Gabe Songon Mata Mual Na So Ra Marsik

TANGGAL      :21 Agustus 2016

NAS              :Yesaya 58:9-14

THEMA   :Gabe Songon Mata Mual Na So Ra Marsik

Patujolo

71 taon dung malua bangso ta, tung godang do angka hamajuan na pinatupa angka panggomi manang pamarenta. Alai tong do sai tardapot hahurangan dohot ragam ni permasalahan na niadopan Bangso ta. Ganup ari do ta ida di Televisi manang ta jaha di Media cetak angka barita na mambahen sumurut roha, isara na barita hajahaton, na mambunu hosa ni jolma,KKN, dohot angka lan na asing. Saluhut angka pemimpin / panggomgomi Negara ta, dihirim do asa lam tu denggan na angka parngoluan ni bangso i, marhite angka program pembangunan, alai tong do sai jumpang masyarakat na so taruli di pembangunan i. Lam tarida do “Jurang Pemisah” antara paradongan dohot na dangol / pogos. Jotjot do masyarakat golongan ekonomi lemah gabe obyek dibahen angka panggomi manang pemimpin.

Gombaran si songoni, tong do di adopi Bangso Israel dung mulak nasida sian Habuangan di Babel, Mulak tu Jerusalem. Marusaha do Bangso i padengganhon parngoluan nasida siapari dohot parngoluan ni partondian nasida marhite parsombaon manang ibadah nasida. Di ula nasida do angka patik ni Jahowa, di Ulaohon do parpuasaon, di parsiajari nasido do angka Patik dohot Uhum ni Debata, alai tong do diula na so hinalomohon ni roha ni Debata. Na paradonagan dohot penguasa mambahen jolma na dangol / na pogos holan gabe objek, asalma maruntun

g nasida.

Turpuk Jamita di Minggu ta, ponggol patoluhon ma sian Bukku Na ni Surat Ni Panurirang Jesaya jala digoari do “Trito Jesaya”, Na mambaritahon, haluaoan ni bangso i sian Habuangan di Babel. Dipaingot Debata do Bangso i asa unang be mangulahon angka hajahaton jala mulak nasida marsomba tu Jahowa marhite parsombaon na tutu na denggan, na sintong. Dohot angka persyaratan na pinatupa Debata, asa taruli pasu pasu nasida sian Debata. Dibaheni mansai porlu do di boto Bangso i songon dia do lomo ni roha ni Debata, jala mangaluhon i.

HATORANGAN NI TURPUK

Asa boi ta antusi turpukon, denggan do hita manjaha sian ayat 1-8, asa dapot hita gombaran na sasintongnta. Diulahon Bangso i do saluhut na pinagido ni ugamo nasida, di ula ruhut-ruhut  parpuasaon, diparsiajari do angka uhum dohot patik ni Debata, alai saluhut nai ndang mambahen las roha ni Debata. Gabe ndang ditangihon Debata parsombaon nasida. Marhite Panurirang Jesaya, di dok Debata asa dipaboa saluhut hasalahon dohot dosa nasida, tung pe nasida marsomba Tu Jahowa. Angka dia ma na mambahen ndang dihalomohon Debata Parsombaon ni Bangso I?

1.Parsombaon / Ibadah holan hasomalon sambing

Diula bangso i do na pinagido ni ugamo i, dipatupa do parpuasaon, dipasahat do angka pelean situtungan, diparsiajari nasido do angka patik dohot uhum,dipatupa do ari raya na, alai saluhutna holan mandalanhon hasomalon, formalitas, rutinitas jala bersifat seremonial. Gabe ndang marimpola manang marlapatan saluhut ulaon i. Ndang dihangoluhon nasida parsomabaon nasida.

Sungkun-sungkun dihita: Boa do Parngoluan ni Partondian ta? Holan hasomalon sambing do parsamboan ta i?, manang holan mandohoti na masa? Ro tu ganup parpunguan ni huria, asa di dok na ringgas marminggu?  Hape ndang ta hangoluhon parsombaon ta i, gabe marisuang , ndang marlapatan saluhut nai.2

2.Holan diri na sambing do di haringkothon

Parsombaon na pinatupa Bangso Israel, ndang di ihuthon dohot parulaonna si ganup ari. Dirajumi roha nasida do ma adong haporseaon na di Jahowa, alai ulaon na ndang patuduhon na marhaporseaon. Di ula nasida do manosak angka parkarejo nasida, mambahen bada, parsalisihan, mamastapi dohot mangasahon gostong ni botohon. Ndang diharingkothon jala disarihon angka donganna na humurang,donganna na so marabit, patubutubu hata na so sintong mardaphon dongan,  holan paruntungan tu dirina sambing do dipingkiri.  Ndang sesuai na di parguruhon nasida dohot pambahenna,(ayat 3-7).

Ido umbahen na didok Apostel Paulus di 2 Tomotius 3: 1-5, “Parrumang hadaulaton do Nasida, alai hogogonna i ndang dapot nasida”. Di dalanhon do ualaon ni parugamaaon alai ndang diparhangoluhon, holan mangihuthon hisap-hisap ni daging do di ulahon. Ingkon taingotma ndang marguna manang na gabe marlapatan haporseaon i, anggo so marulaon haporseaoni, doshon  tu na mate do haporseaon ta i. (Yakobus 2: 20, 26). 

