MARLAS NIROHA MA SALUHUT PANGISI NI PORTIBION
RABU, 24 APRIL 2018
Yeremia 31:7-14
oleh: St. E. Marpaung
PENDAHULUAN
Dipamasa do ulaon na margoar mangapuli,
manise, mamangkulingi dipatupa diganup huria, manang parsoran punguan ni marga,
serikat/parsahutaon molo adong masa parungkilon, parsahiton, dohot sitaonon na
dokdok na nialaman ruas ni huria manang punguan i. dipatupa ulaoan on laho mangurupi parrohaon
na marsitaonon asa unang tarlalap diparulingkilon i gabe madabu tu pandelean
dohot roha na mandate. Marhite ulaon on do, laho patuduhon holong jala
parsidohot do huria/punguan i manghilalala sitaonon i. laos on do dalan laho
manungkoli roha nang pingkiran asa humatop dihalupan na bernit/na porsuk i.
Habot ni roha, marungkil, porsuk parniahapan
ido na niadopan ni Bangso Israel uju dihabuangan Babel nasida. Ditaon bangso i
pe hasusaan i, ala pambahenan nasida do. Panggomgomi gabe tiruan na na
sodenggan, jala diihuton bangso i, marsomba tu debata sileban, mangaluhaon
hajahaton, ugamo holan formalitas sambing ndang adong hamubaon ni roha, angka
malim nadang mangajarhon na sintong alai na giot di roha ni panggomgomi dohot
bangso i na mambahen sonang rohana tung pe mangulahon hasalaan dohot dosa, dipasiak-siak
do na pogos dohot jolma na susah, holan mangharingkothon ngolu na sandiri.
Angka On do na mambahen rimas Jahowa tu bangso
i, ingkon mananon nasida dihabuangan 70 taon. Tontu sahali, hansit do molo dijajah, ndang
adong kebebasan, gabe hatoban bangso na asing. Ndang adong be harga diri. Ai
bangso na terjajah, na tarbuang. Sai hira ndang margogo Debata laho paluahon
bangso i. Hape Dipangke Jahowa do bangsa
na asing laho manggomgomi nasida, mangajari nasida, asa mulak jala marningot
Jahowa marhite angka haporsukon na dihilala nasida di Babel
Tung pe di uhum Debata, tongtong do satia
Jahowa di padan naung dipahot Ibana tu Si Abraham, Ishak dohot si Jakkob.
Marhite panurirang Jeremia dipabaoa Debata do baga-baga nanaeng paulihonon ni Jahowa bangso i, molo
muba roha ni bangso i mulak tu Jahowa jala ditopoti angka dosana. Jala on do
gabe apul apul dohot na patubuhon pangkirimon, asa unang mandele, mandate
bangso i ala ni haporsuhon di Babel. Nunga sahat be baritaon tu hita dipartingkian
on, jala on do na nanaeng sipingkiron dohot sirimangan ni rohan ta.
Hatorangan
Parungkilon, hasusaan boi masa ala ni
pambahenan ni jolma i sandiri (1 Jakobus
1;14 “Alai ditaiti jala dipaelaela sangkapsangkap ni rohana sandiri do ganup, umbahen
na tarunjun/ Tetapi tiap-tiap orang
dicobai oleh keinginannya sendiri, karena ia diseret dan dipikat olehnya.),
tung pe adong do na sian luar kendali ni jolma i. Songon bangso Israel, ala hasalaan ni bangso
i do na gabe tarbuang nasida tu Babel.
Adong do sada Pandapot na mandok,”Sarupa do ianggo hasusaan ni jolma i, na
mambahen gabe berbeda ima partingkian ni hasusaan i, tingkatan ni hasusaan i,
dohot cara ni jolma mangadopi angka parungkilon i”. Jala pandohan on ndang pintor boi masuk tu
rohan ta be ate, ala nda tung sarupa na niadopan/sitaonan niba dohot dongan.
Toho do i. Saluhut do jolma mangula ulaonna dihata nuaeng didok “persoalan perekonomian”, ala menyangkut
tu parngoluan siapari, Ai rampak mangkarinthon ngolu do halak na pogos dohot na
mora jong pe, rampak mangaluhon ulaon na be do laho memenuhi kebutuhan hidup,
tung pe ulaon ni marasing-asing. Na gabe berbeda, adong do jolma i tungpe
dibagasan hapogoson marsabam ni roha do dingoluna, sebalikna torop do jolma na
sai hurangan nangpe nunga godang sinadonganna.
Sude do jolma i mangadopi persoalan keluarga,
suami dohot istri, natoras tu ianakkhon, namarhamaranggi, na marhombar jabu.
