Terang bagi bangsa bangsa

NAS                : Jesaya 49:1-7

THEMA            : Menjadi Terang Bagi Bangsa-bangsa

I. PATUJOLO / PENDAHULUAN

Bola lampu na biasa ta pangke di bagas ta ndang marguna i molo ndung sega, manag ndang adong aliran ni listrik. Jala bola lampu i marguna di borngin ni ari, asa tiur parnidaan ta. Ndada holan dibagas ta mansai porlu lampu, di dalan umum, dikendaraan tong do mansai porlu lampu. Molo mardalan borngin hita olo do sundat alani na sega lampu ni kareta, olo do hita mabiar ala ni golap ni sidalanan, mabiar tartuktuk, mabiar madabu. Tung mansai ringkot do lampu manang palito dibagasan ngolunta, hape menek manang gelleng do lampu i alai mansai balga do lapatanna.

Udut tu turpuk jamita ta sadarion, d

ijou Debata do Panurirang Jesaya laho pasahoton hataNa tu Bangsa Israel na di habuangan Babel. Boi do tahilala “Golap ni pingkiran holom ni parrohaon ni Bangso i” ala na masa i, alai dipangido Debata asa tongtong ma nasida marpangkirimon dohot marhaporseaon Bangso i di bagabaga haluaon na pinatupa Debata di pudian ni ari jala marsinondang diganup bangso.

Dirajumi Panurirang Jesaya do panjouan ni Debata tu ibana. Diokui Jesaya do na dipilit jala dijou Debata ibana sian bortian dope (ayat 1), na adong tugas nanaeng ulahononna. Suang songoni do hita, ingkon tarajumi ma panjaounta di ngolunta.

II. Hatorangan / Penjelasan Nas

Panjaoun ni Debata dingolunta, naingkon hehe rohanta, tubu pangkirimon jala marhaporseaon holan tu Debata, tung pe angka hamaolon na tabolus dingolunta. Asa marhite i, lam mangantusi hita disangkap ni Debata dibagasan ngolunta. Ala sangkap na denggan do sangkap ni Debata di ngolunta. Turpukon naeng pabagashon pangantusion ta taringot tu Ulaon / panjaoun ni Debata, ima:

1. Holan Asiniroha jala pasaupasu ni Debata do umbahen na  dijou hita (ayat1)

Hata ni Tuhan Jesus, di Evangelium  Yohanes 15:16; ” Ndada hamu mamillit Ahu; Ahu do mamillit hamu jala hupadiri hamu, asa laho hamu marparbue, jala asa mian parbuemuna i; asa dilehon tu hamu nasa sipangidoonmuna sian Ama i marhitehite Goarhu”.

Debata do na mamillit jala manjou hita. Mandok mauliate ma hita ala hita dipillit do hita gabe halak na porsea jala na gabe naposona. Ala ni i unang gabe sumurut manang marungutungut hita laho mangulahon panjouantai. Hombar tu pamatang manang daging ta, ndada holan sada alai torop do ianggo ruasna (1 Kor 12:12), Ganup hita marasing asing do panjoun ni Debata di ngolunta, hombar tu sangkap ni Debata tu hita Ganup. Songon ragam ni angka ulaon ni jolma songoni ma ragam ni ulaon dipanouaon ni Debata. Ndada holan na gabe parbarita nauli asa didok naposo ni Debata, alai ganup na porsean di Debata ido na gabe naposo na Marhite angka ulaon,parange, pambahanen siganup ari.  

2. Diramoti jala dipasingkop Debata do ngolu ni naposona (ayat 2-4)

“Podang na tajom dohot sumbia na niugam / Pedang tajam dan anak panah”, ondo gombaran tugas manang ulaon na porsea ima pasahaton hata ni Debata di tongatonga parngoluan, jala dilehon do gogo laho mangulahon i. Godang do angka hambatan laho pararat hata ni Debata. Boi do hambatan ni sian dirinta sandiri, keluarga dohot angka na asing. Alai ndang pasombuaon ni Tuhani,  Didongani do angka naposo na i, nanaeng pashothon barita haluaon i, adong do jaminan ima hasonangan dohot tumpal hangoluan (Jakobus 1;12).

Marningot saluhut na pambahenan dohot bagabaga ni Debata tu angka naporsea i, ingkon denggan jala marsitutu ma mangulahon hombar tu panjoauanta, unang ma gabe tubu “ginjang ni roha”/kesombongan rohani, ala dipillit Debata hita bahen ulaulana, alai ingkon Marsangapma Debata na marsuru hita.

