Lehon Hamu Ma Tu Kesar na sian Kesar i jala Tu Debata na sian Debata (Markus 12:13-17)

 

Rabu, 17 Juli 2019

Markus 12:13-17

Lehon Hamu  Ma Tu Kesar  na sian Kesar i jala Tu Debata na sian Debata

 

PATUJOLO

Adong istilah “Maju kena Mundur Kena”, manang “ Ibarat Buah simalakama”, diulahon manang so diulahon marhorhon harugian dimangulahoni.  Tontu ndang na mura mangadopi sisongonon. Apalagi ndang dinoto persoalan, alai sahat sahat tu hita.

 HATORANGAN

Ondo na niadopan Tuhan Jesus, di na marsoal Naposo ni Herodes (Kaum Herodian) dohot siboto surat Angka Parise. Di na ro nasida na dua kubu on, laho manungkun taringot beo, sigararan doi manang na daong. Ia angka Parise maralo do pangantusiaon nasida taringot Beo i, ndang porlu nasida manggarar i, ala sian Debata do saluhutna, jala na manggonggomi nasida ima bangso Romawi, bangso sipele begu. Didok roha nasida ndang silehonon beo tu na so mananda Debata. Alai Angka Naposo ni Si Herodes marpandapot, ingkon gararon do i tu pamarenta. Jadi boi idaonta adong dua kubu na berseberangan na mewakili lembaga keagamaan Jahudi maralohon Pamarenta Romawi.

Alai ndada taringot tu beo i sasintong na gabe persoalan utamana. Ala sogo do roha ni angka Parise tu Pangajarion ni Tuhan Jesus, jadi dilului ma dalan laho patangkuppon Jesus, umbahen i do na sai tongtong Angka Parise mangalului hahurangan dohot hasalaan ni Tuhan Jesus.

Ndang lomo rohani angka Parise ala sai dipincang Tuhan Jesus pangalaho nasida na so marhadoumuan tu na diajarhon nasida.  Ido umbahen diboan nasida persoalan i tu Tuhan Jesus, asa marhite i dapot nasida hasalaan ni Tuhan Jesus. Ada upaya cuci tangan dan konspirasi  dengan memakai isu Pajak dan mengadu domba Tuhan Jesus dengan Kaum Herodian.

Alai diboto Jesus do parrohaon jala sangkap nasida, tungpe songon na denggan hata nasida (ayat 14 “.Gurunami, huboto hami na tigor Ho jala ndang dihabiari Ho agia ise,...”), alai ansiansi doi dohot pangalensem.  Jadi dialasi Tuhan Jesus ma ‘,Boasa unjunanmuna Ahu?.  dungi  dijalo ma sada dinar laho manungkun gombar dohot surat nise na adong di hepengi.  Tung aha pe na gabe alus ni Jesus, ndang ringkot diangka Parise i. Molo dialusi Tuhan Jesus, ingkon Gararon to Kesar, diarahaon ma toropi laho mangalo Tuhan Jesus ala bertentangan tu uhum ugamo Jahudi. Alai molo didok Tuhan Jesus “Ndang pola sigararon beo i”, didok ma na mangalo Pamarenta / Kesar do Tuhan Jesus.

 

REFLEKSI

Marhite turpukohon dijari do hita asa:

1. Ndang marpangansi mangulahon silaon, dohot hata si pallesem / bekerja dengan tulus dan tidak munafik

Ndang pola maol antusan ta Pangalaho ni angka Parise i, ditingki na parpudion masa do ta ida Ugamo i dipangke patolhason sangkap ni Politik na. Politik yang memperalat lembaga keagamaan.  Adong do istilah “tidak ada musuh abadi dalam politik, tetapi yang abadi kepentingan politik”. Na berseberangan hian boi gabe marsada roha laho mangalo na asing ala ni kepentingan. Songon na pinatudu Angka Parise dohot Naposo ni Herodes, ai na maralo do nasida alai ala kepentingan gabe marsada roha mangalo Tuhan Jesus.

Di dok Tuhan Jesus “Manat jala jaga ma hamu pasiding na niasoman na di angka Parise dohot Saduse (Mat 16:6).  Pangalaho na mangharinghothon Habadiaon parduru, ndang mangulahon hasintongan dohot hatigoran tung pe dijamitahon angka Parise i tu bangso Jahudi.  Ndang sitiruon jala sipasidongon do angka pangalaoho sisongoni.  Mangulahon sada ulaon ingkon ma nian sian bulus dohot ias ni roha, ndang ala adong naeng sibuaton sian ulaon i, asa unang gabe sipalesem angka hatanta jala marpangansi angka ulaonta. Songon hata ni angka Parise i na mandok, “huboto hami na tigor Ho...”, alai ingkon taparhatutu ma Gogo dohot Huaso ni Jahowa dingolunta.

 

2.    Unang mangunjuni Debata / jangan mencobai Tuhan

Diboto Debata do saluhut na adong dibagasan rohanta, pingkiranta. Ndang adong na buni. Jala diboto Debata do angka na ringkot dingolunta. Angka parise mangunji Tuhan Jesus marhite sungkun-sungkun naung diboto nasida hian alusna. Songon dia do na tardok mangunjuni Debata dingolunta sinuaeng on?,  Torop do jolma na mangidohon jala mangharinghothon halongangan (muzijat), mamangke hata ni Debata asal ma saut na sinangkapan ni rohana, ndang porsea molo so adong alus ni tangiang na Muruk tu Debata ala so malum sian parsahiton, gagal angka usaha dlna.

