Indahnya Keberagaman

Indahnya Keberagaman

Kejadian 1 Musa 17: 15-27 

Minggu, 19 Agustus 2018

I. Pendahuluan

Torop jolma molo dibaga-bagahon, jala molo so pintor dipasahat na dibagabaghoni, olo do gabe mandelea, gabe sumurut, hape bagabagi boi do i na gabe sada ujian laho patuduhon hasation, marsitutu do mamang na daong. Tung pe sipata totop do jolma na boi holan mangalehon bagabaga alai maol digohi na pinarbaga nai. Na olo doi mubauba, marnida suasana dirohana. Molo dibagasan las niroha, olo do pintor digohi, alai molo dibagsan jut ni roha, olo do i gabe diparsoada. Jala jotjotan do alani sai dilaosi bagabagai na i gabe patubuhon angka parbolatbolatan, mamang parbadaan. Laos olo do muse didok par janji palsu. Ido molo sian ngoluni hajolmaon.

Tung andul do i tu bagabaga ni Debata. Satia do Ibana di janji/padan nai, jala dipasahat i denggan ditingkina, jala na dihaporluhon ima habengeton dohot hasation, songon na pinatudohon si Abraham di turpuk sadarion.

 II. Hatorangan

Di ayat 17 , Boi idaonta sikap ni si Abraham di na manjalo padani Ima:

(1) Habalgaon Serep ni roha, marhite na manungkap ibana, jala on do na gabe parsiajaran dihita, godang manang balga dipasahat Debata na uli na denggan i tu jolmai, ingkon lam serep do roha, jala marsangap ma Debata baenon ni Jolmai.

(2) Las ni roha dohot parolopolopon dibagasan roha mauliate di na mengkel ibana, ndada na patuduhon roha na so porsea, alai ala ni sonang ni rohana na do. Ala marhite Kristus, saut do sude sangkap ni Debata paluahon jolma sian Dosa.

(3)Pamujion tu Debata, ai dirajumi ibana ndang adong na so tarputapa Debata, tung pe sian roha ni jolma i, ndang mungkin be marianakhon. Alai sian roha na ias diakkoui si Abraham do hagogoon dohot Huaoso ni Debata.

Dung dipaboa Debata, ndang pintor gabe dihalupahon si Abraham anak na si Ismael. Ditangianghon do si Ismael: (ay. 18). Ndada asa si Ismail dipilit Debata, alai tung na mabaiar do rohana sotung gabe so diparmudu Debata. On do parsiajaron di hita:

(1) Tung pe ndang boi lomo-lomonta tu Debata, alai dipaloas Debata do hita mangido na ringkot ditangiangta dibagasan haserepon ni roha. Jala denggan mai dipasahat na gabe si pangidoon manang aha pe na gabe holso dohot anggukanggukta  dibagasan tangiang na marsitutu ma hita mangidohoni tu Debata.

(2). Tangiang ni si Abraham na patuduhon tanggung jawabnya sebagai natoras managianghon angka ianakhon. Songon si Job na mamelehon pelean situtungan hombar tu godang ni anakhonna. (Ayub 1:5). Asa on do na gabe tiruan di hita unang pintor ni halupahon angka haulion dohot angka hadengganon na sailon, molo tung pe adong sihiromon naunm denggan sian na parjolo.

(3). Dipangido Debata do angka saluhut ianakhon dohot pinompar mangolu dibagasan hasintongan dohot hatigoran manjagahon padan tu Debata. Pasu-pasu partondion ido pasupasu na arga. Jolma na tarpasupasu ima jolma na mangolu dibagsan dohot diadopan ni Debata

Ay. 20 dialusi Debata do pangidoan ni si Abraham, on ma alus ni hadameon. Angka dia mai:

(1). Berkat-berkat umum dijamin bagi Ismael (ay. 20):

(A) Na gabe sitorop pinompar, jala on ma parbue ni pasupasu i.

(B) Gabe bangso na bolon.

(2).Berkat-berkat perjanjian disimpan bagi Ishak, dan dipersiapkan khusus untuknya (ay. 19,21).

(a) diulahai Debata do bagabagaNa, na manubuhon anak baoa si Sarah. Marulahulak do Debata paboahon bagabagNa tu Jolma na porsea, asa tetap dibagsan semangat dohot roha na marsitutu dibagasan habengeton.

(b) Debata sandiri do na mangelohon goar ni si Isak, tungpe so sorang dope. Isak marlapatan yang tertwa, ala dibagsan engkel las niroha do si Abraham manjalo bagabagai.  Baga-baga ni Debata las ni roha do diangka na porsea. Jala songon Kristus na debata sandiri pasahothon Goar tu siMaria,  Kristus gabe silas ni roha dohot pangkirimon diangka na mangalului Ibana.

(c) Marhite Isak do gohan ni Debata padan nai. Jala digohi dina ro Kristus tu portibion.

