Gabe Sintindangi Haheheon Ni Kristus / Menjadi Saksi Kebangkitan Kristus
Rabu, 04 April 2018
Yunus / Jona 2: 1-9
oleh, St. E. Marpaung
PATUJOLO
Hita saluhutna na na dihaholongi
Tuhanta,
Torop do jolma molo diarahon
mangulahaon sada ulaon, pintor hatop do mangoloi, alai ndang dipasae manang
dipaujung, jala olo do sipata gabe disundati manang dipasombu. Tontu gabe paro jut niroha dohot rimas do dinamangalehon
ulaon i.
Ido na diulaho si Jona,
dinamarsuru Debata asa laho ibana tu Huta Ninive laho mambaritahon hata ni
Debata, taringot nanaeng dipamasa Jahowa di bangso i, molo tong di datdati dope
mangulahon dosa. Dioloi si Jona do anggo parsuruani, alai laos gabe manimbil do
dalanna, gabe laho do tu Huta Tarsis. Dirimpu rohana ndang diboto Debata. Alai
ndang adong na holip mang buni sian jolo ni Debata. Gari ala ni pangalaosionnai
diparo Debata do habahaba dina borhat si Jona tu Tarsis.
HATORANGAN
Hita saluhutna na na dihaholongi Tuhanta,
Ia Panjouon
ni Si Jona na naneng marbarita nauli Ibana tu huta Ninive, tu bangso parbegu na
so mananda Debata, laho patuduhon ualoan ni Misionaris/Evangelist
(penginjilan). Jala Parenta ni Tuhan Jesus tu angka siseanNa, tagan so Naek
tarhinsa Ibana tu Banua Ginjang asa marbarita nauli tu liat
portibion, tu sude bangso (Matius 28:19). Ndang holan tu Halak Jahudi sambing.
Butuha ni
Dengke marlapatan
ima gombaran haholoman, hatahuton, uhuham ,parsorion, parungkilan, hamaolon,
habot ni roha, pandelean, roha na mandate. Jala on do na jotjot mangalingkupi ngolu ni jolma i ala
mangolu dibagasan Dosa, mangalaosi hata ni Debata, manang ndang mangoloi parsuruan ni Debata
taringot tu Panjouon/Tohanan na i.
Godang do na boi patupaon ni
Jahowa laho paingothon jolma asa mulak rohana tu Jahowa. Dipaloas Ibana do jolmai
mangadopi ragam ni angka na masa, parungkilon, habot ni roha, pangunjunan,
parmaraan dohot ragam na asing. Hombar tu turpuk Jamita dibornginon, boi masa do na diadopi
Panurirang Jona dingolunta be, alai beha do alus manang sikap ni hita laho
mangadopi angka hasusaan, parungkilon dohot lan na asing.
Hita saluhutna na na dihaholongi
Tuhanta,
Dirajumi ibana do naung sala
parualonnai, jala dipangido asa direongkon ibana tu laut i. Ndada holan habahabaa i, alai dungkon didabu
si Jona tu laut, diparo Debata do sada Ihan Raja (Dengke na bolon) laho
mambondut si Jona. Pola 3 ari 3 borngin si Jona di Butuha ni Dengek Raja i.
Molo sian
pamingkirion ni hita jolma, datung mungkin boi mangolu jolma dibagasan butuha
ni dengke 3 ari, alai Huaso Ni Jahowa do na pangoluhon si Jona di Butuha ni
dengkei.
Refleksi
Hombar tu tema ni Jaminta ta
bodarion “ GABE SITINDANGI HAHEHEON NI KRISTUS”, naeng idaonta jala naeng do
gabe tiruan dihita pambahenan ni Si Jona taringot tu panjouanna dohot sikap na
mangadopi parsorion nai. Angka di mai?
1.
