Urupan Ni Jahowa Do Na Burju Mangoloi Ibana (Jesaya 50 : 7-10)

 

Rabu, 11 Juli 2019

Jesaya 50 : 7-10

Urupan Ni Jahowa Do Na Burju Mangoloi Ibana/ Tuhan Penolongku

 

I. Pendahuluan

Tung mansai paet do dihilala Bangso Israel di habuangan di Babel i nasida. Pola do tubu diroha nasida naung dipasombu Jahowa bangsoi, ndang dianturehon. Ndada holani, gabe adong pangantusion na Jahowa do parohon saluhut hasusaan dohot hamaoloni, umbahen na gabe tarbuang nasida tu huta Babel. Ndang dirajumi nasida boi masa pe nasida tu habuangan Babel, ala ni dosa ni nasida sandiri, na marsomba tu angka gana-ganaan, dohot angka ragam ni parbinotoan ni portibi, ndang Jahowa be disomba nasida.

Tung pe songoni ndang pintor diuhum Jahowa bangso i, dilehon Jahowa do tingki tu nasida asa marhamubaon, dipaingot Jahowa do bangso i, marhite angka panurirang. Ala ni jogal dohot tangkang ni bangso i ndang ditangihon angka pangajaran, sipasingot. Gabe dilaosi nasida do patik dohot uhum ni Jahowa. Ditinggalkan nasida Debata, laho marsomba tu debata sileban. Dioloi do hatai, alai ndang mangoloi. Holan pamangan nasida do mandok, alai roha nasida balik sian Debata.  

II. Hatorangan

Nunga gabe sada bangko dihita jolma, tung mansai maol, bangkol roha ni jolma i mangokui / mengakui hasalaan/dosana. Dung madabu tu dosa jolma na parjoloi, disalahan si Adam do si Hawa, si Hawa pe disalahon ibana do ulok naung mangagohon ibana. Ido umbahen bangkol rohani jolma i mengakui hahurangan dohot hasalaanna. Jala jumotjot mangalalului ”kambing hitam”, manang pintor na asing ditudu molo adong sada hamaolon, manang persoalan.

Ndang adong sian jolma na mangolu on na boi bebas sian hasalaan, bebas sian hamaolon, bebas sian parungkilan dohot hasusaan. Molo adong persoalan, berarti adong ‘soal” na so selesai, molo adong “parsahiton” berarti adong “sahit na so malum”, molo adong “permasalahan”, berarti ‘adong na salah, na ringkot sipatingkoson”.

Ianggo persoalan, perungkilon, hamaolon, hasusaan i, ido na margonti soring di ngolunta. Ndada persoalan manang ragam ni hamaolon i na gabe masalah, alai boa do sikap manang responta mangadopi na masa i.

Adong do rahanta mangarujumi boasa boi masa hamaolon i, marhite na disulingkit manang di sungkun rohana sandiri?  Manang gabe na asing do ditudu umbahen na masa hamaolon i tu dirina.

Contoh: Jotjot do namardongan saripe marsibalibalian molo adong na masa dikeluarga i tarlumobi molo adong hahurangan/hasalaan dianakhon na. Isarana ala tangkang gellengna, gabe roma hata ni amantai mandok “ Na so diajari ho do anak tai”, dung i dialusi ina i ma “ Ia ho, amana, aha do naung dibahen ho tu gelleng mon, hea do disungkun ho, manang dipaingot ho anak mon”, ro muse alus ni amanta i” Iba nunga loja na karejo on, ai molo di jabu urusan ni angka ina do i”, dst. Cth lain ; ditilang karena tidak bawa sim/stnk/helm

Adong do jolma molo adong sada na dokdok dirohana, pintor mabiar, martabuni, lari sian masalah. Na asing muse adong do na paula so diboto manang ndang perduli. Alai hita angka na porsea ni Jesus Kristus diajarhon do tu hita unang mabiar mangadopi angka hamaolon dohot parungkilon.

On do naeng sipahusorhusoronta marhite turpuk ta sadarion. Na Dipabangkit Jahowa si Jesaya laho mangajari, paingothon Bangso Isarel asa manada dirina be, ise do nasida diadopan ni Jahowa. Asa dirajumi be dirina, songon dia do rohana tu Jahowa. Tutu do nasida marsomba tu Jahowa dimasa hamaolon i,? songon dia do parulaon nasida dinamasa hamaolon  di huta Babel, tingkos do parulaon na sida hombar tu patik dohot Uhum ni Jahowa?, lomo niroha ni Jahowa do ula nasida?. Marhite turpukhon dipataridahon si Jesayas do songon dia rupa dohot hadirion Naposo ni Debata mangadopi hamaolon, parungkilon di parngoluon.

Ndada ala na pandita, sintua, bishop, pastor, evangelis, diakones, dlna didok Naposo ni Debata / hamba Tuhan Alai , Saluhut na porsea di Debata Ama, Anak dohot Tondi Pardia ido na digoari Naposo Ni Debata. 

Molo didok Naposo/Hamba, nda ingkon do rade rohana mangulahon na pinangido ni Induk somang na dibagsan roha na marsitutu?. Molo na tutu do hita Naposo ni Jahowa, nda ingkon do nean hita marsitutu mangulahon na pinangido ni Jahowa?.

Ta rimangima jala tarajumi ma, songon dia do parsitutuon ta dina mangihuthon Kristus i, tarlumobi molo roangka parungkilon di ngolunta?, adong do hasatiaon ta.?