Adong do na pintor emosional ujungna gabe parbadaan bolak ditonga tonga keluarga, sirang na marsaripe, putus roha na
marianakhon, ndang mardomu na marhahamaranggi gabe mardomu di tano na rara,
ndang marsipangkulingan na marhombar jabu ala batas ni tano dlna. Alai adong do
na boi manganju dohot mangadu roha, gabe
parohon hadameon.
Ragam do cara ni jolma mangadopi parungkilon,
adong do na berusaha paholang / menghindari persoalan ni, alai adong do na rade
roha laho mangadopi i. Tutu ndang adong jolma i na manghalomohon
persolan/perungkilon, manaon na porsuk, marsiatonon. Alai dipardalanan ni ngolu
ganup jolma i, ingkon do manaon ragam angka hasusaan.
Ndang tarpasiding jolma i i, boasa ?, Tangkas
do didok Jahowa dungkon madabu Jolma na parjalo i tu bagasan dosa na ingkon
manaon na porsuk jala hir hodok na laho mangalului sipanganaon manang parnngoluan
siapari. (Pat. 1 Musa 3:16-19). Tung pe songoni diharingkothon Jahowa do jolma
i ndang pe dibagasan dosa (1 Musa 3:21).
Hita sandiri do na umboto, na mangantusi aha na
ta parungkilhon manang hasusaanta, jala hita sandiri do tong na boi
mangarimangi ala ni aha do umbahen na masa i dihita. Disialani i ido, marhite
turpuk bornginon asa tongtong marpanghirimon tung pe mangadopi ragam hasusaan.
Didok Jahowa di
ayat 7” Pangiar hamu ma soaramuna mamujimuji jala dok hamu ma:. Sai palua ma
ale Jahowa bangsom, pasipasi ni Israel!.
Asa on do na gabe tangiang/pangidoan tu adopan Jahowa. Ondo na unringkot
dijolma i na patuduhon haimbaruon partondion, hamubaon ni roha jala manopoti
dosa naung diula mulak tu Debata.
Tontu ndang na mura laho paubahon roha, mangokku
jala manopoti hasalaan bangko ni hajolmaon do i. Alai molo marsitutu jala mangolu haporseon i,
sai Ajaron jala dipargogi Jahowa do na porsea di Ibana laho mangulahoni.
Ingkon olo jolma i mananda dirina, pasidingkon
manang mansoadahon hadirion na, huasonna, hinadongan na, gogona, ala dirajumi
dirina ndang adang dihadihana diadopan ni Jahowa ndang mardia imbar ngolu ni
jolma i songon duhut-duhut (Mazmur 102:12 “Songon halinu na manihir do angka
ariaringku, jala lam malos do ahu songon duhutduhut/Hari-hariku seperti
bayang-bayang memanjang, dan aku sendiri layu seperti rumput. On do na patuduhon hatarbukkaan ni roha jala
mangaloas Jahowa mangula dibagasan ngoluna laho dipaulihon.
Indada holan na ditangihon dohot paulihon
rohana tahe, lobi sian ni hirim di roha
do dipatupa Debata, angka dia mai:
1. Paluaon Ni
Jahowa do Na NiasanNai Sian Parungkilonnai (Ayat 8)
“Ida ma, ingkon
ahu manogihon nasida sian tano na tungkan utara (dijou Jahowa do jolma na dibagasan parungkilon
i naeng paluahononNa), jala ahu papunguhon nasida sian angka ujung ni
tano on rap dohot angka na mapitung dohot na pangpang (padengganhon jala
paulihon Jahowa do nasa parsaoran naung sega, parsaripeon na mabola, hubungan
na denggan natoras tu ianakhon dohot na marhamaranggi), na gabegabean dohot pangintubu di tongatonganasida (paubahon nasa
angguk-angguk gabe las ni roha). Tung
luhutan na bolon do nasida angka na mulak i tuson.(mulak tu hadameon dohot
las niroha)”
2. Jahowa
manguluhon dohot mangarahon roha dohot mangaramoti Na NiasianNai (Ayat 9-10)
“Ro do nasida
tutu huhut tumatangis dohot marhuraja. Ahu ma manogihon nasida tu angka batang
aek di dalan na hornop, ndang jala Epraim gabe anak buhabajungku Tangihon
ma hata ni Jahowa, hamu ale angka bangso parbegu, jala baritahon hamu ma i di
pulopulo angka na dao jala hatahon hamu: Ibana na paserakkon Israel na jolo,
laos ibana papunguhon muse jala ramotanna, songon parmahan di punguanna.”.