Haimbaruon
Parrohaan ala disoadahon dirina ndang dihaginjangkon be rohana marnida bangso
na asing alai na gabe martoruk ni roh
Panurirang Jona tubu jala mangolu
dibagasan adat dohot pangajarion Jahudi. Dipilit Debata pe bangso i, asa gabe
pasupasu do nasida diangka bangsa na leban. Songon hasation ni Debata di
janjina tu Si Abraham. Jala sada kebanggaan do di Bangsa i, ala bangsa na
tarpillit nasida, bangsa na niasian ni Debata. Ala ni i do, umbahen ndang arga be di nasida
bangso na asing jala ndang adong be biar, Gabe marlomolomo. Ndang dihalomohon
si Jona gabe taruli pasu-pasu ianggo bangso Ninive. Pangidoanna asa ma nean
dipasaut uhuman naung dilumbahan Debata tu Bangso i.
Hatangkangon dohot hanginjangon
ni roha na pinatudu Si Jona, ido na mambahen ibana ndang boi be marnida manang
mangantusi lomo ni roha ni Debata, gabe ndang diulahon ibana be panjouannai /
tohonan nai, ala Panurirang do Ibana.
Alai dungkon disosoi Debata ibana, marhite halisungsung dohot
dibondut Ihan Rajai, gabe sadar do ibana dihasalaan nai. Di rajumi ibana do, na
soadong gogona manang huasona di Adopan Ni Debata, diboto Debata do aha na
adong dipingkiranna, jala ndang adong
buni sian adopan ni Debata. Angka on do na mambahen gabe marhamubaon rohana,
ala disolsoli ibana do pangalasoionnai, jala ditopoti ibana do hasalaan nai
dibagasan tangiang na.
Di ngolu ni hajolamaon nuaeng pe molo na sai jotjot mangasahon angka kelebihanna
gabe madabu tu tangkang dohot ginjang ni roha, ndang dietong be angka donganna,
sude dianggap ditoruna. Dipapatar do tu hita asa molo di bagsan Kristus, adong
hamibaruon, marhamubaon gaje jolma namangulahon hasintongan, marlambas ni roha,
marserp jala martoruk ni roha. Jala ndang leas mangida jolma , ai dihaholongi
Debata do saluhut na tinmpaNai.
2. Pasahathon holso dohot
parungkilon holan tu Debata marhite Tangiang
Disolsoli
rohana na masa i, dibagasan serep dohot untuk tu Debata, martangiang do si Jona
Tu Jahowa laho pasahaton nasa parsorion na dihilala ibana, jala ditopoti ibana
do hasalahan nai tu Jahowa, anggiat marpamuati Debata mida hasalahan nai, jala naeng pasauthon na
do ulaon na dipasahat ni Debata tu Ibana. Jala di bindu namangihut saut do
diulahon Ibana parsuruan ni Debata laho Marbarita nauli. Panurirang pe
martangiang lam ma hita.
Jala
Tangiang i marguna laho mangido na
ringkot dingolunta, puji-pujian di Debata, jala marlapatan do i laho mangadopi
hamaolon asa diurupi Debata, Naeng mangulahon sada ulaon na Balga, manopoti
Dosa.
Tuhan
Jesus mangajarhon tu hita asa martangiang, jala ingkon dungo do haporseonta,
asa unang madabu hita tu ragam ni pangunjunan. Margogo do anggo tondi i, alai
gale do ianggo daging (Matius 26:41). Asa tung aha pe na masa dingolunta, sai
jumolo ma hita pasahaton ni tu Debata dibagasan tangiang. Unang marnaloja hita
martangiang, tangiang do dalanna asa taruli hita. Ingkon dibagasan haundukon do
mangido pagarupion hita sian Tuhani. Songon si Jona. Unang tubu dibagasa
rohanta, hata na mandok “ ndang ditangihon Debata tangiangku”. Diboto Ibana do
aha na tahaporluhon di ngolunta, jala denggan doi dipasahat ditingkina.