3. Ditontuhon Debata do nanaeng ulahon ni angka naposo na.

Hombar tu turpukhon naeng taida angka ulaon na pinasahat Debata tu Hita

A. Manindanghon Hamuliaon dohot Pambahenan ni Debata (ay-3)

Pararatohon hata ni Debata marhite ulaon, pangalaho dohot pambahenan ingkon do gabe hangoluonta. Apostel Paulus manurathon “ ndang hasurungan, alai utang do na pararat hata ni Debata, jala marjea molo so dibaritahon”. 1 Kor 9:16 “Ai molo huhatahon barita na uli i, ndang hasurunganku i; utangku hian do i. Marjea do ahu, aut so hubaritahon i”

Manghamuliatehon saluhut denggan ni basa, pasu-pasu na dilehon di hita, sada dalan do i manghatindangkon hamuliaon ni Debata, tung songon dia pe na masa dohot parsorion na ta adopi.

B. Panindangioni ingkon marparbuehon jumolo ma didirinta

Dung mananda hita di pambahenan ni Debata, jala ta pararat hataNa, ingkon tarida mai dingolunta pribadi. Ingkon jumolo hita mengalami perubahan / reformasi sikap, diuduti dohot transformasi  rohani /partondion hombar tu hata ni Debata. Dipaimbaru ganup ari. Lam margogo ma hita mangadopi ngolunta, Amanta boi manjalo hahurangan inanta (dohot sebalikna), ianakhon boi manjalo hahurangan natorasna (dohot sebalikna), parhalado boi manjalo hahurangan ni ruas (dohot sabaliknya), manjalo dohot mangalehon masukan ndada holan mangalehon kritik dohot marungutungut ditongatonga angka parsaoran, ala hita “marga na pinillit, hamalimon na raja, bangso na badia, houm na ginomgomanna, asa tung ta dibaritahon denggan ni harohaon ni Debata, naung manjou hita sian na holom tu hatiuronna halongangan i (1Petrus 2:9)”.

Ingkon Gabe Anak Hatiuron do hita.

C. Mangharingkothon dongan jala gabe Tiruan ala Anak ni Hatiuron do Hita (ay-6)

Pargabus do jolma molo di dok marhaporseaon, alai molo so dihaholongi angka dongan jolma (1 Johanes 4:20). Ala anak hatiuron do hita, ingkon tarida do hatiuran i di humaliangta. Ndang holan dihita na tiur, alai ingkon do boi tiur angka donganta alani parulaan ta siganup ari, songon palito na so ma mintop. Unang ta hungkupi hatiuran na adong dihita. Molo dihungkupi hatiruoni, ujungna boi do gabe mate palitoi manag mohopan hita. Ingkon taharingkothon ma dongan ta. Ta padao ma sikap na so perduli, unang ma hita mandok ndang urusan ku i, urusan ni parhalado i do i, urusan ni pengurus i doi, urusan ni panitia i doi. Ingkon adong do sikap mangkilala dohot roha mangurupi hita manang berempati. Ndada holan hata alai ingkon tarido ma sian pambahenan. Asa marhite i, lam torop jolma na tarjou gabe porsea dihuaso dohot pambahenan Kristus. Jala tugas ta na pararat hata ni Debata / barita na uli tu ganup jolma sahat taulahon.            ``      

Tugas dohot tanggung jawab Anak Hatiuran ni do mamboan angka na  ni hungkupan hagolapon ni portibion.  Taingotma “ Na porsea i Torus do Tiur jala Tiur do Torus dalanna”,

III. REFLEKSI

Ingkon tarajumi do, dijou Debata hita gabe anakNa, hombar tu sangkap ni rohaNa asa marhite parlauanta gabe marmulia Goarna, jala marhite hita lam rarat ma barita ni Goarna, asa na gabe panondang hita di tonga-tonga keluarga, Huria, parsaoran marga dohot di humaliangta.

Unang be hita manghuphupi palito/sondang/hatiuron ni, ingkon ma boi na gabe sulu sulu hita dingolunta tung manang aha pe ulaonta, asa holan Goar ni Tuhani ma na Marsangap jala Marmulia. Songon Ende  KJ N0 424:1 YESUS MENGINGINKAN DAKU

Asa rap mengendehon hita

1. Yesus menginginkan daku bersinar bagiNya,

di mana pun ‘ku berada, ‘ku mengenangkanNya.

Bersinar, bersinar; itulah kehendak Yesus;

bersinar, bersinar, aku bersinar terus.

Amin..

St. E. Marpaung-GKPI Segar Rejosari