Haporseaon Na Mamintori asa Taruli Pasu-pasu
15 Peb 2018
Galatia 3:6-14
I. Patujolo
Na Marragam jala marasing-asing
do ianggo paradaton di hita Halak Batak, ido adong pandohan “Asing
Huta, Asing Sihaporna, Asing Luat, Asing Paradatonna”. Perbedaan parulaon
dohot pangatusion di paradaton olo do sipata gabe mambahen persilisihan diangka
na mangulahonsa. Isarana perbedaan Parjambaron diulaon, posisi manang kedudukan
ni hula-hula tangkas dohot tulang. Ido na gabe masa asa unang adong angka
parsalisihan gabe didokma “Sidapot solup do na ro”, asa marhite pandohanon,
manang ise pe namangadopi ulaon i, ingkon mangihuthon na masa diluat i.
Ndada
holan diulaon paradaton boi masa angka perbedaan pangantusion dohot parulaon di
Adat manang ngolu pardagningon, dohot do taringot tu haporseaon. Jala on do na
masa di Huria Galatia. Di naung diajari Apostel Paulus Nasida taringot tu
Haporseaon, alai na gabe timbul sada keraguan ni Huria i, ala ro Guru na asing
sian Horong ni Jahudi Naung Gabe Kristen, na mandok Ikkon mangihuthon dohot mangulahon Aturan manang adat/tradisi Ni Jahudi,
isarana taringot tu sipanganon, Parsunaton dohot lan na asing (Gal 3: 1-5).
Taingot
ma pandohan ni Apostel Petrus di tingki
Rapot Godang Nasida Di Jerusalem (Ulaon Apostel 15:8-11)
“Debata sitanda roha i sandiri do sitindangi di nasida, marhite sian na nilehonna
i Tondi Parbadia i tu nasida songon na tu hita. Ndang dia imbarna hita dohot
nasida dibahen Debata, dung dipaias rohanasida hinorhon ni haporseaon i.
Antong, boasa ma unjunanmuna Debata nuaeng, laho mangampehon auga tu rungkung
ni angka sisean, na so tarusung angka amanta i nang hita pe. Marhite sian asi ni roha ni Tuhan Jesus do
tahe, umbahen na malua hita dihaporseai rohanta; nasida pe songon i do.
Jadi
di Jahowa ndang mardia imbar na Horong ni Jahudi dohot na so Jahudi,
Namangulahon aturan Adat Jahudi dohot na so Mangulahon Adat Jahudi. Ndang ala
ni na mangulahon Patik i, gabe taruli jolma di Haluaon sian Debata, ala ndang
adong jolma i na boi mangulahon i. Ido
na umbahen ro Jahowa, marhite Kristus ro Tu portibion laho manggohi na
pinangido ni Patik i. Holan ala ni asi
ni roha ni Tuhan Jesus do jala dihaporseai rohanta ido na paluaohon hita. Ndang
na mandok ndang so porlu mangulahon Patik na sampulu i, ala Uhum / Patik i, ido
na mangatur parngoluan ni jolma asa denggan, alai ndang mamboan Jolma i tu
Haluaon.
II. Hatorangan
Marhite turpuk sadarion, dipatolhas do tu
hita, ima taringot tu
1. Haporseaon na sintong (Ayat 6-9)
Ndada alani na managulahon Patik/uhum gabe
taruli jolma i di haporseaon manang Haluaoan. Alai Haporseaon na sintong na
diulahaon Angka Na Porsea jala Partigor, ido na paluahon. Jala on do na dietong
Debata gabe Hatigoran. Dipungka Apostel Paulus do di Turpuk taon, taringot
Panjouan ni Si Abraham. “Songon di si Abraham: "Dihaporseai do Debata, jadi i do
dijujur tu ibana gabe hatigoranna!".
Boasa
ma si Abraham dipartudos Apostel Apulus taringot tu haporseaoan na Sintong? .
Taboto do di jou Debata do Iabana asa Bungkas
si Abram sian Tano Hatubanna, maninggalhon saluhut keluarga dohot sinamot /
arta nasida tu Huta Naimbaru di Kanaan, diikuthon jala dioloi ibana do
parsuruon ni Debata Tung pe holom manang ndang diboto angka na masa dipardalanan ni ngoluna tu joloan ni
ari. Holan Haporseaoan dohot Pos ni
Roha do na dipatuduhon Si Abraham tu
Jahowa. Dihaporseai Si Abraham do Jahowa manogu ibana.
Dipillit
Debata do Ibana, tung pe Si Abram tinggal di lingkungan hasipelebeguon. Dison
boi Tarida Pamiliton Ni Debata taringot tu Haporseoan / Iman tu sada-sada
Jolma. Ndang na boi Jolma i marhuaso laho manghaporseai Debata, molo so Debata
Sandiri na Pahashoton i, na patubuhoni dibagasan rohanta be. Tuhan
Jesus Mandok “ Ndada hamu mamillit Ahu; Ahu do mamillit hamu jala hupadiri
hamu”(Joh 15:16a)
Efesus 2:8-9 "Ai sian asi ni roha do,
umbahen na malua hamu, dalan haporseaon; jala ndada binahenmuna, silehonlehon
ni Debata do. Nda tung sian parulaon i, asa unang adong na mamuji diri." Haporseaon
i / Iman basa-basa (Karunia/Anugerah/Berkat) sian Jahowa do.
