NAS : 3 Musa 19:1-2, 9-19
THEMA : Burju Mangaradoti Patik Ni Debata/Tekun
Melakukan Firman Allah
I. PATUJOLO / PENDAHULUAN
Masa do na jolo di
bona pasogit, didok sada natuatua, molo dunga sae manabi eme manang panen, sai
tubu do muse eme i, jala didok maon “Sagat”.
Ala hatihai marsuan sahali dibagasan sataon, jadi sanga do eme i na tubu i
marparbue. Parbue ni eme i ndang be di nampunasa ugasan, alai boi do disabi
angka halak na hahurangan manang na susah manang na pogos. Jala adong di sada
sada luat, boi do panganon parbue ni porlak dijolma molo mauas manang male
tingki lewat sian porlak i, alai ingkon ma di paias manang ditinggalhon hepeng
songon gonti ni nanaung ta pangan i.
Ilustrasi manang
contoh naung ni patorang na ginjang i, i do sada poda manang bentuk paradaton
manang kearifan lokal, taringot tu na manarihon dongan. Molo di rajumi, ndada
holan di nampunasa ugasan i hape parbue manang hasil ni naniulanai, alai adong
do bagian ni angka dongan, jala ndada holan nampunasa i na taruli alai ingkon
dohot do dongan na taruli.
Hombar tu turpuk on,”Burju Managaradoti patik Ni Debata”. Di dok Tuhan Jesus, “
Sihaholonganmu do donganmu doshon dirim (Matius, 22:39). Jala on do
pangarimpunan ni patik 5 – 10. Udut tu si dipaingot, diajari jala dipangido
Debata hita asa tontong masihaholongan tu angka dongan
II. Hatorangan / Penjelasan Nas
Marhite turpukhon dipaingot hita
asa :
1. Manarihon/mangurupi dongan na dangol (ayat 9-10)
Dirajumi rohanta do, na dipasupasu Debata
hita dingolunta, marhite angka parulaanta manang karejo na marragam i. Adong na
godang adong na otik, alai saluhutna do dipasu pasu. Disialanii ingkon do hita
manghamuliatehon saluhut dengan basa dohot pasupasu ni Debata, jalaturpuk on
paingot hita, ndada holan na mamingkirhon dirinta sandiri hita di pasupasu
naung ta jalo i, alai ingkon do hita marningot jala mangurupi angka dongan na
dangol. Parsatongkinan do angko hinadongan na diportibion, ingkon gabe dalan ni
pasu pasu ma hita tu angka donganta be, marhite pambahenan manang silehon
lehon. Diajari turpukhon asa unang hita mangholit, holan manarihon dirinta
sandiri alai, ingkon do taruli angka donganta marhite pasupasu na di lehon
Debata hita.
2. Mangolu dibagasan habadiaon
Dipungka Debata do di ayat 1- 2 i, asa badia
hita, ala badia do Debata. Mangolu dibagasan habadioan ingkon do
manghatindangkon hatigoran dohot hasintongan, jala ndang mangulahon na jat
(manangko, margabus, manghatindangkon na sotutu).
1 Petrus 1:15 “1:15
Alai mangihuthon Nabadia i, na manjou hamu, dohot ma hamu gabe badia di nasa
parangemuna!”. Mangolu dibagasan
habadiaon marlapatan ndang mangihuthon manang sarombang dohot portibion (Rom
12:2), ima ngolu na paholang diri sian rupa / rumang ni angka hajahaton
(Galatia 5:21), alai ingkon mangolu dibagasan tondi ni Debata do hita, ala i do
na tuk mangalehon gogo, mangurupi, jala na mangajari hita asa mangulahon na
badia dibagasan ngolunta (Galatia 5:16), ala ndang margogo hita mangalo
portibion molo mangasahon gogonta sandiri jala ndang tarula hita agia aha molo
ndang didongani Tuhani.
3. Mangolu dibagasan
hatigoran dohot hasintongan (ayat 13-15)
Godang do diulahon jolma, holan asa mamora
manang sangap dibagasan ngoluna, ndang dibayar gaji/upa ni angka parkarejo hape
nunga sidung ulaonna, jala sering do dibaritahon angka na papeol uhum dohot
aturan, na sintong gabe sala dohot sebalikna. Dipangido turpukhon hita asa
bersikap adil tu angka dongan. Ingkon dipasahat ma na ingkon sipasahaton, gaji
/ upa dohot lan na asing, Molo ido na gabe kewajiban. Unang mambahen jolma gabe
marlea (ayat 14), asa unang hita gabe partuktuhan diangka dongan ta. Jala
ingkon na sintong do na hatindangkon dingolunta asa unang hona uhum hita. (Jakobus
5:12 Alai parjolo ni saluhutna, ale angka donganku, unang hamu
manolonnolon manang tu parlangitan, manang tu tano on, manang tu panolonan na
asing pe; alai hatamuna: Olo, hot ma i olo, ia hata: Ndang hot ma ndang, asa
unang madabu hamu tu bagasan uhum.
4.Mangolu dibagasan
hatomanon (penguasaan diri) dohot holong
ni roha (ay. 16-18)
Hatomanon
marlapatan mampu mengendalikan dan menguasai diri. Menguasai diri meliputi
mampu menjaga perkataan ndang mangalap manang pataruhon hata, pattubu tubu
hata, ndang manghata tundal, ndang parubukburuk dongan manang paurahhon
donganna. Ingkon olo hita paingothon donganna dibgasan holong ni roha molo
tardapot mangulahon na so denggan.
Hatomanon
dohot holong ndang mambaloshon hajahaton dohot hajahaton alai mambahen na
denggan balos na molo dijungkati manang dibahen jolma na roa.
III. REFLEKSI
Mampu
do hita mangulaho i?, molo mangasahon gogonta sandiri ndang tarula hita agia
ha, alai marpangidoan ma hita tu Tuhan asa dilehon gogo, pangajarion dohot
pangantusion na sintong lao mangulaho i. (Johanes 15:5 - 15:5 Ahu do hau anggur i,
hamu do ranting i. Na mian di bagasan Ahu jala Ahu di bagasan ibana, i ma na
marparbuehon godang; ai ndang tarula hamu agia aha, anggo so mardongan Ahu).
Amen
St. E.
Marpaung-GKPI Segar Rejosari