Molo sintong do haporseaonta, ndang ganggu rohanta molo pe so songon sangkap ta na saut. “Tetap bersyukur dan memuji Tuhan meskipun jawaban doa dan permohonan kita tidak dijawab Tuhajkl

3.      Marbisuk mamhen sada keputusan Bijaksana dalam mengambil keputusan

Diboto Tuhan Jesus do parrohaon ni Parise dohot Naposo ni Herodes.  Ditimbangi Tuhan Jesus do situasi na masa i asa unang adong hagunturon diangka natoropi, ala ni alus ni Tuhan Jesus. Diharingkothon Tuhan Jesus do hadameon ni parsaoran i.

On do na ringkot dihita laho mambahen sada keputusa. Porlu pertimbangan matang dengan memperhitungkan dampak akibat keputusan i, asa marpanghorhon haulion dohot hadengganon keputusan na binahen i.

 

4.      Togu dihaporseaon, togu diparulaon / teguh dalam iman dan perbuatan

Diboto Tuhan Jesus do na maralo do nasida. Parise torop do angka pendukung / pengikut. Naposo Herodian mewakili Pamarenta na Marhuaso.  Ndang dipilit Tuhan Jesus nanggo sada sian nasida. On do na ringkot dihita, asa unang moleng-oleng. Togu dihaporseaon, dohot parulaon tung pe ala ni hasintongan na taulahon gabe dihosomi, dipaholang sian parsaoran, dipaburuk-buruk hita.  Asa unang gabe sipanolopi angka na sala hita, molo tung pe godang pendukung na. Mamang gabe ala na mabiar hita gabe taihuthon keputusan na so denggan. “Eme na masak digagt ursa, aha na masa ima diula”, uanga gabe “layang-layang hita”, tu dia alogo tu si hita. ingkon adong do prinsip na jelas namangoluon.

 5.         Unang manguhumi /jangan menghakimi

Dipatuduhon Tuhan Jesus habishonNa laho mamutshon persoalan i. Ndang diuhumi Angka Parise dohot Naposo ni Herodesmarhite angka pandapot nasida i . Gari ada dipasingot Tuhan Jesus do Nasida taringot tu Kewajiban nasida Sebagai Warga Negara. Marhite hata ni Jesus, ndang tarurak nasida., tung pe asing sangkap nasidai tu Tuhan Jesus

Nang hita pe molo so binoto dope persoalan ni manang ta antusi, unang pintor mura-mura hita manghatindanghon dohot manguhumi na asing, alai marhite angka hata dohot parulaonta na dibagasan hatigoran dohot hasintongan, taruli hadengganon angka dongan. Unang laos gabe dohot hita pailahon maolo pe adong hahurangan ni angka dongan.

6.  Tanggung Jawab ta sebagai WNI dohot Harajaon ni Debata.

Lehon Hamu  Ma Tu Kesar  na sian Kesar i jala Tu Debata na sian Debata. Ndang adong Pamerenta diportibion na so sian Debata. Marhite pamarenta i do, dipasaut Debata sangkapNa diportibion.  Dilehon Debata do bisuk tu Panggomgomi asa mangulahon na denggan laho paulihon dohot padengganhon kualitas ni bangso na ginonggomannai marhite ragam ni angka pembangunan infrastruktur, pendidikan, energi listrik, bantuan sosial PKH, KIP, KIS, Keamanan.

Asa marhite angka on do taruli las niroha dohot hadameon angka rakyat i. Saluhutna i  ringkot do dana. Ala ni i, angka na porsea berkewajiban mengurupi pamarenta ta, marhite na mematuhi angka peraturan naung tinontuhon taringot tu beo/pajak naingkon sigararon. Jeremia 29:7 Ringkoti hamu huhut hasonangan ni huta habuanganmuna na hubahen i, jala tangiangkon hamu nasida tu Jahowa, ai molo marhasonangan huta i, marhasonangan ma dohot hamu.

Ndada holan sian pajak, alai ingkon dohot do hita manangiangkon pamarenta ta sian na partoru sahat na parginjang asa mangulahon ulaonna dibagsan hasintongan dohot hatigoran.

Songoni nang tanggung jawabta selaku halak na porsea di Kristus. Dilehon Debata do tu hita, hosa hangoluon, dilehon do tuhita ngolu siganup ari, dipasu-pasu do hita marhite ragam ni uli basa, dipargogoi do hita diangka hamaolon. 

Aha ma naingkon silehohononta tu Jahowa ?

Diigil Debata asa Hita Pasahaton Dirinta tu Debata gabe Pelean na mangolu, na badia, dohot hadaulaton na marroha. (Rom 12:1-2). Marhite tangiangta, parulaonta, pangalahonta, panghataionta tarida gombaran Ni Jesus di ngolunta.

Jahowa i do nampuna huria i, hita do ruas na. Asa unang holan sipananginagi hita, Ala ni i ingkon parsidohot do hita mangulahon angka diama naung diputushon huria i taringot tu kewajibanta sebagai ruas laho mangurupi ulaon dihuria i, Marhite angka talenta na adong dihita, dohot manggarar angka kewajiban marhite pelean naung ditontuhon dihurianta.

Asa marhite haporseaonta mangulahon angka nadenggan i dihurianta dohot diparsaoranta na marragam i, marsangap ma Goar Ni Jahowa, taruli las niroha dohot pasupasu ma parngoluonta. Dipargogoi jala diajari Tondi Parbadia ma hita mangulahon hataNai. Amen.