Holan Asi No Roha Ni Debata Sambing Do

Holan Asi No Roha Ni Debata Sambing Do
Minggu : 15 April 2018

Mika 7 : 14-20

oleh: St. E. Marpaung - 

Pendahuluan

            Ndang Adong jolma na manghalomohon dirina, madabu tu ragam hamaolon, mangolu dibagasan ketidak adilan. Alai olo do ndang disadari jolma i di na mandalani ngolunai mangadopi ketidak adilan, boi do i alani perbedaan prinsip, diskriminasi, manang ala ni parulaon ni angka na marhuaso (panggomgomi) dohot dipasiding sian huria. Tontu manang ise pe na mangadopi situasi i, dibagasan biar, tahuton, tertekan batin, merasa dipaholang jala merasa terancam do rohana. Ndang adong hasoan dohot hasonangan ni rohana.

            Jala on do na diadopan ni panurirang Mika, di na marbarita Ibana di Huta Jehuda. Dihilala Ibana do songon dia pangalaho ni Panggonggom Raja Jehuda maradophon Bangso Jehuda. Tarluomobi ma di ditingki marhuaso Raja Ahas. Raja Jehuda na somangoloi Debata, na marsomba tu Mullok, debata halak kanaan. Panurirang Mika manurirangkon uhuman na naeng dilumbahon Jahowa tu Bangso Jehuda dohot Haroro ni Sipalua.

            Dihilala bangso i do ragam hamaolon, ketidak adilan dohot ancaman sian bangso na asing, sai hira na mandao Jahowa jala dipasombu nasida, hape ndang dirajumi nunga mansai dao nasida maninggalhon Jahowa ala dosa naniulahon nasidai. Diulahon nasida pe parairayaon dohot parsombaon holan formalitas sambing do, ndang na gabe boi laho paubahon roha nasida, holan formalitas, na asing nai mangihuthon parulaon ni Pangomgomi Nasida Raja Ahas, laho marsomba tu debta ni bangsa Kanaan.  Disosoi Debata do Bangso Juda marhite Panurirang Mika, asa mangulahon hasintongan dohot hatigoran jala padengganhon pangalaho nasida, mulak marsomba tu Jahowa, unang be mangihuthon debata ni bangsa kanaan.

            Panuriang Mika, marhite turpuk jamita mingguon, mangidohon dibagasan tangiangna asa marasi roha ni Jahowa marnida pangalaho ni bangso i    ala  rajumi nasida ise do Jahowa.

Penjelasan Nas

            Turpukon manosoi hita asa olo hita marhamuaboan ni roha marningot :

1. Holan Jahowa Do Na Marmahani Ngolu ni Jolmai (ayat 14)

            Digombarhon do bangso i na punjung ditombak         Karmel, dipasisi, ancaman sian angka panoro, tahuton ala soadong na manguluhon bangso i.  Ndang diboto nasida be ise nanaeng siihutohonon ala pangalaho ni angka pemimpin nasida i. ndang adong be hasonangan ni roha. Ditangiang ni Panurirang Mika, dipangidohon Asa Diparmahani Jahowa Nasida, asa boi daion ni nasida hasonangan.

            Olo do sipata jolma i maghilala sai hira ndang ditangihon, dipasombu, manang ditadingkhon Jahowa, tarlumobi molo mangadopi siatonon na dokdok, parungkilon. Hape jotjot do jolma i ndang marningot songon dia do parngoluonna, mangihuthon Jahowa manang mangalaosi do. Disiala ni i jotjot do ro pandelean dohot ndang marpangkirimon.

            Ragam do cara dipangke Debata laho marmahani angka bangso na pinilit na i. ndada holan ngolu pardagingon na sirahon Debata marhite na dipasupasu angka ulaon ni jolma i siganup ari, alat dohot do partondion ni jolma di gohi.  Ragam hamaolon, parungkilon, tarnjung pangkilalaan dipangk Jahowa do laho mangajari Jolma i. ““Sai * parmahan i ma bangsom marhitehite batahim”. Angaka hamaolon i do Batahi ni Jahowa, asa mulak muse jolma i tu Debata. Hata ni Jahowa do na gabe dalan mangajari dohot mananda Jahowa. Molo dirajumi jolma i na Debata na marmahani ngoluna, tondu adong sikap hauundohon dohot serep ni roha, jala pasahaton ngoluna holan diJahowa. Pangalaho na roa porlu dipauba marhite batahi, isara ni ianakon ta molo mangulahon na sala olo do hita mangajari nasida marhite lili manag digotil, asa unang be ulahon.

