Minggu, 11 Agutus 2019
Mateus 8:23-27
Yesus penolong Kita/ Jahowa do Pangurupi di
Hita
Godang do angka halolangan na pinatupa Tuhan
Jesus dinamarbarita nauli Ibana. Alai
salauhutna ndang jaminan mambahen pos ni roha angka sisean i, ala marragam do
angka motivasi ni angka siseani . Songon na pinatudu di turpuk ta sadarion. Di
na manaborang Tao Tiberias nasida sian Kapenaum tu huta Gesar di Galilea, tompu
rongom Hababa siampulatus, galumbang na timbo, songon Tsunami, na boi
mangalononghon Parau i. Biar situtu do roha angka siseani, lomos,
sai hira na habis akal, pola do didok (na mago ma hami),
Hape molo tarajumi, Petrus, Jakobus, Johanes andorang gabe siseanni Jesus, tanggkas do diboto nasida kondisi ni Tao i. ala ulaonna manjala Dengke, diboto nasida bidangna, bagasna, jala biasa na do tinggal di parau ditinggki manangkup dengke. Alai tung beha ma angka siseani boi tahutan, hape Raphon Jesus do Nasida di parau i.
Nunga tung leleng nasida mangihuthon Jesus, jala nunga diida angka
sisean halongangan na pinatupa Kristus. Ia Hababai, ima dalan na pinangke ni Kristus laho manguji Haporseaon Nasida,
tutu do nasida manghaporseai Kristus?, ido didok Jesus tu Nasida “Na
mabiar do hamu hape, hamu parhaporseaon na metmet? "Mengapa
kamu takut, kamu yang kurang percaya?" , laos dipamenak ma alogo i.
Huria na
hinaholongan dibagasan Tuhan Kristus,
Saluhutna hita manghirim haulion dohot hadengganan ni parngoluon, ndang
adong hamaolon, dapot na pinarsinta ni roha, dao ma angka parungkilon dohot lan na asing.
Alai dinasopanagaman ni roha tompu do
rongom hamaolon, parungkilon nang hasusaan i. Hamaolon na niadopan sisean Tuhan Jesus, ido
sorminan dihita di dina marragam hamaolon na taadopi dingolunta.
Songon haroro ni galumbangi na sai torus ndang olo so, jala loja angka Siseani mangalugahon Parau i, asa unang
lonong/tarbalik, songoni do sipata tahop tu hita hamaoloni, ndang putus, torus
marsambung-sambung., olo do loja, mandele, mandate gabe laos tapasombu. Ndang
perduli be hita.
Tarlumobi ma molo tompu ro parungkilan naso tinagam, na manghorhon hamateon, hamagoan dohot harugian. Tarsonggot, Gabe ndang taboto aha nanaeng siulahononton. Isarana “lagi marpesta hita, tompu ditelepon/dipaboa, adong keluarganta na masuk tu ruang ICU”, “ Manang tompu diPHK sian perusahaan”, tontu tarsonggot do hita, humalaput, gabe “kalut / Tarpullong / tahutan’. Ndang ta boto tu dia naeng tondongan, Putus harapan, kehabisan akal. gabe lomos, mabiar, gale, mago rohanta Pintor hamatean do na ro tu bagasan rohanta. Songon angka sisean ni Jesus na diparau i, ala biar niroha, tahutan na manggomgomi hadirionta Ujungna marhorhon harugian,. Ra, taingot dope angka SMS namangido pulsa “ mama minta pulsa”, godang do na tertipu, ala ndang manat, humalaput, mabiar, ganggu ni roha gabe ndang boi denggan marpinkir.
Huria na
hinaholongan dibagasan Tuhan Kristus,
Tangkas do dipataridahon diturpukhon parrohaon, parulaon jala
hadirion ni angka sisean dinamangihuthon Jesus, mangadopi Hababa i. Tutu satia do angka sisean i manguhithon Jesus mang tu dia pe laho
marbarita naulia alai tong dope mabiar nasida.
Torop do halak Kristen, didok porsea Tu Jesus Kristus, diokkui do na Pardenggan basa jala Parasi roha do
Tuhani, alai molo masa ma hamaolon dohot hasusaan pintor tubu dibagasan rohana
jala didok “Dia do labana na mangahituhon
Kristus, Boasa ingkon hutaon na hansiton, boasa tung humasusa ngolungku”.
Mangihuthon Kristus ndang mambahen hita bebas sian hasusaan dohot parungkilon. Alai dibagasan hamaolon i
do naeng ma boi idaonta Gogo dohot Huaos ni Jahowa, laho mangurupi hita, asal ma
porsea hita. Ragam ni hamaolon i do na padungohon mata ni haporseaonta asa boi
ma hita mangukkur nunga songon dia haporseaonta sasintongna.
Ndang gabe sada jaminan sadia lelengna hita gabe Kristen manang siIhuthon Kristus, gabe lam togu haporseaon
ta. Diida siseani do halongangan na marragami,
alai tong dope hurang haporseaon nasida. Didok Tuhan Jesus “Na mabiar do
hamu hape, hamu parhaporseaon na metmet? "Mengapa kamu takut, kamu
yang kurang percaya?"