Torop
do jolma ndung diadopi angka parungkilon, gabe sumurut sian Debata, ndang olo
be martangiang, madele, mandate, losok rohana marsaor dohot Tuhani, ai holan
dirina sandiri do na dipingkiri. Hape ditingki mar las niroha soi ma pamujion dohot
tanagiangna na tu Debata. Ndang dirajumi angka parsorion ni nagabe dalan
laho pasolhot diri tu Tuhan, jala hagaleon i do hataridaan huaso, hagogoon
dohot holong ni Debata (2 Kor 12:9). Dibagasan hagaleon ta Mangula do Tondi ni
Debata, pasahaton saluhut na so boi tarpasahat hita (Rom 8:28)
3. Sahat mangulahon panjouon naung dipasahat tu hita.
Hita nunga dipilit jala dijou
Debata na gabe Sitindangina di portibion. Ganup hita dilehon do ulaon hombar tu
ponjouan ta be. Marragam do angka panjouan di hita. Alai saluhut na i laho patuduhon hasadaan ni
daging ni Kristusi. Asa marhite angka ulaon tabahen hasapaon di goar ni
Tuhani. Isarana ditonga-tonga keluarga,
ingkon botoon ta do jala taulahon tanggung jawab ta sebagai seorang
Alai unang mabiar hita, ai ndang
dipaurak jala dipaila angka Na olo mangulahon hasintongan dohot hatigoran.
4. Sitindangi Kristus do hita
diganup pardalanan ni Ngolunta
Ndang na habilangan na denggan ni
basa ni Tuhan i di hita. Dilehon do tu hita hosa hangoluan, disarihon do
ngolunta siganup ari atik pe ndang sarupa tajalo angka pasupasui, alai molo
dibagsan sabam dohot roha mauliate hita, taruli las niroha ma ngolunta. Sitindangi Kristus ingkon mananda di Kristus
i, diulahon hata ni Debata, adong haimbaruon parrohaon, partondion dohot
haporseaon. Jala sitindangi Kristus, mangula do ianggo hporseaonna, ndang so
manang mate. Alai tarida doi sian parngoluonna siganup ari na diparhangoluhon
hata ni Debata, jala tarida parbue na. Asa gabe tiruan ma hita diangka
parsaoranta, tarlumobi ma tu angka na so mananda Debata.
Asa boi
antusanta, ingkon tasadari, naung sahat tu hita barita nauli ni i, marhite
Misionaris na ro Tu Tano Batak ditingki naung salpu, Asa tong ma hita taruli
las ni roha di Barita Nauli i. Asa on do
na gabe ta hamuliatehon, ai parsidohot do hita gabe Bangso Na Dipilit Debata, (1
Petrus 2:9, “Alai marga na pinillit do hamu, hamalimon na raja, bangso na
badia, houm na ginomgomanna, asa tung dibaritahon hamu denggan ni harohaon ni
Ibana, naung manjou hamu sian na holom tu hatiuronna halongangan i).
Ndang Mardia imbar, ndang mangida
bohi anggo Debata (Ul Apostel 10:34). Ndang mansadi ianggo holong ni roha ni Debata tu saluhut
jolma, Tung mansai balga do
Antong, Ta bilangi ma jo umur ta, ba
nasa i ma leleng na naung ta bege barita i. Tasungkun be ma dirinta, naung
dijangkon Tuhani hita gabe ianakhonna, jala nunga saleleng ni ngolunta naung
marsaringar hata ni Debata, adong do tahilala naung gabe Sitindangi Kristus
hita, adong do haimbaruon dingolunta? Boi do hita mangalapati Haheheon ni
Kristus na ta pestahon na ari Minggu i, na laho Pahehon Tondinta dohot
Haporseaonta asa tongtong marsigorgor?.
Manang, Tongtong dope tangkang, jogal rohanta songon
batu na so olo marhamubaon, manadingkon na holomi mardalam tu na tiur i?, Tongtong
dope hita mangasahon gogonta, pingkiranta, artanta?. Tongtong dope hita
dibagasan ginjang ni roha hita?. Molo i dope na adong dirohanta, ndang na boi
rohanta taruli las ni roha. Ingkon
rajumanta ta do ndang adong huaso ta di portibion, holan Jahowa do., Sai
diramoti jala di ajari Tuhan i ma hita saluhutna laho mangulahon lomo niroha
nai. Amen. St. E. Marpaung