            Hata ni Jahowa ido na gabe tungkot na mangarahon rohanta tu Jahowa, jala ingkon antusan do lapatan ni hata ni Debata dihalak na porsea Ima: “hasea mamodai, maminsang, pauliulihon, manogunogu di bagasan hatigoran,  asa rimpas halak ni Debata, hobas tu nasa ulaon na denggan / mengajar, untuk menyatakan kesalahan, untuk memperbaiki kelakuan dan untuk mendidik orang dalam kebenaran. Dengan demikian tiap-tiap manusia kepunyaan Allah diperlengkapi untuk setiap perbuatan baik (2 Tim 3:16).

             

2. Debata Do Na Mangaramoti Bangso Na / Tuhan adalah Pelindung bagi UmatNya(ayat 16-17)

            Bangso sileban na disuraton diturpukhon ima gombaran ancaman na niadopan Bangso Jehuda. Boi do antusanta, bangso na asing i, diluar hadirion ta na mambahen hambatan, manang kesulitan dihita na pagalehon rohanta. Ragam kesulitan alani ekonomi, ulaon, paraianakon, rumah tangga, pangalaho ni suami/istri jotjot do gabe dalan mambahen holsoan jala mandele jolma i. Torop do jolma mangalului dalan mangido pangurupion sian jolma naasing, hape godangdo na kecewa, Ido na di dok Par Psalmen 146:3 Unang marhaposan hamu tu angka pangarajai, tu anak ni jolma, na so umpeop panumpahion di bagasan ibana. Alai Mazmur  37:5 Pasahat ma dalanmu tu Jahowa jala haposi Ibana, asa Ibana paturehon.   

            Ido na pinatudu Debata dinamarmahani ngolunta. Ndada holan na ringkot

            Ddingolu pardagingon na pinatupa Ibana dihita, alai diramoti do angka na porsea i, dipadao sian nasa mara, sian angka musu. Parsorioan na diadopi jolma ido dalan ni Debata patuduhon Huaso na. Songon sada dakdanak na porsea dipangaramotion ni natoras na, lobi siani do pangaramotion ni Debata di angka na porseai.

3. Debata do na manesa hita marhite holong ni rohaNa/ Tuhan Setia untuk Mengasihi dan Mengampuni

            Ala ni Dosa i, patut do jolma i hona uhum. Alai ala ni holong Na, Ibana do na gabe singkat ni angka pelean hasesaan ni dosa.  Disiala ni i dipaima Jahowa do haubaan ni roha ni jolma i, manandinghon dosa dohot pangalaosion na i.  bissan dilehon dihita tingki, dilehon dihita gogo asa tongtong ma hita olo dipaimbaru Debata jala olo diarahon diajari Jahowa.

 “Yesaya  55:7 Sai * ditadingkon halak parjahat i ma dalanna, jala jolma pargeduk i, angka sangkapna, sai mulak ma ibana tu Jahowa, asa marpangulahi rohana mida ibana; dohot tu Debatanta, ai * buas do rohana manalesei. / Baiklah orang fasik meninggalkan jalannya, dan orang jahat meninggalkan rancangannya; baiklah ia kembali kepada TUHAN, maka Dia akan mengasihaninya, dan kepada Allah kita, sebab Ia memberi pengampunan dengan limpahnya.”

            Songon dia do sikap ta molo diparhatopot rohanta do, na satia do Jahowa manghaholongi hita huhut manesa dosanta?. Ndang dipaingotingot Debata Dosanta, molo olo hita marhamubaon ni roha manandingkon saluhut ulaon na maralo tu lomo ni roha ni Jahowa. Ibana do na manelesei sude hajahaton ni jolma na olo porsea jala mulak rohana tu Jahowa.