Tumatangis ima tanda na dibagasan Parungkilon
Na Bagas, marsitaonon na dokdok. Rade do Jahowa tumangihon angka angguk-angguk
dohot ilu-ilunta. Ndada holan na manangihon, diapuli Jahowa do rohanta marhite
angka dongan na manghaholongi hita, jala dibuhai do rohanta laho patuduhon
dalan na denggan tu hita asa unang gabe madabu/tarsulandit be hita ala ni
sitaonan na diaponi, ala Jahowa do Ama dihita, jala hita dijangkon Ibana Gabe
ianakhonna. Bagabaga ni Jahowa do na ramotanNa angka na porsea i sian parmaraan
songon parmahan na manjagohon biru-biruna. Jahowa do parmahan di ngolunta
3.Disesa do dosanta
(Ayat 11)
“ Ai nunga
ditobus Jahowa Jakkob i jala nunga dipalua ibana sian tangan ni na gumogo sian
ibana.”.
Holong ni Debata ndang marnida rupa parduru.
Ndang dipaingot-ingot j be nasa hasalaan dohot dosa ni jolma i ala ndang
ditulak Ibana, molo olo jolmai paubahon dirina, mulak tu Ibana, maninggalkan
dalanna na roa i. “Yehezkiel 18:23 Tung tagamon *
marlomo ni roha ma ahu mida hamatean ni parjahat i, ninna Tuhan Jahowa; nda
tagonan nian, molo muba rohana i sian dalanna angka na sai laon, asa mangolu
ibana.
Haluaoan dohot
hasesaan ni dosa na pinatupa Jahowa marhite-hite Kristus on do na gabe
sihamulaitehononhon.
4. Disarihon
Debata do Ngolunta (Ayat 12)
“Ro do nasida sogot huhut marolopolop di punsu
ni Sion jala marrongoman nasida mandapothon denggan basa ni Jahowa: Eme dohot
anggur dohot miak dohot anak ni birubiru dohot lombu, jadi tondinasida ingkon
songon * porlak na tangkas di aek, jala ndang be mandate nasida.”
Ndada ngolu partondion disarihon Debata, alai
dohot do ngolu pardangingon. dipasu-pasu nasa ulaon nasida i, dihuta manang
dibalian. Ndang na hurangan
5. Dipauba do
habot ni roha gabe las niroha (ayat 13)
“Jadi marlas ni
roha ma disi namarbaju marhalianghaliang dohot dolidoli ro di angka na tuatua,
jadi muba ma arsak nasida gabe las ni roha bahenonku, jala apulonku nasida
huhut palashon dung salpu gondokna na sai laon.”
Molo adong keluarga ta, donganta, sisolhotta,
na salelelngon mangulahon angka na sala tontu on do na mambaehnhita gabe
marhabot ni roha/marungkil. Ala ni holong na adong didirnta sai berusaha do
hita laho paingothonon, asa maninggalhon pangalaho na sosman i, mulak tu Tuhan
i, jala dung ditanda Jahowa, gabe adong hamubaon didirina, on do na mabahen
hita marlas nirohanta.
6. Pasupasu na marlobilobi (Berkat
Berkelimpahan) (Ayat 14)
“Dung i
marlobilobi ma tondi ni angka malim di tabotabo jala bosuran bangsongku
marsaulihon denggan basangku, ninna Jahowa.”
Nunga dipatupa jala digohi Jahowa, na ringkot
dingolu partondion dohot pardangingon, diapuli do rahanta na marsak, namaheu i.
Ndang be alasanta ndang mandok mauliate tu Jahowa, ala dipasupasu do hita.
REFLEKSI
Binsan diudut dope ngolunta, dilehon dope
dihita tingki, asa unang hita mansadi laho mangulahon hasintongan dohot
hatigoran, mambahen na denggan dingolunta.
Hombar tu Tema Jamita” MARLAS NIROHA MA
SALUHUT PANGISI NI PORTIBION/BERSUKACITALAH HAI MANUSIA” asa marhinsa ni roha,
marolop-olp mamuji sude pambahenan ni Debata di ngolunta, dikeluarganta, di
parsaoranta, dihurianta.
Hita pasahat ma pardalanan ningolunta holan Tu
Jahowa, asa Ibana na Paturehon. Molo tung pe jotjot hita mangadapi ragam
parungkilon, hasusaan, unang pintor madabu tu pandelean dohot mandate rohanta.
Alai naingkon do hita mangarajumi na dihaholongi Jahowa do hita, ndada ala
pambahenanta i, alai holan ala basa-basaNa do, gabe talup hita di haluaoan na
pinatupaNai dibagasan Kristus. Jala olo hita paubahahon roha, dipaimbaru Jahowa
marhite pangajarionNai, asa Taruli hita dilas niroha. Alani i taingot ma hata
ni Tuhan Jesus molo dibagasan hasusaan hita di Matius 11:28 Ro ma hamu tu Ahu,
hamu angka na loja jala na sorat, asa hupasonang hamu!.
Diajari jala dipargogoi Tuhan Jesus Kristus ma
hita mangulahon hata NaI. Amen. St. E. Marpaung
