Hari Tuhan Akan Tiba / Na Ro Na Ma Ari ni Tuhani

Maleakhi 3: 19 – 24/Maleakhi 4:1-6 

Hari Tuhan Akan Tiba / Na Ro Na Ma Ari ni Tuhani

Huria ni Tuhanta dibagasan goar ni Jesus Kristus,

Hombar tu tema minggunta, Ima Na ro nama ari ni Tuhani, ragam pangantusion molo ditaringoti/dihata i Ari ni Tuhan i. Adong na mandok Ari Panguhuman, Akhir Zaman, Zaman akhir, Marujung Ngolu,. Tung dia pe ndang sala i,  Jala molo tapamanat, ganup minggu do hita hatindanghon di hata haporseaon ta i, na ro do Jesus paduahalihon laho manguhumi halak / jolma namangolu dohot na mate.

Huria ni Tuhanta dibagasan goar ni Jesus Kristus,

Ringkot do hita mamboto, mangantusi ala ni aha do pola dipasahat Debata hataNa Marhite Naposana Panurirang Maleakhi, tu Bangso Juda/Israel, ima na naeng pamasonna Ari Panguhuman i. Aha do na gabe sibonsiri na. Ia Panurirang Maleakhi rap manurirangi dohot Panurirang Nehemia (Bupati di Juda) dohot Ezra ndung Mulak tu Jerusalem sian habuangan Babel.

Hamumulak Bangso Juda sian Habuangan ni Babel, ndang pintor mambahen rohani bangso i gabe marlas niroha,  Tubu Biar ni roha ni Bangso i, mulak mandasor ma Bangso i, dung diida nunga tarulang be huta Jerusalem, porlak anggur dohot zetun nunga tarulang, marongso (tinggal puning-puing) bagas joro, Bangso na asing nama na manginani huta jerusalem.

Adong kekecewaan nasida dompak Debata, pesimis, mago panghirimaon Bangso i marnida na masa i. Anggo diroha nasida,  Bangso i  malua / mulak pe nasida sian Babel alani Raja Kores do, ndang ala ni Debata.

Ndada holan persoalan ni parngoluon siganup ari (Perekonomian) na gabe holso dohot parungkilon di Bangso i, alai sandok Aspek-aspek ni Parngoluon dohot partondion, parsaoran dompak jolma dohot dompak Debata nunga sega, ndang adong hadengganon.

Pamujion/parsombaon/parmingguon/ ibadah ni Bangso i, holan hasomalan sambing (hanya rutinitas, penuh kepalsuan, holan sipallessem / penuh dengan kemunafikan), asa tarida songon na badia. Dipeleheon nasida do angka ragam ni pelean, alai pelean na dipasahat angka na so denggan/bercacat, Menipu Tuhan. Ndang dihangoluhon Bangso i be Patik dohot uhum ni si Musa.

Parsaripeon pe ndang be badia diroha nasida, Holan laho mangihuthon hagigiot ni pardangingon (menuruti hawa nafsu), Praktek kawin cerai gabe hasomalan dibangso i, disirang na niolina asa boi mambuat boru sileban, gabe dohot ma marsomba tu debata sileban. Hape, Parsirangan tung dihagigihon Jahowa do (Mal 2:16), Sega angka parsaoran, ala holan mangharingkothon dirina sambing, ndang olo manarihon dohot mangharinghotton donganna, ido molo taingot dope Jamita 16 Okt 2022, na nilumbambahon Panurirang Nehemia asa Mangharinghoton dohot manarihon angka dongan na sabangso.

Angka Imam/malim/parhalado pe (Bindu 3:1-18), nunga manimbil sian dalan i Jahowa, nunga lipe parulaon ni malim i, gabe lan halak targasip mangalaosi patik; nunga diose malim i padan halak Lepi dohot Debata. Ndang dipinsang,ndang dipaingot, naung sala angka parulaon ni Bangso i.

