahowa, ipe asa boi hita mandalani ngolu dibasan
Hatiuran.
Ayat 2-3 “dipaojak dolok ni bagas ni Jahowa di punsu
ni angka dolok (Dipatimbo/Marsangap Jahowa), marrongoman ma tusi sude angka parbegu, Beta hita
tanangkohi ma dolok ni Jahowa, tu bagas ni Debata ni si Jakkob, asa diajarhon
tu hita angka dalanna (Gabe Tiruan NA Denggan, Siboan Barita Nauli angka na
porsea i tu saluhut bangso).
Hatiuron Na sian Debata, ima
Hasintongan, ndang adong na buni sian adopan ni Jahowa. Molo pe
ndang diboto jolma alai dibotot Jahowa do saluhut na dibagsan rohanta. Asa
halak na manghangoluhon hata ni Debata, tarida do i sian parngoluonna siganup
ari, ndang tarhabunihon na. Marhite
ngolu na manghangoluhon hata ni Jahowa,
marsangap ma Jahowa jala na tau gabe Tiruan dihumaliang. Jala masihol
roha ni halak laho marsiajar, mangguruhon ala tung tangkas diida pangalaho
dohot pambahenan na denggan, na gok hadameon dingoluna. Ido umbahen didok
Ayat 4-5 “ ido na pataridahon Angka
na marhauduhon, na serep roha marsomba
dibagasan Tondi dohot hasintongan ni Jahowa, ido na talup mandalani ngolu dibagasan
hatiuran,
Jala patuduhon pangalaho na marhamubaon
ni roha ala marsirutu parsombaon na tu Debata, Gabe siboan dame, siboan las
niroha, ai ndang be mangasahan gogo, huaso, mangalului angka parbadaan, alai na
mangulahon angka nadenggan nama dingoluna.
Didok “patopahononnasida ma
podangnasida bahen gigi (Pedang menjadi Bajak), (hujurnasida bahen angka
sasabi)- tomabak menjadi pisau pemangkas”, na marlapatan hamubaon niroha sian
na mangulahon hajahaton gabe mangulahon na denggan.
Di Epistel naung
tahaja ima gombaran Jolma na mardalan di Hatiuron dohot na mardalan di
Hagolapon.
Pangalaho ni Halak na mardalan dibagasan Hatiuran
dipaholang do dirina sian angka ulaon hageduhon ima na patimbulhon angka
parbadabadaan, parsalisian, tongkar-tongkar, losok ni roha (sigurbak ulu), na
manjaga panghataiaon, ndang pangarupa tu angka na pogos, ndang sipangoseose
(penghianat), gabe siboan hadameon di humaliang,
Refleksi
Antong, tarimangi ma Parsomabaonta,
asa marsitutu hita marsomba marhite roha na hibul, na marhundukon dohot serep ni roha dibagasan
Tondi dohot Hasintongan. Nunga dipasahat tu hita Tondi Parbadia, na laho
mangajari, ala ni i tapaloas ma Tondi Parbadia mangula diganup rohanta, asa
mangantusi hita mandalani sangkap dohot lomo niroha ni Jahowa jala tongtong
hita mardalan dibagasan hatiuron na sian Debata, ai Ibana do na mandongani hita
saleleng hita mangolu. Asalma Porsea Hita. Amen
