Melayani Tuhan dan
manusia
(Kisah P.R / Ul. Apostel 28:1-10)
Kamis, 06 Sep 2018
I.Pendahuluan
Sada pandohan na masa dingolu ni jolma, “Tartutup
99 pintu, sai adong 1 na tarbungka”, alai molo di Jahowa ndang adong batasan. Ragam do cara ni Jahowa
laho pasauthon ulaon parbarita naulion.
Sude jolma dingoluna adong do rencana, alai boi masa
do rencana i ndang dos tu na sinangkapan ni roha. On do na adopan Apostel Paulus, na dipaborhat Raja
i nasida sian Kaisarea laho tu Rom, alai ala ni galumbang jala
teromabng-amabing nasida di tonga ni laut i, gabe tardarat nasida di Malta. Ragam do hamaolon na diadopi
Apostel Paulus ala ulaon parbarita naulion i.
Di paborhat Apostel i tu Rom, ndang na laho mardalan-dalan,
status na sebagai tawanan/narapidana, dibagasan panguhuman do Apostel i. Laos
angka donganna Jahudi i do na manjehehon Paulus umbahen na taruhum ibana. Tung
pe songoni, tung so margogo do portibion laho mangambati ulaon ni Jahowa.
Ragam
do angka tuduhon na pinasahat dalan manguhum tu Apostel i, Alai ndang adong
dapot di raja baik si Festus, Agripa dohot Bernike hasalaanna, Balik sa di dok
Raja Agrifa do “Otik nari nama so dihatai ho ahu, asa gabe Kristen ahu!( bnd. Ul Ap 26:28),
Boi hian do si Paulus di palua, alai ala naik banding do Paulus tu Kesar jadi
ndang tarpalua Agrifa si Paulus. Alai asa on do na gabe dalan asa tung tarsar
barita nauli sahat tu luat na asing i.
II.Penjelasan Nas
Asa on do na porlu sirajumanta dingolunta taon,
tontong do didongani Jahowa jolma i tung pe mangadopi angka hamaolon. Jala
dibagasan turpukhon naneng ma idoanta pangurupion ni Jahowa tu Apostel i,
marbarita nauli di luat Malta. Dung 14
ari Apostel i rap dohot angka tawanan na asing, terombang ambing di laut i,
tardarat ma Nasida di Malta.
Malta, ima sada pulo terpencil Pangisina ima halak
Afrika dohot Fenisia, Ndang mananda Tuhan Jesus dope nasida. Tung pe songoni,
tung mansai denggan do roha nasida manjangkhon Apostel dohot angka na tardarat
i. ditamui do denggan. Angkup ni i, Porsea dope nasida tu hagogoon ni portibi.
Laut adong penguasa na, songoni nang ulok didok nasida do sebagai Dewa
keadilan. Ido na umbahen didok nasida na Pamunu do Apostel i, ala dipargut ulok
dari (Beludak). Tung pe nunga malua apostel i sian Penguasa Laut, alai
hona uhum tung tardarat (ay.4).
Diida
nasida na masa tu apostel i, pintor diuhumi nasida do. Molo diturpukhon nunga
ngalian nasida ala marlange do nasida laho tu darat. Ala ni mohop ni api i do na umbahen ruar ulok
i. Jala tangkas do ta boto inganan ni
ulok diramba-ramba do. Jadi wajar do Paulus dipargut ulok.
Tung
dipargut ulok pe Apostel i, ndada alani na hona uhum, tung tangkas do do
disuraton, na pagugunhon/memungut ramba-ramba asa adong pangkeon nasida asa
torus marsigorgor api i, ala ngali ni ari. Tar songon dihuta molo manogot ari
tarbiasa do hundul diparapian mandadang asa unang ngalian. Manang ise sian hita na hea tinggal ditopi ni
laut tontu ta boto tung mansai ngali do molo borngin.
Nang
ditingkinta nuaeng, nunga targaor hita na porsea, alai torop dope jolma i, na
so boi maninggalhon mitos / turiturian na jolo. Molo adong tubu sada dakdanak
na hurang sempurna sian ukuran ni hajolmaon pintor muramura do jolma i
manguhumui mandok aha do dosa ni natorasna umbahen na songoni sorang gelleng na
i. Nda
pintor uhum do na dipatujol?, so diboto sibonsiri na?. Contoh na asing, molo na
marbadai, tompu ma alona i marsahit, laos mate, nda pintor adong do dirohana
nunga dijalo be na niula nai. Las rohana, ala nunga mate alona. Pintor
manguhumi jala marlas niroha molo masa hasusaan didonganna. Molo masa dope
sisongoni, ndang marlapatan haporseaon tu Kristus.
Ala
ni di hita, unang pintor muramura hita mandok manang manguhumi/menghakimi
sasahalak, molo so jelas dope binoto sibonsiri na. Jala ndang denggan i, molo
na gabe pahathata hahurangan ni halak tung ta boto i, tagonan do pinaingot /
pinasingot dibagasan Holong.