Ala ni i dipabangkit Debata ma Panurirang Maleakhi, laho paingothon Bangso i asa marhamubaon ni roha dohot marhabiaran tu JAhowa. Maleakhi pasahothon hata ni Debata taringot tu Ari ni Tuhan, Ari Panguhuman, di ayat 19 digombarhon songon ari na marsigorgor, songon pamurunan, na manutung angka na jungkat marroha (na gegabah, sombong) dohot angka siula hajahaton (orang fasik/berdosa), nasida doshon durame (jerami), nunga gabe sarupa tu sampah, na dibolongkon, ditutung.

 

Huria ni Tuhanta dibagasan goar ni Jesus Kristus,

Sungkun-sungkun di hita 1)Songon diado hita mangalapati haroro ni Ari ni Tuhan i, 2) aha ma na naneng sihobasanta manomu-nomu ari ni Tuhani.

Somalna, adong piga-piga sikap halak Kristen molo ditaringoti ari ni Tuhan, Ari Parpudi, Ari Kiamat. 1) Ndang perduli,  ala dirohana, sian mula ni portbion sahat tu tingkion, ndang marnaro Tuhani. Binsan mangolu, niula ma jala ni nikmatan ma ngolu sinuaengon, ndang diulahaon parsuruan ni Debata tu ibana 2) Mabiar, molo ditaringoti Ari Paguhuman, ala diingot hadirionna dompak Jahowa, dirajumi ibana do dirina na mardosa, diboto do uhuman i, alai ndang olo ibana manandinghon dosa i, ndang olo marhamubaon ni roha, sai mandatdati mardosa. 3)Na marlas ni roha, on ma gombaran angka na porsea ayat 20, panihalnihalon songon anak ni lombu angka na ruar sian bara / melompat-lompat – berjingkrak-jingkrak, bergembira seperti anak lembu yang keluarkandang,. BE 539 “ Sai hutagam do Tuhanku, sai masihol rohangki, diharoro ni Tuhanku, songon na nidok nai” .

 

 

Huria ni Tuhanta dibagasan goar ni Jesus Kristus,

Godang do usaha ni jolmai laho memvisualisasihon taringot ari ni Tuhani, na terkenal ima film 2012, na manggombarhon hassuda ni portibion. Hampir 3 taon jolma hita mangadopi sorimago Covid 19, ragam angka informasi na mambahen hita gabe tahuton, bobonosan, torop do angka parjamita na mangajarhon, ia Covid 19 uhuman ni Debata tu jolma, jala naeng ro na ma Tuhani. Vaksin Covid dibaritahon, songon alat ni anti Kristus, 666. Dipabiar-biar jolmai i asa ndang mapanghirmon tu Tuhan i. Masa pe hamaolon asa lam solhot, lam rosu marsaor dompak Debata.

 

Huria ni Tuhanta dibagasan goar ni Jesus Kristus,

Turpuk sadarion, tangkas do patuduhon Ari ni Tuhan Ima Gombaran Huaso, Habonaron dohot Holong ni Debata. Kuasa, Keadilan dan Kasih Kuhan. Panguhuman tun angka na Jungkat marroha, na mangulahon hajahaton, laho patuduhon Huaso dohot hagogoon ni Jahowa. Nndang adong kompromi tu dosa, na sai giot mnagulahon dosa, mangalo lomo ni orha ni Debata, na so olo marhamuaon ni roha, hona uhuman, songon durame, na ditutung, songon pamurunan, gabe soban, ndang adong na tading.

Alai diangka na mangasiholi, na biar mida jahowa, na sai mangulahon lomo ni rohaNa, dipalua, Binsarma panondang dinasida, na gok las niroha, songon anak ni lombu na panihal-nihlaon, molo ro ari ni Tuhan i. Ari ni Tuhan, ima ari na marlas ni roha diangka na Porsea.

