TANGGAL : 01 JUNI 2016
NAS : Lukas 7: 1-10
THEMA : Haporsean ni do Na Pamalumhon
PATUJOLO
Evangelium Lukas, ima na patuduhon panghobasion ni Tuhan Jesus taringot tu huasoNa marhite angka tanda halongangan dohot aspek hajolamoan ni Jesus jala holong tu jolma pardosa. Tanda halongangan taringot tu na pamalum angka parsahiton ni jolma, ima na pataridahon asi ni roha ni Jesus marnida sitaonon ni jolma. Jala tarida do sifat ni panghobasion ni Tuhan Jesus ndang holan tu sada houm, bangso alai saluhut jolma, baik di angka naung porsea dohot na so porsea.
Jala on do naeng dipataridahon di turpuk jamita di partangangianta bodarion, hombar tu thema ni Minggu ta ima “Asa Sude Bangso Mananda GoarMi Ale Tuhan”.
Turpukhon na pataridahon tanda halongangan dohot huaso ni Jesus, jala patuduhon balga ni haporseaon ni Halak na so mananda Tuhan Jesus, ima Letnan i/Perwira.
HATORANGAN
Aha do naeng siuhalon ta taringot tu turpukhon?
1. Pangudution ni Panghobasion (ayat 1)/ kesinambungan pelayanan
Sering do ita dokhon tu donganta, “ndang diboto loja”, molo adong ta ida halak manang dongan ta na padot jala marsitutu diulaonna. Olo do na gabe hurang waktu dina mangula sada ulaon. Manang contoh na asing, diangka dongan na parpasar, hehe do di manogot ni ari, jam 3.00 pagi, alai mulak sian pasar diuduti do angka ulaoan/ pangkobasion di bagasna, dungi mangaluluiangka bahan, pola do sipata sahat tu borngin, dungi mangulon ma.
Di turpuk taon di pataridahon Jesus do songon dia panghobasionNa. Dung sidung Jesus pasahathon angka hta ondeng tu angka na torop, dibongoti Ibana do tu huta Kapernaum.
Aha do na boi ta ida sian ayat 1 on?
I ma ingkon marsitutu do hita mangulahon angka ulaon ta dohot panghobasion ta. Parjolo mai panghobasion di rumah tangga ta be, di humaliang ta, dohot di huria I, hombar tu panjouan ta ganup hita.
2. Holong ni roha na manghophop dongan (ayat 2-3)/ kasih terhadap sesama
Letnan ni, ima halak Romawi , pataridahon holong na tu naposo na. Molo ta ida, letnan on, jolma na marpangkat jala marhuaso tu angka naposo na. Ndang dipataridahon Letnan I, huaso ni “jabatan manang pangkat” na tu naposo nai. Bangso Romawi hatihai mangkupkup manang menjajah Israel. Jadi boi do ta antusi songon dia parngoluan ni angka jolma na dijajah. Alai Letnan I ndang di patudu i. Holong do na dipataridahon. Boi sajo do naposo nai halak Israel manang Bangso na asing.
Aha do na boi ta ida sian ayat 2-3 on?
Holong ndang mangida rupa, pangkat manang jabatan. Alai ingkon boi do tapuduhon holong na sumalin tu angka dongan. Borat do mangulahon I, alai molo olo hita diurupi Debata do Hita.
Jolma na so mananda Jesus, ima letnan I, mampu / sanggup do mangulahon holong diangka donganna, lam ma hita, na naung mananda Hatigoran ni.
3. Buas jala ringgas mangurupi dohot patupahon na denggan di Huria I (ayat 4-5)/Murah hati
Holong na tubu di roha ni Letnan I ndang holan tu angka naposo na, alai dipataridahon do sian pambahenanna di joroi. Di patudu do panghobasionna di na buas roha ni letnan I, mangurupi jala patupahon na hombar tu pajongjonghon joro manag sinagoge / inganan ni parminguan ni halak Jahudi. Somal na, molo so sa horong hita antar maol do hita laho mangurupi angka dongan, apalagi na so sa bangso, na so sa haporseaon. Alai ndang dipatudu Letnan I, tung pe letnan I bagian sian penguasa Romawi, alai ndang huaso na di patuduhon. Roha na girgir jala na buas marpambahenan na denggan tu huria I di patudu.
Ondo nanaeng si tiruon ta, ganup na so porsea olo mangulahon jala buas mangalehon tu na sahorong, na so sabangso, naso saugama, lam ma hita angka naung mananda di asi dohot holong ni Tuhan i?