Asa Dung
diida na toropi ndang adong mahua Apostel i, pintor muba ma roha nasida, gabe didok ma
na debata nasida. Marhite on do gabe muba ma panguntusion nasida. Jala on ma na
gabe dalan laho marbarita nauli, ido umbahen dipamuhai didok,”Marhite
ragam ni hasusaan dohot hamaolon ni do tarida huaso ni Debata, jala na gabe
dalan laho marbarita nauli ala, on do panindangion na sintong, dirajumi huaso
ni Jahowa na mangula di ngoluna mandalani ragam hasusaan i”.
Tung mansai tandap do hamubaon ni roha ni pangisi ni
Malta. Tontu sahali tarsar ma barita on diluati. Ido pola ditamue Publius, nasida
tu bagas na, asa naung tarbarita do na masa di Paulus. Ia si
Publius sada na sangap / na adong huaso. Na marghirim do rohana na boi Paulus
pamalumhon ama nai, ala panepaneon dohot buribunion (demam dohot disentri). Di ida si Paulus do uli ni pambahenanni si
Publius tu nasida jala dioloi ma pangidoannai. Tarida ma huaso Debata na pamalumpon ama ni Publius marhite tangiang
dohot na mangampehon tangan ibana. Laos marhite on do lam tarsar ma barita, na
gabe torop pangisi ni huta i na marsahit ro jala malum jala porsea.
Ondo
hataridaan Tanda dohot huaso ni Jahowa tu angka na Porsea
Songon didok Tuhan Jesus di Markus
16:18. Jomputonnasida do angka , ulok, jala nang diinum rasun hamatean, ndang
pola mahua nasida ; ampehononnasida ma tanganna tu angka na marsahit, gabe
malum ma hilalaonna”.
Songoni
ma nian angka naung porseai, ingkon mangarajumi /mangokkui huoso ni Debata di
ngoluna. Unang ma nean jolo masa sada sitaonon disi ma disadari hagooon ni
Jahowa manang jolo idaonna sada halongangan / muzijzat baru pe porsea hita. Naingkon
olo dohita dipaimbaru ganup ari, mangaloas Tondi Parbadia mangula
dirohanta.
Nang pardalanan ni ngolu ni jolma i, doshon kapal /
parau na di laut i. na boi masa tung mansai tenang do laut i, alai ditingki na asing
boi timbo do galumbang, ro badai, na boi manompashon, mangalononghon kapal i,
jala boi masa do tardarat di luat na asing. Molo masa galumbang dingolunta, songon dia do
sikap ta mangadopi i,
Ragam do cara Debata laho pasauthon sangkapNa,
Marhite hamaolon, galumbang ni parngoluon, dohot angka na so porsea i pe boi do
dipangke Jahowa, jala ndang adong na boi
mangambati i. Songon Paulus na mangadopi ragam hamaolon, diuhumi, jala
mangadopi galumbang laut 14 ari lelengna, tardarat di Malta, dohot dipargut
ulok dari, alai dirajumi doi na gabe Dalan ni Debata asa marbarita nauli nasida
di laut Malta.
Asa i ma tiruan dihita naung dijou,
dipillit Debata gabe anak haholonganNa,
laho marbarita nauli dingolunta. Ingkon Rajumanta do hamaolon, galumbang
parngoluan i dohot parungkilon i dalan ni Debata laho pataridahon huasoNa na
mandongani, na mangurupi hita mangadopi i, dohot pararat hataNai. Asa dison ma
ringkot ni roha na marpangunsadeon tu Jahowa. Unang muramura hita mandele ala ni hamalon,
parungkilon.
Halak Malta, na so mananda Debata, dibagasan ias ni roha mangurupi ala diboto
hasusaan nasida jala denggan manjangkon Apostel i, gabe taruli pasupasu do nasida.
Asa on do naeng sipareahon di angka na porsea, roha
partamueon, roha na manghobasi, hati yang
melayani ima na tubu dihita ganup
ari. Dijou hita asa gabe ParhobasNa/kita dipanggil untuk menjadi PelayanNya.
Kristus do Tuanta, hita do Parhobas na. Tugas ta mambaritahon holong,
pambahenan, huaso, dohot hagogoon ni Kristus saleleng mangolu hita.
Asa marhite panghobasion na denggan tarida ma disi holong
na polin, roha na basar, roha na benget, roha na olo mangurupi, roha na serep
dohot na lambok, roha na pasiuneunean dohot massiseaan. Asa marhite on do torop
jolma na taruli jala na manghirim mangihuthon Jesus. Didok sada parjamita
“Ngolu i do na gabe jamita”. Pardalanan ni nglunta ta do na gabe parbue ni
haporseaonta. Songon dia hita mandalani ngoluon, songoni ma gombaran ni
haporseaon ta. Molo tutu do hita mangihuton Kristus, tarida ma parbue ni
haporseoan na denggan i dingoluon.
Parhobas ndada holan na dihuria i, ditingki ari
minggu, manang dipartangiangan, manang di ari raya dihuria, Alai di saluhut
parsaoran di humaliangta. Didongani Jahowa do Paulus laho marbarita nauli, nang
hita pe sai donganNa jala dilehon gogo do mangulahon sangkap dohot lomo ni
rohaNi Debata di ngolunta. Antong dibagasan haringgason dohot parsitutuon ma
hita Manghobasi Debata dohot tu angka dongan.
St. E. Marpaung