Huria ni Tuhanta dibagasan goar ni Jesus Kristus,

Nunga ro Tuhan i tu portibion, dibagasan hadirion ni Jesus, marhite holong nirohaNa, dilehon jala dipalua/dipamonang sian huaso ni dosa, jala porsea do hita na ro do Tuhani paduahalion laho manguhumi manisia. Ndang adong jolmai na mamboto sadihari hahoro ni ari i, songon na tajaha di epistel. Ala ni, aha do nage mutiha ni turpukon, laho siulahononton

1.    Padengganton Pamujiaon/Parsombaon tu Debata. Unang hasomalan sambing manang sipalessem, asa badia diida halak, Unang tabahen ragam angka panghobasion /pelayanananta i laho patimbohon diri, lumobi unang gabe hajungkaton ni roha, na sembrono, na gegabah, sombong, menyepelekan, dan memandang rendah. Asa saluhut parsomboan na ta ula, sian bulus dohot sian ias ni roha ma, holan mamuji, pasangap Debata.

2.    Marhamubaon ni roha, Sian Hajungkatan niroha dohot ulaon hajahatonl gabe siulahon na denggan. Durame na marsigorgor, orbuk na na didegedege ima uhuman tuangka parjahat, hasusuda dohot ndang mararga be angka sisongoni.

3.    Mangaradoti Patik dohot uhum ni Debata, Nunga ditobus hita sian hadosaon, ganup hita dilehon ulaon laho marbarita nauli marhite hadirionta. Asa marhite ngolunta, dohot ulaon na denggan ta marsaringar jala marsangap goar ni Kristus i.

4.    Nunga ro Kristus i 2000 taon na salpu, Ibana do pardengganon dihita, na paubahon roha, amana tu anakna, anakna tu amana, asa on  sada tudos-tudos na patudohon pardengganan di parsaoran. Anak ni Debata do hita, Kristus do sipardame hita dohot Debata. Alani ta padenggan ma parsaoran ta dompak Debata. Parsaoran na rosu, na gok las niroha, huhut paimaima harorona na paduhalihon i.

 

Huria ni Tuhanta dibagasan goar ni Jesus Kristus,

Mauliate ma tapasahat tu Tuhan, Dilehon dihita partingkian, diudut dope hosanta Alani i, nunga 317 ari tabolus taoan 2022, hamaolon, parungkilon, dohot las niroha ido na margonti sorin ta adopi, alai molo tarajumi gumodang do las niroha na pinatupa ni Debata dingolunta.

Ala ni i, disosohon do hita

1.    unang marlemba-lemba, marsidalian, mamabaritahon barita nauli, ima barita haluaon naung dibasabasahon tu hita, asa sahat ta ula tohonan  na tu hita ganup / tunaikan tugas pelayananmu. Dao ma sian hita biar ni roha, alai taradoti, Tahaburujuhon, tahangoluhon Hata dohot Uhum ni Debata, huhut mangulahon ulaon na denggan, di namangam dohot na paimaimahon haroro ni Tuhan i.

2.    Manat jala manangkasi ragam ni angka pangajarion, asa unang dililuhon hit jala dibagsan hasation dohota roha na marsitutu manghabiari Debata.  

Antong Jaga ma hita Songon 5 Anak boru na bisuk na paradehon miak tu palito na paimaimahon haroro ni Pangoli i. Manang sadihari pe ro Ari ni Tuhani, haroro Na na paduahalihon i, dapotNa hita dibagsan haradeon. Kristus do Pandang situjuan, Sorgo do sambulonta. Unang mansohot hita paradehon diri huhut mangulahaon angka ulaon na denggan homabar tu panjouan tu hita ganup marsada-sada, Marpos niroha dohot marpanghirmon. Songon Ende ni Sikola Minggu, Hari –ini hari ini harinya Tuhan, Ari na Tadalani, Ari ni Tuhani do i,  Ai Ibana do nampunasa Ari dohot partingkian i. Sai diparbisuki, jala dipargogoi Tuhan ma hita mangulahon hataNai, Amen.