            Nunga dipatudu Jahowa holongNa tu jolmai, ai disumeahon do diriNa asa malua jolma i sian ihot-ihot ni hadosaon. Disiala naung dipatupa Jahowa do haluaon ni Dosanta marhite Kristus, ingkon sihamuliatehononton mai di ngolunta, jala ingkon mangula do haporseaon tai, asa tarida parbue na, ima parbue dohot pangalaho na denggan na hinalomohon ni Jahowa.

            Jala ndada holan sahat dihita halauon i, alai sahat do tu angka pinompar ta sogot, songon Hasation ni Debata di bagabagana tu Abraham. Asalma ringgas hita laho mangajarhoni tu angka pinomparta. Asi do rohani Jahowa  di angka na marriburibu, angka na mangkaholongi Ibana, angka na mangaradoti angka patikNa.  5 Musa 11:19 Jala ajarhon hamu angka i tu angka anakmuna, taringoti hamu angka i, molo hundulhundul ho di bagasan jabum manang mardalani ho di pardalanan, manang laho modom pe ho, nang dung hehe muse.

Aplikasi

            Ingkon rajumanta do, ndang na boi hita mangalangka, mangalugahon ngolunta on , molo so didongani dohot diramoti Debata hita.  Nunga patar ta ida sifat ni Debata marhite Tangiang ni Panuriarang Mika, na Ibana do Na Marmarhami Ngolunta, Manarihon na ringkot i dihita, dipasahat do saluhutna denggan ditingkina. Ibana do na gabe partanobatoan dihita, na mangaramoti ngolunta, na padaohon nasa mara. Jahowa do na manesa dosanta. Na marlapatan ndang adong hape dihadihanta diadopan Jahowa, Holan holong dohot asi ni roha Jahowa do ngolunta on, Ido umbahen Parpsalmen manghatindanghon “tung aha ma nian jolma, umbahen pola ditanda Ho ibana? Anak ni jolma na gale, umbahen pola diparhamaol Ho ibana? / Ya TUHAN, apakah manusia itu, sehingga Engkau memperhatikannya, dan anak manusia, sehingga Engkau memperhitungkannya? , ala ni i ingkon dao ma siaon hita roha dohot pamingkirion na mangasahon gogonta na berpusat tu egonta sandiri, tarlumobi mangadopi angka hamaolon, parungkilon dohot parsorion. 

            Disiala ni i, Molo ndung tapasahat dirinta jala porsea hita di Jahowa, asa unang be mabiar rohanta, tahuton dohot ndang marpangkirimon di na mangadopi ragam hamaolon, hasusaan na binahen ni dosanta, dohot portibion. Alai marhite i do lam ta antusi godang ni asi ni roha ni Jahowa di hita, lam tatanda huasoNai, olo hita dipaimbaru ganup tingki, lam marunuduk dohot marserep ni roha dohot roha mauliate.

            Ndada na holan so di hita i, ala nunga dijou hita na gabe parmahan dingolunta, ingkon tarida mai parmahanion na denggan ditonga-tonga ni keluarga ta ganup dohot diparsaorannta.  Boi ma hita manghatindanghon saluhut na tahilala, na adong dihita, ndang alani gogonta , alai “ Holan Asi ni Roha Ni Debata Sambing Do”. Songon goar ni Minggunta “Misercordias Domini” na marlapatan “asi Ni Rohani Tuhan i”.

            Antong, Ta bilangi ma jo umur ta, Tasungkun be ma dirinta, naung dijangkon Tuhani hita gabe ianakhonna, jala nunga saleleng ni ngolunta naung marsaringar hata ni Debata jala naung diparmahani Ibana do Hita, ndang na habilanganta pasu-pasu ni Debata dingolunta on, alai

1. Adong do tahilala haimbaruon partondion dingolunta?

2. Marsigorgor dope haporseaonta i?.

3. Tahilala do panghaholingion ni Jahowa dingolunta?,

4. Porsea do hita dihaluaon na pintupa ni Kristus marhite hamamate-Nai?.

Sai diramoti, diajari jala dipargogoi Tuhan Jesus Ma hita mangulahon hataNai. Amen