Songon dia do respon ni Abraham ? Dibagasan pangkirimon dohot haporseaon, dipatupa jala diulahon si Abraham do padan i, ima parsunaton, songon tanda hasation tu padan. Jala mudar na use ido tanda panobusion, na dipasingkop Jesus Kristus padani, di na durus mudar Na di hau pinorsilang. Dison ma hataridaan ni

(1) hasatiaon, dohot pangolion ni si Abraham. Ndada holan didirina alai tu sude angka baoa na adong dibagas na, na tubu dijabuna manang na dituhor hepeng na (ima angka hatobanna), ndang adong disungkun aho do lap patan jala tujuanna, alai dirajumi ido uhum ni Debata, jala diulahon ala Debata do na marsuru. Na marlapatan diarahon si Abraham do parsuruon ni Debata, sahat tu sude jolma asa ndada holan ibana na taruli pasupasu, alai sude na porsea dapotan. On do tiruan diganup keluarga, asa saluhutna dibagasan hasatioan mangulahon hata ni Debata.

(2). Hasatiaon ni ndang marpaima, pintor diulahon do. Pada hari itu juga (ay. 23,26). On do naeng sitiruon ta, asa unang olo hita marlemba ni roha mangulahon na gabe kewajiban, manang sai holan marnida dohot mamilangi ari na denggan, ai ndang ta boto sadihari marujung ngolunta. Alani i, ingkon rade ma hita mangulahon panjounta i, unang be marsidalian.

III.  REFLEKSI

Uli sada Taman Bunga, molo tarida manang godang ragam ni angka bunga-bunga, jala na diatur, disusun hombar tu jenis dohot rancangan ni tamani jala na torus do tamani dirawat, dipaias dohot diranting. Didok uli, denggan, ala tarida rupa/warna, bungana, suang songoni nang angurna. Lobi sian bunga i do ngolu ni haolmaon. Marrgagam do suku bangsa, ugamo, paradaon, bahasa, warna kulit, ulaon dlna. Jala bangsonta Bangso Indonesia, dibahen do rahut-rahutna na margoar Bhineka Tunggal Ika, Berbedabeda tetapi tetap satu.

Ndang holan i, disada keluarga, na samudar tondo tarida ragamna, sifat / pangalaho / parrohaon ndang adong na sarupa, tung pe sa-ama, sa-ina. Bahkan sidik jari ni jolma i ndang adong na sarupa. Jadi boi antusanta sian mula nai nunga tung mansai godang hape angka perbedaan di jolma i.  Alai na gabe sungkun-sungkun di hita, boa do jolma i mangadapi di angka perbedaan i.

Molo ta pamanat diari parpudi on, tarlumobi di Bangsonta, tung mansai tandap do hataridaan ni angka perbedaan i. Tung mansai jotjot do ta bege angka isu SARA, ima rumang ni perbedaan alani na asing suku, ugamo, warna kulit dohot horong na. Mayoritas tu minoritas, hape Negaranta nunga manontuhon marhite angka aturan, ndang adong ianggo perbedaan diangka anak dibangso i, alai realita na sai tarida do i di pardalanan ni ngolu ni bangso on. Tontu sahali, olo mai mambahen gabe ganggu rohanta, ala minoritas do hita. Jala molo masa pe i, tongtong ma sihamuliatehon dohot ingkon tahaholongi nasida, ai ido panjouan ni Kristus i marhite haporseaon ta i, ai ingkon manaon haporsuhon do hita ala manghatindangkhon goarNi Kristus i. 

Asa on do na gabe parsiajaran di hita asa songon dia do sikap ta marnida angka perbedaan hombar tu tema “ Uli nai na Marimbar / Indahnya Keberagaman”.

Sebagai mahluk sosial nang boi jolmai sirang sian donganna jolma. Ndang adong na singkop / sempurna jolma i. Saluhutna do adong hahurangan. Dibagasan Debata adong haimabruon, Abram gabe Abraham (Ompu na Porsea) = Bapa Orang Percaya, Bangsa Yang besar, Sarai gabe Sarah (Boru ni Raja/Putri Raja)= Ibu Bagi bangsa dan raja besar.

Nunga dipatudu si Abraham tiruan na denggan ima taringot tu haporseoan dohot pangoloin tu Debata, na porsea jala marpangkirimon dibagabaga ni Debata. Dibagasan haporseoan, hasatiaon dohot habengeton do diulahon si Abraham uhum ni Debata. Di na marjanji Ibana dohot Debata. Ndada holan dirina sambing dipingkiri, alai saluhut na porsea asa taruli ragam ni pasupasu. Ido naeng ulahononta, adong sikap keperdulian diangka dongan, tung pe ndang sahorong, sa marga, sa umarga,  alai tarida ma parjolo nian dihita na sahuria. Ndang adong imbar na di si Abraham si Isak dohot si Ismael.

On do tanda na mangolu dibagasan Debata, sai adong haimbaruon disikap, pangalaho, hamubaon ni roha di pardalanan ni ngoluna., ala Debata do na mangula dirohana. Jala ondo bagabaga tu na porsea i. Ai ganup jolma marasing-asing do pasupasu na jinalona sian Debata, adong na godang, adong na otik. Ala ni i unang ma angka perbedaan i gabe tabahen sada batas, alai ingkon ma saluhut perbedaan na gabe saling melengkapi. Jala asa tarida haulion di angka na marrimbar i, ringkot do kepatuhan dohot keteraturan.

Sebagai keturunan Abraham secara rohani karena kita percaya kepada Yesus Kristus, sudah seharusnya kita menjadi teladan kebaikan yang membawa damai dan menjadi saluran berkat bagi semua orang yang tentu berbeda dengan kita, baik suku, agama, warna kulit, golongan. Dan kita menjadi agen sukacita, serta kedamaian dimanapun kita berada.