Didok Tuhan Jesus, nasa na mangihuthon Ibana iingkon do manaon ragam ni hamaolon ala ni pajongjonghon, dohot manghatindanghon goar ni Kristus. Boi do idaonta sian hamaolon ni angka panurirang dohot angka apostel na parjolo.

Jesaya mate digargaji, Stefanus gabe martir, Petrus mate diparsilanghon alai tarbalik, Paulus diparsilanghon, bahkan si Tomas na so porsea molo ndang diida Kristus naung hehe i, dihujur do andorana laho pamatehon Ibana. Manang si Daniel dipamasuk tu asar ni babiat/singa, Sadrak, Mesak, Abednego dipamasuk do tu pamurunan api na marjilam-jillam. Songoni do nang Munson-lyman di tano batak, pola do dipamate jala dipangan.  Ima tantangan na parjolo i laho mambaritahon hata ni Debata. Ndang mabiar nasida tung pe na gabe agoan hosa nasida alani na mambaritahon barita nauli.

Nuaeng nunga sahat tu hita Barita nauli i. jala hita pe tong do mangadopi ragam ni hamaolon, marungkil ala ni ekonomi, keluarga. Apalagi diminggu-minggu parpudion, diparmasuk ni angka parsingkolaan. Torop do angka natoras na busesaon, ganggu roha, gale, ala zonasi pendidikan. Ndang songon na dihirim rohantai na manjadi. Alani hamaoloni gabe manghorhon pandelean. Songon dia do sikap ta mangadopion.

Tema ni Jamitanta ima ‘Urupan Ni Jahowa Do Na Burju Mangoloi Ibana/ Tuhan adalah Penolongku. Angka na Porsea di Jahowa, dipaloas Ibana do mangadopi ragam ni hamaolon, parungkilon, hasusaan. Ala i boa do hita mangalapati na masa i di ngolunta?. Tarajumi do sude angka hamaolon i, dalannta asa lam togu haporseaonta?, asa lam jonok hita tu Jahowa?, Ta pasahat do saluhut na dokdok dirohanta i tu Ibana?, adong do dihita sabam ni roha (Kesabaran), manang gabe ta paksa do Debata mangihuthon pangidoan manang lomonta?.

Marhite turpukohon, dihatindangkon Panurirang Jesaya do jala dipatuduhon songon dia Hadirion, pangalaho ni Angka na Targoar Naposo Ni Debata asa:

1. Manghatindanghon Na Tuhan Jahowa do Sipangurupi (Ayat 7)

Ala ni i Unang Mabiar Manghatindanghon Hasintongan dohot hatigoran, molo pe dililiani angka ragam hamaolon. Didiok “mangurupi”, marlapatan adong na dokdok, na borat, didok rohanta ndang tolap hita mangadopi hamaolon i. 

Marragam do cara ni Jahowa laho mangurupi jala paluahon hita sian hamolaon.  Bahkan angka na so porsea i pe pangkeoan ni Jahowa laho mangurupi hita.

Na rumingkot ima pasahathon saluhutna tu Jahowa dibagasan Pos Ni Roha na togu, jala marlambas dohot marbenget ni roha dibagasan panghirimon na mangolu. Marhite i do angka na porsea i ndang tarurak / maila manghatindanghon hasintongan dohot hatigoran ni Jahowa molo pe dibagasan parungkilon.

Asal ma marsitutu hita, Ai Sangkap NA denggan do Sangkap ni Debata di ngolunta, on do na rumingkot tasuaonton dirohanta. Jala denggan do ditingkina dihalehethon na i do dipasahat Jahowa pangurupion i tu hita.

2. Manghatindanghon Jahowa do na gabe Pamintori angka na porsea i (Tuhan menjadi pembela). (Ayat 8-9)

Tontu ndang mura mangaluhaon/manghatindanghon hasintongan i. boi masa do gabe dihosomi angka dongan hita, dipaholang, dipaburuk-buruk, dipalea-lea. Unang ganggu hita disi, ala hatigoran na taulahon. Ai Jahowa sandiri do na gabe ”Pembela/pamintori” angka na porsea. 

Molo pe gabe dipadao , dipaholang, dipaburuk buruk hita alani hasintongan na taulahon Tapohohom ma, ai molo Jahowa donganta, ise be alonta. Ndang ringkot jala ndang porlu dihita manguhumi pangalaho ni dongan, Paburukburukhon, pataridahon hahurangan ni dongan. Ala ndang adong jaminan gabe na tumingkos pangalahonta sian angka dongan. Ringkot do pamanathon diri. Asa unang tarurak hita.

 

III. Refleksi

Molo tutu ta okkui, Debata do na mangurupi, jala mamaintori hita, ndang adong be alasan dihita laho mabiar mangadopi angka na masa on. Nuaeng,  hita holan na olo do, manang gabe sipangoloi. Jala porlu sirimanganta jala rajumanta, asa tardok hita Tuhan Jahowa do na mangurupi jala na mamintori ingkhon adong do dihita roha naserep, roha na benget, hasabaron, roha na lambas, holong, jala “marpos ni roha do i di angka sihirimon”.

Tutu mansai borat do mangulahon i, alai dibagasan haporseaonta na mangolui, Tondi Parbadia i do na mangula, mangalehon dihita gogo dohot pangantusion na sintong taringot angka na masa dingolunta, asal ma marroha sipangoloi hita dihata ni Tuhani.

Antong taulahon ma hata ni Debata, asa marsangap GoarNi Jahowa marhite hadirionta, gabe pasupasu ma ngolunta saleleng hita dihasianganon. Amen