Dalam Kristus Telah Diciptakan
Segala Sesuatu
Kristus Do Hapatean
Kolose 1:15-23
Rabu, 27 Juni 2018
I. Pendahuluan
Saluhutna do hita ditingki nuaeng nunga manghilala diragam ni
angka kemajuan, baik teknologi manang informasi/barita. Saluhut hamajuon i
bersumber sian angka ragam ni parbinotoan na diparsiajari di parsingkolaan
manang marsiajar tu angka pengalaman. Tanpa hita sadari hita pe nunga mamangke
hasil ni hamajuon i dingolunta.
Hamajuaon ni Parbinotoan / Ilmu
Pengetahuan teknologi/informasi i, nunga mansai godang paubahon parngoluon
ni jolma. Setiap saat sai adong do angka penemuan manang teknologi na imbaru,
suang songoni diangka pangajarion dohot
ragam ni barita / informasi na berubah diganup tingki.
Diragam ni angka barita dohot pangajarion ni olo do sipata ndang
boi hita membedahon barita dia do na tingkos, na bonar na denggan dohot barita
na palsu manang hoax, di hata nuaeng.
Ndada holan di pardangingon, dohot do dipartondion, olo do hita gabe lomos, kebingungan, ujung na gabe lilu dia do
angka pangajaran na tigor, na sintong, ala ni mansai godang ta bege, ta ida
ragam ni pangajarion na pinasahat angka parbarita na uli.
Jala on do na diadopi Si Efaras, dongan saulaon ni Apostel Paulus
di huta Kolose, di na ro si Efaras tu Roma di tingki na dibagasan penjara
Apostle Paulus, mangido pangajarion sian Apostel i.
Dipabotohon ibana do tu si Paulus, na masa di huta i, pangajarion
sian angka pargapgap, na mangajarhon asa mangasahon Parbinotoan ni Jolmai (Gnosis) laho mangantusi hadirion ni Jahowa. Ala
mangasahon parbinoton i, Ndang di haposi manang dihaporseai nasida be Jesus, Debata
na gabe Jolma (Inkarnasi). Pangantusion
nasida, nunga mardosa jolma i jala nunga sega, ndang mungkin Debata gabe jolma
(mardosa), holan parbinotoan do na boi pasadahon jolma dohot Tuhan i.
Pangantusion sisongoni tung mansai andul do tu Haporseaon ta,
tahaporseai do Jesus, ima Debata Na gabe Jolma. Ala ni holong ni Debata do tu
Jolma i, dipatutoro diriNa, mambuat rupa ni jolma asa mangantusi jolma i di
Holong, Huaso dohot Habadion ni Jahowa. Porsea do hita Kristus do Jahowa,
Jahowa do Kristus. 100% Jolma, 100% Debata.
II. HATORANGAN
Songon na ni dok di pamuhai, di hajamuon nuaeng, tu mansai ringkot
do hita mangantusi Pangajarion na bonar, na tigor, na sintong, asa unang olo
manag boi hita dipalilu angka pargapgap.
Ragam do cara dipangke pargapgap i laho paliluhon haporseaon di
Jolma. Songon istilah nuaeng, “Holan
Bungkus/Casing na sajo na martukkar, hape isina hot do”, ima pangajarion na
mambaen lilu manang tersesat jolma i, tung pe hata ni Debata na diajarhon.
Misalna
pandohan “Sarupa do sude haporseoan /
ugamo i, tong do na mangajarhon na denggan do”. Molo
so bagas pangantusion ta taringot tu Haporseaon ta, boi sajo i ta auhon manang
tarjalo rohanta.
Tung Mansai torop dope na so manada Ise do Jesus i sasintong na di humaliang ta on, Ndang mangokui Hadebataon ni Kristus, Ndang
manghaporseai Hamamate, Haheheon, Hananaek ni Kristus. Jala on do tugas ta
angka na porsea.
Molo ta jaha do di Suara GKPI bulan Juni on, tung tangkas do i
dipabotohon LAI, na adong horong na asing na mangido asa Diganti hata “Allah”
gabe ”YAHWEH” di Alkitab, jala nuaeng tung godang do Alkitab versi na asing
sian na adong di hita (na diluar terbitan LAI), tontu boi do on mabahen hita
gabe ragu dia do na tingkos.