4. Serep ni Roha dohot panandion diri (Ayat 6-7)
Adong do huaso di letnan I, Na bo I do Letnan I, mamarenta manang ise, alai ndang dipatarida, sebaliknya songon dia serep ni rohana diadopan ni angka Jolma dohot di joloni Tuhan I ido na dipatuduhon. Disadari ibana do saluhut huaso na dijalo nai marhite pangkat dohot hamoraon I, na sian Debata do di jalo nasida, jala dipatutoru do dirina di adopan ni Jesus, ala diboto pardosa do ibana di adapon ni Tuhanni. Pola do di dok ibana Tu Jesus “ Tuhan, unang loja ho!, ai na hurang tama do ahu, tung bongotanMu jabungku, laos ala ni ido ndang tau huetong diringku manopot Ho (ayat 6-7).”
Marhite Letanan I di ajarhon do tu hita, molo tung pe marpangkat, marhamoraon manang marhuaso hita, ingkon ta paserep ma rohanta ala saluhut na ta jalo I na sian Debata sambing do i. Jala marhite pasupasu I ingkon boi do manghilala angka na humaliangta disiala pambahenan dohot pangalaho na denggan.
5. Porsea di huaso ni Jesus (ayat 8).
Jolma na so mananda Jesus, ima letnan I, porsea do di huaso ni Tuhan Jesus, mungkin nunga godang di tangihon jala dibege ibana taringot tu halongangon na dipatupa Tuhan Jesus, jala porsea do ibana disi. Ido na umbaen did ok “na martua do na umbege hata ni Debata, jala na umpeopsa”. Disadari letnan I do tung so sahat pe Jesus dibagasna na boi do pamalumonna naposo nai, ala huasoNa.
Dia do nanaeng didok di ayat on?. Ingkon porsea do hita di huaso ni Tuhan Jesus, ala huaso nai ndang dibatasi oleh runag dan waktu.
Sungkun-sungkun dihita. Porsea dope hita di huaso ni Jesus?, Sasintongna ingkon porsea do hita di huasoNa, sagari na so mananda Jesus porsea dihuasoNa lam ma hita, na naung porsea?
6. Haporsean ni do na pamalumhon (Ayat 9-10)
Didok Tuhan Jesus “Gari di halak Israel, gari ndang adong jumpang Ahu haporseaon na songon I”.
Godang do Jolma na boi marsiajar di Hata ni Debata, mangula di tongatongan huria I dohot lan na asing, alai otik do haporseaon na. Alai sambalik adong do jolma na so adong manang otik kesempatan marsiajar jala mangula, alai gok jala tang do haporseaon na. ima songon Letnan I dohot boru Kanaan (boi do ta jaha di Matius 15).
Di Matius 17:20 “Nanggo nasa batu ni sabi haporseoanmu, dohononmuna ma tu dolokon; munsat ho sian on tusan!, saut do I munsat, gabe ndang adong na so tarpatupa hamu”.
Marhite ayat on, naeng diajarhon tu hita asa mangido dibagsan haporseoan na togu, songon letnan i. Asa lam ganup ari lam martamba ma haporseaon ta di huaso ni Tuhan na tongtong mangurupi hita. Tung pen dang pintor dialusi Debata na ta pangido, alai asa tongtong do hita marpangkirimon jala marhaposan di Debata.
7. Holong ni Debata tu Saluhut Jolma
Tung apala tangkas do di pataridahon Jesus, holong Nai tu saluhut jolma. Na porsea do letnan I, ima jolma na so mananda Jesus, alai gabe taruli do rohana mangida pambahenan di Jesus di na mangula ditonga-tonga portibion.
Asa hita pe, diangka na naung mananda Tuhan Jesus, ingkon tarida ma dibagasan ngolunta saluhut tanda ni haporseaon ta marhite angka pambahenan, pangalaho na denggan di humaliang ta. Asa anggiat marhite saluhut parulaanta na dibagasan haporseaon na tang jala na togu, marmulia ma Goar ni Tuhan ta, jala taruli hita dohot angka dongan ta tung na so sa horong, na so sa houm , manang na so ugamo dohot hita, alani pambahenan dohot pangalaho tan a denggan.
SIPAHUSORHUSORON
1. Turpuk ta di bornginon mangajari dohot paingothon hita, asa ganup ari lam martamba haporseaon ta di huaso jala dipambahenan ni Tuhan di tonga-tonga ni ngolunta.
2. Marhite haporseaon na togu tubu pangkirimon na mangolu, molo marpangkirimon hita tubu ma haholongan di tonga-tonga ni ngolunta. ( 1 Kor 13:13).
Sai dipasupasu Tuhan ta ma hita, Amen
Edi Marpaung