“Bungkas”
marlapatan
maninggalhon ngolu na leleng na gok halumlamon, hajahaton gabe mangolu
dibagasan Haporseaon Tu Debata. Dirajumi Rohana do Saluhut ngoluna holan alani
Holong, pasu-pasu ni Debata do. Ndang adong be di Ibana hanginjangon ni Roha /
pamujiaon diri, ala dirajumi Debata do na marhuaso di ngoluna.
Naporsea jala manjangkan Debata
Dingoluna Digoari do Anak Abraham, Songon Si Sakheus na manjanghon Kristus Di
Bagasna Di Dok Kristus Do Si Sakeus Anak Ni Abraham, Tung pe Ibana “Sijalo
Beo”.
Debata na disomba si Abraham ido na
Tasomba. Na mambahen perbedaan dipangulahonon ni Haporseaoani do. Marsitutu
do hita laho mangoloi, mangihuthon Debata dibagasan haporseaon ta, songon si
Abraham na mangoloi Debata Maninggalhon ngoluna na leleng, pasahaton dirina tu
pangiring-iring tangan ni Debata?. Songon dia do sikap ta mangadopi angka
hamaolon?, Mandele do hita? Mangisurut do Haporseaon ta?, Tatadingkon do
Debata?. Molo na Porsea di Kristus ndang
adong biar ni roha mangadopi saluhut na masa ngoluna, ala dihaporseai, Jahowa do na
mangaramoti, mangiring, mandongani Ibana. Songon Si Abraham na gabe Pasupasu tu Saluhut Bangso, Olo do
hita mamangke haporseon ta, pasupasu na adong dihita gabe pasu-pasu diangka humaliangta?. Didok
Tuhan Jesus di Lukas 6:44 “Ai sian
parbuena i do tartanda nasa hau. Ai ndang tarputikkon antajau sian tadatada,
jala ndang tarbuat parbue ni hau anggur sian rimbang. “
Adong do ngolunta gabe siboan las ni roha, gabe siboan dame,
marlambas ni roha do hita marnida hahurangan ni dongan ta, marlambok ni roha do
hita di keluraga ta be ? diangka humaliangta?
Manang hita dipasiding, dipaholang, diburai jolma
dihumaliang ta ala ni pangalahonta na so suman, na maralo tu ngolu ni halak
Kristen?
2. Ulaon Na denggan dalan patuduhon
hamuliateon ni roha tu Debata (ayat 10-14).
Haporseaon na sintong
mamparbuehon, holong dohot ulaoan na denggan, las niroha dohot pangkirimon
dingolu ni Jolma. Ndada alani mangulahon
patik, gabe dietong Hatigoran. Dilehon Debata tu Jolma i angka uhum, asa adong
do sada “Keteraturan didalam kehidupan manusia”. Molo so adong uhum ndang
diboto jolma be dia na salah, gabe marlomolomo nama,alai ala adong patik gabe dibahen
ma sada pembatas, dia na denggan dia nasala. Diulahon pe nasa na tarsurat di Uhum Taurat,
alai molo soadong haporseaonna di Debata Marisuang do i. Angka na so Mananda
Kristus godang do mangulahon na denggan, lam ma hita na naung dipilit, dipalua
sian hadosaanta, ingkon lobi ma nean pambahenanta na denggan tu angka
dongan.
Ingkon tarajumi do dibagasan do
Haporseaon, Debata sandiri do na mangula
didirinta jala tarida do Parbue ni Haporseaonta
sian parulaonta siganup ari.
Ulaon Na denggan dalan patuduhon hamuliateon
ni roha tu Debata, ala naung dipalua hita sian Ihot-ihot ni hadosaon. Songon
naung di patorang di ginjang, Ndada
alani alani pambahenananta na denggan i gabe dietong hita Partigor, alai ala
Haporsean na mangolu, na marpambahenan, na mangula
di Kristus i do gabe dietong Debata Hatigoran.
Dengan
kata lain” Iman yang teguh kepada Kristus adalah anugerah Tuhan Allah, bukan
hasil kerja kita. Kita beriman berarti menyerahkan seluruh kehidupan kita hanya
kepada Allah, mengizinkan Allah bekerja didalam Kehidupan Kita.
Aplikasi
Heber
11:1-2” Alai anggo haporseaon i, pos ni roha do i di angka sihirimon, jala
pamotoan na tontu taringot tu na so niida. Di bagasan i do dapotan panindangion
angka na tuatua na robi./
Dietong Debata hita gabe Partigor songon si Abraham, ala
Haporseoan na mangolu dohot roha na mangoloi , jala unduk mangulahon hata ni
Debata, ndada alani gogonta, hinadonganta, pambahenananta, manang huasonta
sandiri. Jala pasupasu naumbalga dihita ima Haluaon na pintupa Kristus diganup
Na porsea di Ibana. Taparbuehon ma na
denggan dingolunta, ala i do tanda panindangion di hita di na mangula Debata
marhite Haporseonta i, asa saluhut na hita Taruli jala Gabe Pasupasu diangka
humaliangta be. Amen.