Boasa boi masa songoni?, Ala dirajumi roha dohot pingkiran ni
Jolma i, ia Haporseaon i/Keimanan ingkon boi tarjalo ni pingkiran (Dapat diterima
Akal) hombar tu pingkiran ni Jolma. Memahami Tuhan dengan pikirannaya sendiri. Hape
HaKristenon, mangajarhon na adongdo Hahomion ni Debata (Rahasia Tuhan), Adong
do na boi dipingkiri Jolma I, alai adong do diluar parbinotoan ni jolma i. ala
dijadihon Debata, jolma i adong do batasanna. Songon na tarsurat di
Job 36:26 “Ida ma, na timbul sahali do Debata, ndang dapot
dongdongan ni rohanta, bilangan ni angka taonna pe, ndang tarsulingkit hita.” manang di Rom 11:33 Bagasna i, antong, hamoraon, hapistaran dohot
parbinotoan ni Debata! Na so hasigatan do angka uhumna jala na so habogasan do
angka dalanna! Jala tangkas do didok di Poda 3:5 Marhaposan tu Jahowa ma ho
sian nasa roham, jala unang marpangunsandean ho tu pingkiranmu sandiri.”
Dison ma ringkot hita marsiajar jala marjaga-jaga / waspada, asa
talehon tingki ta marsaor dohot Debata, manjaha Alkitab/Bibel-Merenungkan
hataNa, asa unang mura hita di palilu angka pargapgap.
Hombar tu turpuk di hita, na martema “Kristus Do Hapatean/Didalam
Kristus Telah Diciptakan Segala Sesuatu”, on do naeng siuhal on on ta. Laho
pabagason pangantusion ta taringot tu Haporseoan ta di Jesus Kristus. Angka dia
mai?
1. Jesus Kristus do Jahowa (Yesus
Kristus adalah Tuhan)(Ay 15-17)
Dipadan na robi, dipabotohon do ingkon mate do jolma i molo
pajumpang dohot Debata alani Habadionnai, pengecualian tu angka na hinalomohon
ni rohaNa. Ima angka panurirang, angka na poso ni Debata na pasahathon hataNa.
Dipatorang apostel Paulus, Kristus do na gabe rupa ni Jahowa na so
ni idai. Dengan kata lain, marhitehite Kristus nunga ida jolma i be Jahowa,
Jolma na dia mai?, ima angka sisean na 12 i, dohot angka houm na naung
disurathon di Alkitab ta on. Na boi idaoanta ima Huaso, dohot holong na do
dingolunta.
Jahowa manompa portibi marhite hataNa (Firman). Dihatindangkon
Apotel Johanes do di Johanes 1:1-14 taringot tu Hata (Firman) na gabe Jolma ima
Kristus. On do na gabe bukti Kristus do Jahowa. Ala ndang tarsirang Debata sian
HataNa (Tuhan tidak terpisah dari FirmanNya).
Didok Tuhan Jesus tu Filipus di Johanes 14:9 Na marnida Ahu, marnida Ama i do;
2. Kristus do Raja / Ulu ni Huria
(ayat 18-19)
Hamamate, dohot Haheheon ni Kristus ido inti ni Haporseaonta. 1
Korint 15:16 -17 “Ai anggo so dipahehe angka na mate, ndang tutu hehe nang
Kristus i. Alai anggo so dipahehe Kristus i, magopo ma haporseaonmuna, jala
tong dope hamu di bagasan dosamuna,
Ala marhite hamamateNa dihau pinarsilang dipalua jolma sian
ihot-ihot ni dosa. Kristus do na gabe Pelean Na Badia, singkat ni angka Pelean
na pinatupa ni jolma laho hasesaan ni dosana, songon na pinatupa bangso israel
di padan na robi. Kristus do na hehe sian na na mate, na patuduhon huasoNa na
so margogo do ianggo hamateoni.
Tangkas di dok Apostel Paulus na Kristus do ulu/Raja ni Huria.