REFLEKSI

Na pinangido ni Debata di saluhut ulaon manang parsombaon ta ima, pasahat dirinta bahen pelean na mangolu, na badia, ido na hinalomohon ni Debata, jala ido hadaulaton (Ibadah) ni na marroha (Na sintong) marhite parulaon ta.  

Rom 12:1 Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha.

Roma 12:1 “Karena itu, saudara-saudara, demi kemurahan Allah aku menasihatkan kamu, supaya kamu mempersembahkan tubuhmu sebagai persembahan yang hidup, yang kudus dan yang berkenan kepada Allah: itu adalah ibadahmu yang sejati”.

Di pangido Debata tu hita marhite turpuk sadarion, asa hita di namagulahon parsombaon, ingkon denggan do parsaoran / hubungan ta tu Debata dohot Jolma. Ondo na gabe ondolan di hita jala marhadomuan do i, asa mangulahon Patik Holong na didok Tuhan Jesus (Matius 22:37-40), songon diamai:

1.Manghaholongi Debata marhite hamubaon ni roha jala mamparhangoluhon ngolu na sintong di adopan ni Debata

Ndang dihalomohon Debata hamatean ni angka pardosa, dilehon do tu jolma i paubahon diri asa mangolu. Ndada holan manghatindangkon na porsea hita di Tuhani, alai ingkon tarida ma i sian parulaon ta siganup ari, Pangalangka, panghataion, pambahenan na ingkon na patuduhon parbue ni haporseaoni. Ndang mangolu be dibagasan hisap hisap ni daging (Gal 5:19), alai mangolu dibagasan pangajarion ni Tondi ni Debata  (Gal 5:22-23)

2.Manghaholongi dongan

Molo ta parhangoluhon hata ni Debata dibagasan parsombaon/Ibadah ta, jala denggan hubungan ta tu Debata, ingkon do tarida dibagasan ngolunta na gabe manghaholongi angka dongan, ndada na holan sahuria, sa marga, alai sude jolma. Marhite Turpukon, asa hita ulahon ma ulaon na denggan, mangurupi dongan na porlu si urupan, ndang maosok nosak, ndang mangasahon gogo manang gostong ni botohon, buas marsilehonlehon tu angka na hurang diparngoluan, marsipasesaan ni dosa, mardame tu angka musu, ndang manjungkati angka dongan, ndang patubutubu hata manang, tudu tudu ni jarijari dohot pangkuling ni hajahaton. (Yesaya 58:6-10, Matius 6-7, lukas 6:27-36).

Molo ta ulahon do sisongoni di ngolunta, talup ma hita di Bagabaga ni Debata, angka dia mai?

1.Hadengganon ni parsaoran ta dohot Tuhanta.

Molo tardapot do dibagasan ulaon ta, ta haholongi angka dongan, jala taulahon saluhut parsombaon na denggan, hombar tu HataNa (ayat 9), “Ida ma, dison do Ahu”. Na marlapatan do na olo do Debata manangihon jala mangalusi angka tangiang dohot pangidoan ta.

2.   Diramoti jala di pasupasu ngolunta (ayat 11-14)

Di hadengganon parsaoran ta dohot Jahowa, di patalup Debata do hita dipasupasu dibgasan ngolunta. Diiring jala diramoti do hita mandalani ngolunta, nata pe ndang sai holan na denggan ta adopi, alai di lehon do gogo dihita, di paimbaru partondian ta ganup ari, di patalup do hita gabe si perdame di tongatonga ni keluarga ta be, hurianta, parsaoran ni marga ta be, dohot dihumaliang ta, jala mangolu dibagasan hamonangan jala tarpasupasu.

          Nuaeng na gabe sungkun sungkun di hita, songon dia do hita dina mandalan hon ngolu ni partondian ta, parsombaoan manag Ibadah ta tu Debata. Holan Hasomalon/formalitas sambing do?

Dipangido tu hita, asa ndada holan ritual acara na gabe tujuan ta marsomba tu Debata, alai ingkon ma mangihut jala tarida ma parbue ni haporseaon ta i di bagsan ngolunta marhite angka ualon ta siganup ari. Molo adong di hita haporseaoan na mangolu, ulaon na denggan jala na mangolu do na tarida di ngolunta.

Jala marhite parsombahon ta na denggan, na badia, ido na gabe dalan padengganhon parsoaran ta dohot Debata, asa disi ma tardapot pangkirimon na mangolu, pangaramotion, gogo dohot pataluphon hita asa gabe pasupasu dikeluarga, parsaoran ni huria, marga dohot humaliangta. Buas marsilehonlehon, mangurupi dongan na dangol, ndada parohon harugian alai parohon las niroha dohot hadengganon do tu hita. Las roha ni hita molo boi maju manang hehe na ta bantu.

Mangulahon na denggan tu angka Dongan doshon mangalehon penghargaan tu diri ta sandiri do i. Hombar  tu Thema ni Minggu ta “ Asa Gabe Mual Na so ra Marsik Ma hita di Ngolunta”. Gabe Pasupasu ma hita diangka humaliangta, ala naung jumolo do hita dipasupasu Tuhani. Amin

St. E. Marpaung-GKPI Segar Rejosari