Ragam ni hamaolon, Na boi do mambahen tahutan, mandele, jala ndang marpangkirimon, tung pe ganup minggu ro
marminggu, partangiangan, martangiang,
alai ndang mambahen las roha, sai tong busesaon, humasusa dipingkiran, gale
partondian, mandele roha.
Antong Didia do Haporseoni?.
Tutu do hita porsea tu Natahaporseai?. Taihuthon Kristus alai ganggu
dope rohanta, taihuthon Kristus alai ndang porsea hita diulaonNa.
Boasa boi masa sisongoni? Hurang
porsea hita tu Tuhani, untangian do hita diangka hata/bisuk niportibi, sai
jotjot do hita mangalului alternatif penyelesaian diluar ni Jahowa, ndang pintor mangido
pangurupion tu Debata. Ala dihilala
rohanta adong dope gogonta, pingkiranta laho
mangadopi hamaolon i. Ingkon songon na dirohanta i na saut, laos dao ma
sian hita las ni roha, ndang ditangihon Debata alu-alunku/tangiangku, ndang
marpangirom be hita.
Damang dainang na hinaholongan dibagasan
Kristus,
· Patar do dipataridahon Kristus hadirionna di Turpukon, Jahowa na gabe jolma, sarupa tu hita dipardagingon.
Dihilala Jesus do na loja , ido umbahen na mangulon, dinamodomi Ibana, hape
angka sisean i ndang adong na mangulon.
Hita pe tong do loja diangka ulaonta. Jala ringkot do hita mangulon satongkin sian angka ulaon, mangalap
gogo, ndang na holan lalap sai mamingkirhon sinamot, manang arta na
diportibion. Marhite na
mangulon i do, tiur ma parnidaan nang mata ni partondionta. Taboto ma patupahon
na denggan, ndang salah mambahen sada keputusan. Ala boi hita denggan marpikkir,
jala lam tamba gogonta. Menghadapi Permasalahan dibutuhkan kejernihan hati, penguasaan
diri, ketenangan dan hikmat.
Huria na hinaholongan dibagasan
Tuhan Kristus,
Ragam hamaolon, galumbang ni parngoluon na taadopi, dipaloas
Debata ro tu parngoluonta, asa ido dalan laho manguji dohot patanghon haporseoanta. Ndang lobi sian gogonta hamaolon ni, jala sian
Debata sandiri do hapateanna. Marhuaso do Kristus Paluahon hita sian hamaolon, asal ma tapasahat tu
Ibana dibagsan parsitutuon dohot haporseaon na togu, jala
Sangkap na denggan do Sangkap Ni Debata, tung pe dibagsan
parungkilon hita. Na mambahen maol tarjalo rohanta, ala sai manghirim na
denggan dohot nauli dohita. Ai molo marsahit hita da ingkon daionnta ubat na
paeti asa malum hita. Marhite na paet i do, boi hita mangilala tabo ni dai na
tonggi.
Asa marhite na masa i do
tubu ma roha na serep, unduk, na manghaposi dohot marpangunsadeon tu Jahowa.
Hamaolon ni do dalan laho mananda hadirionta.
Ingkon Songon Sisean i do hita mangadopi
hasusaan na mandok (Ale Tuhan,
urupi ma. Ai ndang adong na tarulahon hita molo so didongani Tuhani, Kristus do
Imanuel, Na rade do Tuhani mangurupi
hita, asalma tapangido dibagasan Haporsean na togu jala tongtong marpanghirmon
na mangolu. Heber 11:1 Alai anggo haporseaon i, pos ni roha do i di angka
sihirimon, jala pamotoan na tontu taringot tu na so niida./Iman adalah dasar
dari segala sesuatu yang kita harapkan dan bukti dari segala sesuatu yang tidak
kita lihat. Ta haposi ma Tuhan i, dibagasan Pos Niroha.
Tuhan Jesus tu Portobion Mamboan ngolu tu hita jolma na mangolu, asa marhite ngolunta na togu dihaporseaon
gabe pasupasu jala panindagion salelenghita mangolu.
Antong, unang mandele, mabiar, molo pe masa hamaolon
dipangoluonta, Tabukka ma mata ni partondiaon ta, tapaloas ma Tondi Parbadia
Mangula di ngolunta, sian nasa rohanta
na serep, na unduk pasahahotoni tu Ibana, mangidohon bisuk asa dibagasan
hadengganon hita pasaehon saluhut hamaolon i, gabe marhamonangan ma hita. Gabe
panindangion ma i diangka na so mananda Kristus. Halak dia do On? Guru dokna do hape alogo nang tao i!.
Lam ta Pajanok Ma Tu Jesus, Ta Jou ma Ibana
ditangiangta, Ai
Jesus do Pangurupi di hita.
1.
Didok
Tuhanta Jesus do di Matius 11:28 Ro ma hamu tu Ahu, hamu angka na loja
jala na sorat, asa hupasonang hamu!,
2.
Filipi
44:13 Saluhutna do tarpatupa ahu marhitehite Ibana, na margogoihon ahu!.
Amen