Ingkon do Ianggo daging manang Huria i, ingkon do mangithuthon dalan naung na
pinatuduhon ni Kristus i. Ingkon Kristus i do na gabe tiruan dipambahenan, ima
holong na polin, naung dipatuduhon Kristus ima humongkop saluhut jolma pardosa.
Nang hita pe ruas Nai, sai olo ma hita mangihuthon Poda/Dalan na naung dipatudu
tu hita. Sai ingkon jumolo ma hita manghaholongi Ibana, sian saluhut
hadirinonta, rohanta dibagasan haserepon ni roha dohot haporseaon na togu na
marpangkirimon na mangolu, asa marhite i do boi hita mangulahon patik dohot
ruhut-ruhut naung diajarhon Kristus, ima Raja ni huriai.
3. Kristus do Pardamen ni Jolma
dohot Debata (ayat 20-22)
Nunga tangkas diajarhon tu hita ndang adong jolma i na tuk jala
singkop mangulahon Patik i. Ragam ni angka pelean dohot ualon na denggan na
pinatupa ni Jolma ndada bo i gabe paluahon sian Dosa. Di siala ni i, Inisiatif
manang lomo ni roha ni Debata sandiri do paluahon jolma sian dosa. Ala holong
na tu jolma na tinompa nai unang ma adong mago manang mate dibagsan hadosaonna.
Holong na pinatudu ni Jahowa dibagasan hadirion ni Kristus, di na
sumeahon diriNa laho manobus jala manesa dosa ni jolma i marhite hamamate dohot
haheheon nai ido na gabe Peleaan Na sun denggan jala Na Badia bahen dalan
padamehon Jolma i dohot Debata. Ndang adong be panobusioan dungkon ni na
tarsilang Kristus i.
Marhite i do taruli hita dihaluaon, ala dipintori do hita. Ndada
alani pambahenan manang ulaon ta na
denggani, alai saluhutna holan basa-basa, asiniroha ni Jahowa sambing.
Dipintori / Dibenarkan Debata jolma i, marlapatan ndada dosa naung diulai dipintori Debata, alai
Panobusion na pinatupa Kristus i do na mamintori hita diadopan ni Debata, jala
manang ise na manjalo jala manghaporseai Panbosion i ido na dipintori Debata,
naung mardosa hian jolma i, dijangkon mudar ni Kristus i dingoluna, gabe
diparbadiai Debata ma jolma i.
4. Naporseai ingkon mian
dibagasan Kristus (ayat 23)
Nunga dipadame, dipintori jala diparbadiai Debata jolma na
porseai, disiala ni i, ingkon do marsihohot dibagasan haporseaon na togu, na so
so olo meret marpangkrimon sian barita nauli, jala marparbue haporseaon i di
pardalanan ni ngolu. Na sa jolma na porsea naung manjalo haluaon i, rade do i
manghatindanghon haporseaonna marhite saluhut hadirionna jala diradoti
mangulahon hata ni Jahowa. Haporseaon i ingkon do marpambaehan. Mamparbue na
denggan, na gabe siboan dame dohot las niroha di ngoluna.
III. Refleksi
Disiala ni i, ringkot ma hita marsaor Dohot Ibana dibagasan
tangiang ta, ringgas manjaha Bible/Alkitab, merenungkan Hata/Firman Tuhan, asa
unang olo hita diela-ela angka pangajarion na salah (angka pargapgap). Holan
Bible ta on do na gabe acuan Hatigoran dohot Hasintongan. Jala ingkon tarida ma parbue ni haporsean i,
songon tanda si ihuthon Kristus hita, dipardalanan ni ngolunta adong hamubaon
jala roha naimbaru sian sikap, pangalaho, panghataion dohot pambahenan.
Songon si Epafras, parhalado i na mangharingkothon parsiajaran na
sintong, tigor di na mangadopi ragam pangantusion na pinatupa angkapargapgap
dihuria kolose, naeng ma hita tongtong marsiajar asa lam tangkas pangantusion
ta laho tabaritahon dihurianta, keluarga, parsaoranta dalan laho mangoloi dohot mangulahon parsuruan ni
Jahowa hombar tu Panjouan tu ganup hita.
Amen.
St. E. Marpaung
